جاپونيادا جويقىن جەر سىلكىنىسى بولدى

استانا. 14 ءساۋىر. جاپونيانىڭ وڭتۇستىگىندە ماگنيتۋداسى 6,4 باللدىق جەر سىلكىنىسى بولدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. كيۋسيۋ ارالىنداعى كۋماموتو پرەفەكتۋراسىندا ءزىلزالانىڭ كۇشى 7 باللعا دەيىن جەتكەن. ايماقتاعى مەتەورولوگيالىق اگەنتتىكتىڭ قىزمەتكەرلەرى تسۋنامي قاۋپىنىڭ جوق ەكەنىن مالىمدەدى. الايدا, جەر سىلكىنىسىنىڭ سالدارىنان 1 ادام قازا تاۋىپ, 50-گە جۋىق تۇرعىن ءتۇرلى دەڭگەيدە جاراقات الدى. بىرنەشە عيمارات زاقىمدانىپ, تاس جولداردا جارىق پايدا بولدى. جاپونيادا جەر سىلكىنىسىنىڭ العاشقى تولقىنى جەرگىلىكتى ۋاقىت بويىنشا, ساعات 09:30 كەزىندە تىركەلگەن. وسىدان سوڭ 5 مينۋتتان كەيىن قاتارىنان بىرنەشە ءدۇمپۋ بولعان. رەسمي مالىمەتتەرگە سايكەس, بارلىعى 17 رەت سىلكىنگەن. ايتا كەتەيىك, 2011 جىلى 11 ناۋرىزدا كۇنشىعىس ەلىنىڭ سولتۇستىك-شىعىس اۋداندارىندا, اسىرەسە فۋكۋسيما پرەفەكتۋراسىندا جويقىن ءزىلزالا مەن ءتسۋناميدىڭ سالدارىنان 18 مىڭنان استام ادام قازا تاپقان. تابيعات اپاتىنان مىڭداعان ءۇي, جولدار قيراپ, بايلانىس جەلىلەرى ىستەن شىقتى. ايان ءابدۋالي. دەرەك, فوتو: 24.kz.