ايماقتىق سەمينارعا قاتىستى

سەناتور سەرىك ءبىلالوۆ ورتالىق جانە شىعىس ەۋروپا ەلدەرىنىڭ پارلامەنتتەرىنە ارنالعان ورنىقتى دامۋ ماقساتتارى جونىندەگى ايماقتىق سەمينارعا قاتىستى. پارلامەنتارالىق وداقپەن بىرلەسە وتىرىپ, رۋمىنيا پارلامەنتى ۇيىمداستىرعان شارا بۋحارەستە ءوتتى, دەپ حابارلادى سەناتتىڭ ءباسپاسوز قىزمەتى. سەمينارعا ورتالىق جانە شىعىس ەۋروپا ەلدەرى پار­لامەنتتەرىنىڭ دەپۋتاتتارى مەن اپپارات قىزمەتكەرلەرى, سونداي-اق, حالىقارالىق ۇيىمداردىڭ وكىلدەرى قاتىستى. سەمينار بارىسىندا 2015 جىلعى قىركۇيەكتە بۇۇ-دا قابىلدانعان جانە 2016-2030 جىلدارى ىسكە اسىرۋ ۇسىنىلعان ورنىقتى دامۋدىڭ 17-ءشى ماقساتتارىنا قول جەت­كىزۋ, سونداي-اق, ونى شەشۋگە پارلامەنتتەردى بەلسەندى قاتىستىرۋ ماسەلەلەرى تال­قىلاندى. سەنات دەپۋتاتى س.ءبىلالوۆ وسى سالا بويىنشا ءبىزدىڭ ەلىمىزدىڭ تاجىريبەسىمەن تانىس­تىردى. سەناتور ءوز سوزىندە قازاقستاننىڭ 2050 جىلعا دەيىنگى دامۋ ستراتەگياسىن, «100 ناقتى قادام» ۇلت جوسپارىن ىسكە اسىرۋ بارىسى, پارلامەنتتىڭ زاڭ شىعارۋ قىزمەتى تۋرالى ايتىپ, سەمينارعا قاتىسۋشىلاردى ەكسپو-2017 حالىقارالىق كورمەسىنە قاتىسۋعا شاقىردى. شارا اياسىندا س.ءبىلالوۆ رۋمىنيا سەناتىنىڭ ءتور­ا­عا­سى ي.كەلارۋمەن, رۋمى­نيا دە­پۋتاتتار پالاتاسى ءتور­­اعاسىنىڭ ورىنباسارى ك.يورداكەمەن جانە دەپۋتاتتار پالاتاسىنداعى رۋمىنيا-قا­زاقستان دوستىق تو­بىنىڭ جە­تەكشىسى ك.الەكسەمەن كەزدەستى.