قۇستار سازى

مەتاللۋرگتەر اللەياسىندا بوزتورعايلار ءان سالادى ەۋرازيالىق توپ (ERG) قۇرامىنا ەنەتىن وبلىس ورتالىعىنداعى «قازاقستان ءاليۋمينيى» اق مەتاللۋرگتەر ۇجىمى 20 ۇيا جاساپتى. جاس مەتاللۋرگتەر, بالالار مەن جاسوسپىرىمدەر, ەكولوگيا جانە تۋريزم ورتالىعىنىڭ جەتكىنشەكتەرىمەن بىرلەسىپ, «سالەم, قۇستار مەكەنى!» اتتى ناۋقاندى بيىل وسىمەن بەسىنشى رەت ۇيىمداستىردى. قۇستارعا, تابيعاتقا دەگەن جا­ناشىرلىق شاراسى وبلىس ورتالىعىنداعى ۆورۋشين سايا­باعىندا باستالدى. ساياباقتى جازدا جاقسى وزگەرىستەر كۇتىپ تۇر. ERG مەن وبلىس اكىمدىگى اراسىندا جاسالعان الەۋمەتتىك جوبالار جونىندەگى مەموراندۋم اياسىندا ەندى اباتتاندىرۋ جۇمىستارى جالعاسادى. سونداي-اق, اليۋميني زاۋىتى ۇجىمىنىڭ ۇسىنىسىمەن «مەتاللۋرگتەر اللەياسى» اشىلادى. ال, قۇستارعا ارنالعان ۇيالار اباتتاندىرۋعا جاسالعان ال­عاشقى باستاما دەۋگە بولادى. – ساياباقتى مەتاللۋرگتەردىڭ قامقورلىققا العاندارىنا ءبى­راز جىل بولدى. ءاربىر كوكتەم مەن كۇزدە وسى باقتى زاۋىت جۇمىس­شىلارى, قىزمەتكەرلەرى رەتكە كەلتىرىپ, جينالىپ قالاتىن قو­قىستى شىعارادى. بۇگىن ءبىز ساياباقتا قۇستاردىڭ دا تۇراقتاپ, قالالىقتاردىڭ كوڭىلىن اسەم اۋەنىمەن قۋانتىپ تۇرسىن دەگەن نيەتپەن ۇيالار جاساپ, ىلدىك, – دەيدى «قازاقستان ءاليۋمينيى» اق وندىرىستىك قاۋىپسىزدىك, ەكولوگيا جانە ەڭبەكتى قورعاۋ دەپارتامەنتى باستىعىنىڭ ورىنباسارى رەنات سارلىباەۆ. وبلىس ورتالىعىنداعى №33 مەكتەپتىڭ جاس تابيعات زەرتتەۋ­شىلەرى تابيعات قورعاۋعا ارنالعان پلا­كاتتار جازىپ, قولونەر بۇيىم­دارىن جاساپ اكەلىپتى. 2016 جىل الەمدە ءۇي تورعايىنىڭ جىلى بولىپ جاريالاندى. سوڭعى جىلدارى ورنيتولوگتاردىڭ باسىم بولىگى كوپتەگەن ەلدەردە تورعاي سانىنىڭ ازايىپ بارا جاتقانىن ايتۋدا. ال, تورعايلاردىڭ كوپتىگى ەكوجۇيەدە ماڭىزدى ءرول اتقارادى جانە قورشاعان ورتادا قالىپتاسقان جاعدايدىڭ كورسەتكىشى بولىپ تابىلادى. فاريدا بىقاي, «ەگەمەن قازاقستان» پاۆلودار وبلىسى