ەۋروپا قارجى ورتالىقتارىمەن ىسكەرلىك بايلانىستار

تاياۋدا «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ باستاعان قازاق­ستاندىق دەلەگاتسيا گەرمانياعا جۇمىس ساپارىمەن باردى. ماينداعى فرانكفۋرت قالاسىندا ورنا­لاسقان ەۋروپاداعى ەڭ ءىرى بولىپ سانالاتىن قارجى ورتالىعىندا بولۋ بارىسىندا ق. كەلىمبەتوۆ ءىرى بانكتەر,  حولدينگتەر مەن قارجى ۇيىمدارىنىڭ باسشىلىعىمەن بىرقاتار ەكىجاقتى كەزدەسۋلەر, ناقتى ايتقاندا, ەۋروپا ورتالىق بانكىنىڭ باسقارما مۇشەسى دجيل نوبەلمەن, گەرمانيا بۋندەسبانكىنىڭ باسقارما مۇشەسى كارل-ليۋدۆيگ تيلمەن, Deutsche Bank AG بانك باسقارماسىنىڭ تەڭ توراعاسى يورگ فيتچپەن كەزدەسۋلەر وتكىزدى. كەزدەسۋلەر بارىسىندا احقو باس­شىسى گەرمانيالىق جانە ەۋروپالىق ارىپتەستەرىن «استانا» حالىقارالىق قارجى ورتالىعىنىڭ جۇمىسى جانە ونىڭ ماقساتتارى مەن توپ-10 ازيالىق قارجى ورتالىقتار قاتارىنا كىرۋ جانە الداعى 7-10 جىلدا شامامەن 18 مىڭ جۇمىس ورنىن قۇرۋ بويىنشا باسىم مىندەتتەر تۋرالى بايانداپ بەردى. احقو ەرەكشە قۇقىقتىق مارتەبەگە يە جانە ەركىن قارجى ايماعى ەكەندىگى اتالىپ ءوتىلدى, ال ونىڭ قىزمەتى الەمدەگى جەتەكشى قارجى ورتالىقتارىنىڭ ءتاجىري­بەسىنە  نەگىزدەلەتىن بولادى. اتالعان تاقىرىپ گەرمانيا­نىڭ جەتەكشى ەكونوميكالىق قاۋىم­داس­­تىقتار, قارجى قۇرىلىمدارى مەن ين­ۆەستيتسيالىق قورلار باس­­شىلارىنىڭ دوڭگەلەك ۇستەل باسىنداعى اڭگىمەسىندە ءوز جالعاسىن تاپتى. ستراتەگيالىق ارىپتەستىك بويىنشا قازاق-گەرمان ىسكەرلىك كەڭەسىنىڭ تەڭ توراعاسى پەتەر تيلس قازاقستاندىق تاراپتى قازاقستان مەن گەرمانيا اراسىنداعى اعىمداعى ەكونوميكالىق جانە ينۆەستيتسيالىق ىنتىماقتاستىقتىڭ دامۋى تۋرالى حابارلادى. سونىمەن قاتار, پرەزيدەنت نۇرسۇلتان نازارباەۆتىڭ «100 ناقتى قادام» ۇلت جوسپارى شەڭبەرىندە احقو قۇرۋ بويىنشا باستاماسى, ينۆەستورلار ءۇشىن اعىلشىن قۇقىعى, 50 جىلعا ارنايى سالىق جەڭىلدىكتەرى, ۆيزالىق جانە جەڭىلدەتىلگەن ەڭبەك ءتارتىبى سياقتى جەڭىلدىكتەرى بار قارجى ينس­تيتۋتىنىڭ قىزمەتىن رەسمي تۇردە ناقتى مالىمدەيدى. جالپى, نەمىس تاراپى احقو قىز­مە­­تىنە ۇلكەن قىزىعۋشىلىق بىلدىرەدى جانە ينۆەستيتسيالاردى تارتۋ سالاسىندا, اكتيۆتەر مەن كاپيتالدى باسقارۋ, حا­لىقارالىق دەڭگەيدە ساراپشىلار دايىنداۋ, جەكەمەنشىك تۇلعالاردىڭ الەۋەتتەرىمەن (private banking) جانە ت.ب. سالالاردا ىنتىماقتاستىق ورناتۋعا ءوز دايىندىعىن اتاپ ءوتتى. كەزدەسۋلەر مەن كەلىسسوزدەر ءناتي­جە­سىندە قارجى ورتا­لىق­تارى اراسىندا ىنتىماق­تاستىقتى كە­ڭەي­تۋ بويىنشا كەلىسىمدەرگە قول جەتكىزىلدى.  «ەگەمەن-اقپارات»