زاۋىتتا بولعان جارىلىستان 105 ادام زارداپ شەكتى

استانا. 21 ءساۋىر. مەكسيكانىڭ ۆەراكرۋس شتاتىنداعى مۇناي-حيميالىق زاۋىتتا بولعان جارىلىستان 105 ادام زارداپ شەكتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. Petroquimica Mexicana de Vinilo زاۋىتىندا 20 ءساۋىر كۇنى جويقىن جارىلىس بولدى. قۇتقارۋشىلار توبى وسىنىڭ سالدارىنان 2 مىڭنان استام ادامدى قاۋىپسىز ايماققا كوشىردى. ايماق باسشىسى حاۆەر دۋارتەنىڭ مالىمدەۋىنشە, 58 ادام سول كاسىپورىننىڭ قىزمەتكەرلەرى. جاراقات العانداردىڭ ءبارى اۋرۋحاناعا جاتقىزىلدى. وسىعان دەيىن 3 ادامنىڭ قازا تاپقانى تۋرالى اقپارات تاراعان. الايدا, بۇل مالىمەت رەسمي حابارلانعان جوق. سونداي-اق, حاۆەر دۋارتە وسىعان بايلانىستى اتالعان شتاتتاعى التى مۋنيتسيپياسىندا ءبىلىم ورىندارىندا ساباق بولمايتىنىن ايتتى. قازىر وقيعا ورنىندا تەرگەۋ امالدارى ءجۇرىپ جاتىر. جارىلىستىڭ باستى سەبەبى ازىرگە بەلگىسىز. ايان ءابدۋالي. دەرەك: ريا «نوۆوستي». فوتو: eluniversal.com.mx.