ءىرى كولەمدە ەسىرتكى تاسىمالداعاندار قولعا ءتۇستى

استانا. 14 ءساۋىر. كولۋمبيا مەن ەكۆادور ەلدەرىنىڭ شەكاراسىنان زاڭسىز جولمەن 6 توننا كوكاين تاسىمالداماق بولعاندار قولعا ءتۇستى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابرلادى. كولۋمبيا مەن اقش-تىڭ كۇشتىك قۇرىلىم وكىلدەرى بىرىگىپ ارنايى وپەراتسيا جۇرگىزگەن. ءىس بارىسىندا اتالعان شەكارادان 250 ميل قاشىقتىقتا سۇڭگۋىر قايىققا ەسىرتكى تيەپ جاتقان 3 ادام ۇستالدى. «سۋ كولىگىندە 3 ەكيپاج مۇشەسى بولدى. ەكى ادام كولۋمبيا ازاماتى بولسا, بىرەۋى مەكسيكالىق. ءتارتىپ ساقشىلارى كەلىپ جەتكەندە قاشىپ كەتپەك بولىپ ارەكەتتەنگەن. الايدا, بۇل ويلارى جۇزەگە اسپادى», – دەپ حابارلادى Notimex اگەنتتىگى. ايتا كەتەيىك, كولۋمبيا مەملەكەتى پەرۋ جانە بوليۆيامەن بىرگە زاڭسىز ەسىرتكى تاسىمالداۋ قىلمىسى بويىنشا, الدىڭعى قاتارداعى ەلدەردىڭ ءبىرى. وسى جىلدىڭ باسىنان بەرى پوليتسيا قىزمەتكەرلەرى ارنايى وپەراتسيا كەزىندە 34 توننا ەسىرتكى تاركىلەدى. ايان ءابدۋالي. دەرەك: ريا «نوۆوستي». فوتو: vesti.az.