شىمكەنتتە مۇگەدەكتەن پارا العان دەپارتامەنت باسشىسى ۇستالدى

استانا. 20 ءساۋىر. ەڭبەك, الەۋمەتتىك قورعاۋ جانە كوشى-قون كوميتەتىنىڭ وڭتۇستىك قازاقستان وبلىسى بويىنشا دەپارتامەنت باسشىسى مۇگەدەك جاننان پارا الۋ بارىسىندا ۇستالدى. بۇل تۋرالى korrespondent.kz-كە سىلتەمە جاساعان egemen.kz ءتىلشىسى حابارلادى. اتالعان دەپارتامەنتتى باسقاراتىن بەيبىت سىزدىقوۆقا وبلىستاعى مۇگەدەكتەردەن قارجى جيناپ كەلگەن دەگەن ايىپ تاعىلدى. ونى سىبايلاس جەمقورلىققا قارسى كۇرەس بيۋروسىنىڭ ماماندارى 100 مىڭ تەڭگە كولەمىندە پارا الىپ جاتقان جەرىنەن ۇستاعان. «سىزدىقوۆ اۋداندىق ءبولىم باسشىلارىمەن ءسوز بايلاسىپ, ەڭبەككە جارامسىز, مۇگەدەك جانداردان مۇگەدەكتىككە تىركەۋ ءۇشىن نەمەسە ونىڭ مەرزىمىن ۇزارتىپ بەرۋ ءۇشىن اقشا جيناۋدىڭ جۇيەسىن قۇرعان», – دەيدىسىبايلاستىققا قارسى كۇرەس ماماندارى. قۇقىق قورعاۋشىلار ۇستايتىن ساتتە ول مۇگەدەك جاننان 100 مىڭ تەڭگە كولەمىندە پارا الىپ جاتقان. بۇل قاراجات ءۇشىن ول مۇگەدەكتىكتىڭ مەرزىمىن ۇزارتىپ بەرمەك بولىپتى. قازىرگى تاڭدا كۇدىكتى قاماۋعا الىنىپ, تەرگەۋ امالدارى ءجۇرىپ جاتىر. ايتا كەتەيىك, بەيبىت سىزدىقوۆ دەپارتامەنتتىڭ باسشىلىق تىزگىنىن العانعا دەيىن وتىرار اۋدانى مەن تۇركىستان قالاسىنىڭ اكىمى بولعان. تالعات رايىمبەك. دەرەك, فوتو: korrespondent.kz.