قازاقستان رەسپۋبليكاسى ۇكىمەتىنىڭ قاۋلىسى №1454

2010 جىلعى 30 جەلتوقسان, استانا, ۇكىمەت ءۇيى تەحنوگەندىك مينەرالدىق تۇزىلىمدەردىڭ مەملەكەتتىك كاداسترىن جۇرگىزۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 53) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تەحنوگەندىك مينەرالدىق تۇزىلىمدەردىڭ مەملەكەتتىك كاداسترىن جۇرگىزۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى     ك.ءماسىموۆ. قازاقستان رەسپۋبليكاسى ۇكىمەتىنىڭ 2010 جىلعى 30 جەلتوقسانداعى №1454 قاۋلىسىمەن بەكىتىلگەن تەحنوگەندىك مينەرالدىق تۇزىلىمدەردىڭ مەملەكەتتىك كاداسترىن جۇرگىزۋ قاعيداسى 1. جالپى ەرەجەلەر 1. «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسى زاڭىنىڭ 16-بابىنىڭ 53) تارماقشاسىنا سايكەس ازىرلەنگەن تەحنوگەندىك مينەرالدىق تۇزىلىمدەردىڭ مەملەكەتتىك كاداسترىن جۇرگىزۋ قاعيداسى (بۇدان ءارى – قاعيدا) تەحنوگەندىك مينەرالدىق تۇزىلىمدەردىڭ مەملەكەتتىك كاداسترىن ( بۇدان ءارى – مەملەكەتتىك كاداستر) جۇرگىزۋ ءتارتىبىن بەلگىلەيدى. 2. مەملەكەتتىك كاداستردى جۇرگىزۋ جەر قوي­ناۋىنىڭ مەملەكەتتىك قورىنىڭ جاعدايىن ەسەپكە الۋ جۇيەسىنىڭ قۇرامداس بولىگى بولىپ تابىلادى. 3. مەملەكەتتىك كاداستردى جەر قويناۋىن زەرت­تەۋ مەن پايدالانۋ جونىندەگى ۋاكىلەتتى ورگان (بۇدان ءارى – ۋاكىلەتتى ورگان) جۇرگىزەدى. 2. تەحنوگەندىك مينەرالدىق تۇزىلىمدەردىڭ مەم­لە­كەتتىك كاداسترىن جۇرگىزۋ ءتارتىبى 4. مەملەكەتتىك كاداستر جانە مينەرالدىق شيكى­زاتتى قايتا وڭدەۋ تۋرالى مەملەكەتتىك كاداستر ەسەپكە الۋ پاسپورتتارى (بۇدان ءارى – پاسپورت) تۇرىندە رەسىمدەلەتىن, مينەرالدىق شيكى­زات­تى ءوندىرۋ مەن وڭدەۋدىڭ جينالاتىن قالدىق­تارىنىڭ جاي-كۇيى جانە پايدالانۋ تۋرالى جۇيە­لەنگەن, كەزەڭدىلىگىمەن تولىقتىرىلاتىن جانە ناقتى­لاناتىن بىرىزدەندىرىلگەن قىسقاشا ءمالى­مەت­تەردىڭ جيىنتىعىن بىلدىرەدى. مەملەكەتتىك كاداستر ساقتاۋدىڭ ساندىق جانە ساپالىق كورسەتكىشتەرى, تاۋ-كەن تەحنيكالىق جانە ەكولوگيالىق جاعدايلارى كورسەتىلە وتىرىپ, تەحنوگەندىك مينەرالدىق تۇزىلىمدەردىڭ تيپتەرى مەن تۇرلەرىن سيپاتتايتىن ۇيمە وبەكت بويىنشا مالىمەتتەردى قامتيدى. 5. تەحنوگەندىك مينەرالدىق تۇزىلىمدەر مەملەكەتتىك كاداستردا ەسەپكە الۋعا جاتادى. 6. پاسپورتتار يندۋستريالىق ساياساتتى رەتتەۋ سالاسىنداعى ۋاكىلەتتى ورگان بەكىتەتىن تەحنوگەندىك مينەرالدىق تۇزىلىمدەردىڭ مەملەكەتتىك كا­داسترىن جۇرگىزۋ جونىندەگى نۇسقاۋلىقتىڭ تالاپ­تارىنا سايكەس تولتىرىلادى. 7. پاسپورتتاردى مەنشىك نىسانىنا جانە جۇ­مىستاردى قارجىلاندىرۋ كوزدەرىنە قاراماستان, جىل سايىن بارلىق جەر قويناۋىن پايدالانۋ­شىلار: كەن ورىندارىن يگەرۋ كەزىندە قالدىقتار جي­ناقتالعان; پايدالى قازبالار بايىتىلعاندا جانە مينە­رالدىق شيكىزاتتى مەتاللۋرگيالىق تۇرعىدان بولگەن; يگەرۋدىڭ جاڭا تەحنولوگيالىق جوبالارى بەكىتىلگەن جاعدايدا جاسايدى. جەر قويناۋىن پايدالانۋشى پاسپورتتى ءتورت دانادا جاسايدى جانە جىل سايىن 15 اقپاننان كە­شىكتىرمەي باستاپقى ەسەپكە الۋ ماتەريال­دارىنا نەگىزدەلگەن جەر قويناۋىنىڭ جاي-كۇيى تۋرالى گەولوگيالىق ەسەپتىلىكتىڭ ارناۋلى نىسان­دارىن ۋاكىلەتتى ورگانعا ۇسىنۋمەن ءبىر ۋاقىتتا: ەكەۋىن – ۋاكىلەتتى ورگاننىڭ وڭىرارالىق دەپارتامەنتىنە (ودان ءارى – ءود), ءۇشىنشىسىن – قورشاعان ورتانى قورعاۋ سالاسىنداعى ۋاكىلەتتى ورگانعا جىبەرەدى, ءتورتىنشىسىن جەر قويناۋىن پايدالانۋشى وزىندە ساقتايدى. ءود پاسپورتتاردى تەكسەرگەننەن كەيىن ءبىر داناسىن ۋاكىلەتتى ورگانعا جىبەرەدى. 8. ۋاكىلەتتى ورگان كەلىپ تۇسكەن پاسپورتتاردى مەملەكەتتىك كاداسترگە ەنگىزەدى جانە: مەملەكەتتىك كاداستردىڭ ماتەريالدارىن جي­ناۋدى, ەسەپكە الۋدى, جۇيەلەۋ مەن ساقتاۋدى; ەسەپتەۋ تەحنيكاسىن پايدالانا وتىرىپ, مەملەكەتتىك كاداستردىڭ دەرەكتەرىن وڭدەۋدىڭ اۆتو­مات­تاندىرىلعان جۇيەسىن قۇرۋدى جانە ونىڭ جۇمىس ىستەۋىن جانە ونىڭ نەگىزىندە جەر قوينا­ۋىن پايدالانۋشىلارعا انىقتامالىق-اقپارات­تىق قىزمەت كورسەتۋدى قامتاماسىز ەتەدى.