جاستار جالىنى

تاياۋدا «كونگرەسس-حولل» سارايىندا استانا قالاسى جاس­تار ساياساتى ماسەلەلەرى جونىندەگى باسقارماسىنىڭ قولداۋىمەن, «نۇر وتان» پارتياسى «جاس وتان» جاس­تار قاناتىنىڭ ۇيىمداستىرۋىمەن «جاستار جالىنى – 2016» اتتى شىعارماشىل جاستار فەستيۆالىنىڭ جابىلۋ سالتاناتىنا ارنالعان گالا-كونتسەرت ءوتتى. وسىمەن ءتورتىنشى جىل ۇيىمداستىرعان بۇل ءداستۇرلى شارا قازاقستان رەسپۋبليكاسىنىڭ 25 جىلدىعىنا ورايلاستىرىپ وتكىزىلدى. مۇنداي شارالار جاستاردىڭ ازاماتتىق جانە شىعارماشىلىق بەلسەندىلىگىن ارتتىرىپ قانا قويماي, دارىندى جاستاردى انىق­تاۋ جانە تاۋەلسىزدىك تاعىلىمىن تانىتا وتىرىپ, ولاردى پاتريوتتىق رۋحتا تاربيەلەۋگە شاقىرادى. «نۇر وتان» پارتياسىنىڭ حات­شىسى ف.قۋانعانوۆ فەستي­ۆال جەڭىمپازدارى مەن قاتىسۋشى­لارىنا, سونىمەن بىرگە, ەلوردالىق ستۋدەنتتەرگە پارتيا اتىنان جەڭىس تىلەپ, ۇلكەن سەنىم ءبىلدىردى. ايتا كەتەيىك, نەگىزگى شارا اياسىندا 10 اتالىم بويىنشا ءارتۇرلى بايقاۋلار وتكىزىلدى. ماسەلەن, «ەسترادالىق ءان باي­قاۋى», «ەڭ ۇزدىك ەرىكتىلەر جوباسى», «ەڭ ۇزدىك بەينەروليك», «ەڭ ءۇز­دىك ستۋدەنتتىك كلۋب», «كۆەست», «نە؟ قايدا؟ قاشان؟», «ەڭ ۇزدىك حالىقتىق جانە زاماناۋي بي», «ەڭ ۇزدىك جانكۇيەرلەر», «اۆتورلىق وقۋ» جانە «مۋزىكا اسپاپتارىندا ويناۋ» اتالىمدارى بويىنشا جەڭىمپازدار انىقتالىپ, دەپۋتاتتار مەن تانىمال ونەر جانە مادەنيەت قايراتكەرلەرىنىڭ قولىنان سالتاناتتى تۇردە ارنايى ديپلومدارمەن ماراپاتتالدى. اسىرەسە, گالا-كونتسەرتتىڭ كو­رى­گىن قىزدىرعان قازاقستاندىق ەس­ترادا جۇلدىزدارى مارجان اراپباەۆا, ديماش قۇدايبەرگەنوۆ, اعايىندى جۇگىنىسوۆتەر, دوس, كۇرماش ماحان, يبراگيم ەسكەندىر جانە ت.ب. ساحناداعى جاستاردىڭ جاستىق جالىنى مەن جانكۇيەرلىك قىرلارىنا ريزاشىلىق سەزىمدەرىن ءبىلدىرىپ, اق جول تىلەپ جاتتى. فەستيۆالعا ەلوردانىڭ 10 جو­عارى جانە 14 كاسىپتىك-تەحنيكالىق وقۋ ورنىنان 1000-نان اسا ستۋدەنت قاتىستى. جىل سايىن وتەتىن «جاستار جالىنى» فەستيۆالى اس­تانانىڭ دارىندى, بەلسەندى جانە ماقساتكەر جاستارى ءۇشىن سۇيىكتى مەيرامعا اينالىپ وتىر. راۋشان تاۋىرحانقىزى, «ەگەمەن قازاقستان»