اسىق اتۋ

ۇلتتىق مۋزەيدە استانا مەك­­تەپتەرى وقۋشىلارىنىڭ قاتىسۋىمەن اسىق اتۋدان اشىق تۋر­نير وتكىزۋدەگى ماقسات ۇلتتىق ويىنداردى ناسيحاتتاپ, وسكەلەڭ جاس ۇرپاقتىڭ حالقىمىزدىڭ سالت-داستۇرلەرىن تەرەڭ ءبىلىپ وسۋىنە مول مۇمكىندىك تۋعىزۋ دەپ اتاپ كورسەتىلدى. ۇلتتىق مۋزەي ديرەكتورىنىڭ ورىنباسارى اباي ساتىبالدين اسىق اتۋ ويىنىنىڭ ماڭىزدىلىعى تۋرالى ايتا كەلىپ, كوپشىلىكتى قازاقتىڭ ۇلتتىق ويىندارىن قولداۋعا ۇندەدى. – اسىق ويىنى نەگىزىنەن بالانى مەرگەندىككە, ۇستامدىلىققا تاربيەلەيدى. قازاق: «قوي اسىعى دە­مەڭىز, قولعا جاقسا ساقا تۇت, جاسى كىشى دەمەڭىز, اقىلى اسسا اعا تۇت» دەپ بەكەر ايتپاعان. ۇلتتىق تاربيە ۇلتتىق ويىننان كەلىپ شىعادى. كەشەگى قيىن كەزەڭدەردە ۇلتتىق بولمىسىمىزدىڭ تامىرىنا بالتا شابىلا جازداعان نەبىر ءجونسىز شابۋىلداردى باستان كەشتىك. تاۋەلسىز ەل بولىپ, ءوز ەركىمىز ءوز قولىمىزعا تيگەندە اتا-بابالارىمىزدان قالعان قۇن­دى مۇرالارىمىزدى قايتا جاڭ­عىرتۋ, ناسيحاتتاۋ ءبىزدىڭ باس­تى بورىشىمىز. ءبىز بۇل جوبانى ەل تاۋەلسىزدىگىنىڭ 25 جىلدىعى قۇر­مەتىنە وراي وتكىزىپ وتىرمىز, – دەدى ا.ساتىبالدين. تۋرنيردە استانا قالاسىنىڭ ورتا مەكتەپ وقۋشىلارى ءوزارا سايىسقا ءتۇسىپ, جەڭىمپازدارعا سىي­لىقتار تابىس ەتىلدى. تاعى ءبىر ايتا كەتەتىن جايت, شارانى «اسىق اتۋ» فەدەراتسيا­سىمەن بىرگە ۇلتتىق مۋزەيدىڭ مۋ­زەي پەداگوگيكاسى جانە بالالار شىعارماشىلىعى ءبولىمىنىڭ ەس­تە­تيكالىق تاربيە بەرۋ سەكتورى ۇيىمداستىردى. قارشىعا كۇلەن