مەكتەپ باسشىسى قانداي بولۋى كەرەك؟

قازىرگى زاماندا ءبىلىم بەرۋ ۇيىمىنىڭ كوشباسشىسى قان­داي بولۋى كەرەك؟ ول قانداي قاسيەتتەرىمەن ەرەكشەلەنۋى كەرەك؟ مىنە, «ورلەۋ» باۇو اق فيليا­لى جامبىل وبلىسى بويىنشا پە­داگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ۇيىمداستىرۋىمەن وتكەن «ءبىلىم بەرۋ ۇيىمىنىڭ ىسكەر-كوشباس­شىسى» وبلىستىق فورۋمى وسى ساۋالعا جاۋاپ ىزدەدى. قازىرگى تاڭدا مەكتەپ باسشى­سىنىڭ كاسىبي قۇزىرەتتىلىگى زەرت­­تەۋشىلىك, باسقارۋشىلىق, پەدا­گوگيكالىق, كوممۋنيكاتيۆتىك, دياگ­نوستيكالىق داعدىلاردى قامتيدى. فورۋمنىڭ باستى ماق­ساتى, ءبىلىم بەرۋ جۇيەسىندە شىعارماشىل باسشىنىڭ جوعارى كاسىبي دەڭگەيىن ايقىنداۋ, كاسىبي ءيميدجىن قالىپتاستىرۋ جانە ءبىلىم بەرۋ جۇيەسىن جاڭارتۋ جاعدايىنا جەكەلەي قوسقان ۇلەسىن زەردەلەۋ ارقىلى وبلىس كولەمىندە تاراتۋ بولدى. بايقاۋ بارلىق اۋداندار مەن تاراز قالاسىندا وتكىزىلىپ, سونىڭ ىشىندە, اسىرەسە, تاراز قالاسى مەن بايزاق, شۋ, ت.رىسقۇلوۆ, جۋالى, قورداي اۋداندارىنىڭ ءبىلىم بولىمدەرى بايقاۋدىڭ جوعارى دەڭ­گەيدە وتۋىنە ەرەكشە اتسالىستى. 73 ءبىلىم بەرۋ ۇيىمىنىڭ باسشىسى قاتىسىپ, سونىڭ ىشىندە 12 مەكتەپ باسشىسى وبلىستىق بايقاۋعا جولداما الدى. سونداي-اق, بايقاۋ جەڭىمپازدارى مەن نومينانتتارى زەرتتەۋلەرىنىڭ ناتيجەلەرىن ەنگىزۋ بويىنشا ءوز تاجىريبەلەرىمەن, جاڭالىقتارىمەن ءبولىستى. ءبىلىم بەرۋ ۇيىمى باس­شى­لارى­نىڭ جەتىستىكتەرى تانىس­تى­رىلىپ, بايقاۋ بەينەروليكتەرى, مۋلتيمەديالىق تۇساۋكەسەرلەر مەن ادىستەمەلىك كورمە كورسەتىلىپ, ناتيجەسىندە تاراز قالاسىنداعى №43 ورتا مەكتەبىنىڭ ديرەكتورى گۇلنار راپتاەۆا باس جۇلدەنى جەڭىپ الدى. ءبيبى ارعىنبايقىزى, جامبىل وبلىسى بويىنشا «ورلەۋ» پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ باس مامانى جامبىل وبلىسى