اقىندار ايتىسى جاسارا ءتۇستى

قازاق ۇلتتىق ونەر ۋنيۆەرسيتەتى قازاقستان رەسپۋبليكاسى تاۋەلسىزدىگىنىڭ 25 جىل­دىعىنا جانە الاش ارىسى ءا.بوكەيحانوۆتىڭ 150 جىلدىعىنا وراي « ۇلى دالانىڭ ۇلانىمىن» اتتى ستۋدەنتتەر ايتىسىن وتكىزدى. «اتالمىش ايتىستىڭ نەگىزگى ماقساتى –  وت اۋىزدى, وراق ءتىلدى اقىنداردىڭ جۇرەكجاردى جىرىمەن تاۋەلسىزدىكتىڭ قادىرىن ۇعىن­دىرۋ جانە ازاتتىق جولىندا التىن باستارىن بايگەگە تىككەن الاش ارىستارىن ەسكە الۋ, اتامۇرا ونەردى دارىپتەۋ بولىپ تابىلادى. قازاق ۇلتتىق ونەر ۋنيۆەرسيتەتىنىڭ قابىرعاسىندا تۇڭعىش رەت وتكىزىلىپ وتىرعان ايتىسقا ۋنيۆەرسيتەتىمىزدىڭ ءداس­تۇرلى مۋزىكالىق ونەر فا­كۋلتەتىنىڭ «ءداستۇرلى ءان» كافەدراسى, قورقىت اتا اتىنداعى عىلىمي-زەرتتەۋ ينستيتۋتى مەن ايتىس اقىندارى مەن جىرشى, تەرمەشىلەردىڭ حالىقارالىق وداعى قولداۋ ءبىلدىرىپ, ەلىمىزدەگى اعا بۋىن اقىندار وكىلدەرى ءوز قالتالارىنان قاراجات شىعارىپ, جۇلدە تاعايىندادى», دەدى ايتىستى ۇيىمداستىرۋشى, بەلگىلى ايتىسكەر اقىن ەركەبۇلان قاي­نازاروۆ. جاستاردىڭ شەبەرلىگىن كورۋ ءۇشىن شەكتەۋ قىلماي, ۋاقىتتى دا ۇزاعىنان بەرىپ, ولاردىڭ ءسوز ساپتاۋىنا, اياق الىسىنا قازىلىق جاساعانداردىڭ قاتارىندا قازاق­ستاننىڭ ەڭبەك سىڭىرگەن قايراتكەرى ءجۇرسىن ەرمان, جىرشى, قازۇوۋ پروفەسسورى الماس الماتوۆ, بەرىك ءۋالي, امانجول ءالتاي, سەرىكزات دۇيسەنعازى, داۋلەتكەرەي كاپ ۇلى, شىرىنبەك قويلىباەۆ بولدى. ايتىس بارىسىندا قازىلار جاڭادان شىققان اقىنداردى جەتە سىناۋ ءۇشىن العان ۇپايلارىنا قاراماي, قايتا ءبىر ايتىستىردى. ياعني, تۇگەل 10 ۇپاي ەنشىلەگەن, رەسپۋبليكالىق ايتىستاردا باق سىناپ جۇرگەن اقىندار اقتىق سىندا ونەر كورسەتكەن جوق, ولار ءۇشىن رەسپۋبليكالىق دەڭگەيدەگى ايتىستارعا ەسىك اشىق. «بۇل ەكس­پەريمەنتتىك جوسپار ءوز جەمىسىن بەردى دەۋگە بولادى. ءبىزدىڭ دە كۇتكەنىمىز وسى», دەدى ايتىستى ۇيىمداستىرۋشىلار. سونىمەن, بەس ساعاتقا سوزىلعان ءسوز سايىسىنىڭ قورىتىندىسى بويىنشا, باس بايگەنى اتالمىش وقۋ ورنىنىڭ «ءداستۇرلى مۋزىكالىق ونەر» فاكۋلتەتىنىڭ 1-كۋرس ستۋدەنتى راي ءدوڭباي ەنشىلەدى. ەكىنشى ورىندى ارۋنا كەرىمبەك, ال ءۇشىنشى ورىن داۋرەن پولاتباەۆقا بۇيىردى. قالعان اقىندار دا قۇر قول قايتپادى. ولارعا ايتىس ارداگەرلەرىنىڭ اتىنا جازىلعان ارنايى ديپلوم­دار مەن باعالى سىيلىقتار تابىس ەتىلدى. تارقاتا ايتساق, امانجول Əلتاي تاعايىنداعان شىنبولات دىلدەباەۆ اتىنداعى جۇلدە دانيار الدابەرگەنوۆكە, ەركەبۇلان قاينازار تاعايىنداعان كوپباي وماروۆ اتىنداعى جۇلدە نارتاي تىلەۋقۇلعا, دəۋلەتكەرەي كəپ ۇلى تاعايىنداعان ورازالى دوسبوسىنوۆ اتىنداعى جۇلدە بەك شماتقا, جانداربەك بەگىمبەتوۆ پەن ەرىك اسقاروۆ اتىنداعى ديپلوم جəنە «سامۇرىقەكسپو» كومپانياسى تاعايىنداعان با­عالى ەلەكتروندى كىتاپتار وسى جولداردىڭ اۆتورى مەن تاڭ­جارىق ەرجانعا, اينۇر تۇر­سىنباەۆا تاعايىنداعان تəۋ­شەن Əبۋوۆا اتىنداعى ءجۇل­دە سۇلۋجان تاۋبالدىعا, بال­عىن­بەك يماشەۆ تاعايىنداعان ەسەنقۇل جاقىپبەكوۆ اتىنداعى جۇلدە نۇرقانات قايراتقا, جىبەك بولتانوۆا تاعايىنداعان اسىلبەك يشانوۆ اتىنداعى جۇلدە داۋرەن ىسقاققا, شىرىنبەك قوي­لى­باەۆ تاعايىنداعان Əزىمبەك جان­قۇليەۆ اتىنداعى جۇلدە سى­رىم ادىلبەككە, «باقوردا» مەديا-كومپانياسى تاعايىنداعان قاليحان التىنباەۆ اتىنداعى جۇلدە تورەحان سوۆەتكە بۇيىردى. جالىنى بولەك جاستار بۇگىنگى اياق الىسىمەن الداعى الامانداردا ءتول ونەرىمىزدىڭ تورىنەن كورىنەرىنە بەك سەنىمدىمىز. راۋان قايدار, «ەگەمەن قازاقستان»