ارنايى وپەراتسيا كەزىندە 30 قىلمىسكەر ۇستالدى

استانا. 14 ءساۋىر. مەكسيكانىڭ باتىسىنداعى ميچواكان شتاتىندا قىلمىسكەرلەرگە قارسى ارنايى وپەراتسيالار ءجۇرىپ جاتىر. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. ايماقتىڭ گۋبەرناتورى سيلۆانو اۋرەولەستىڭ ايتۋىنشا, زاڭعا قايشى ارەكەت ەتكەن 30 قىلمىسكەر ۇستالعان. ارنايى وپەراتسيا جۇمىستارىنا 1 مىڭنان اسا پوليتسيا قىزمەتكەرلەرى جانە بىرنەشە تىكۇشاق جۇمىلدىرىلدى. «باستاعان ءىسىمىز ناتيجەلى اياقتالىپ جاتىر. بۇگىنگە دەيىن 31 ادام ۇستالدى. الداعى ۋاقىتتا ميچواكاندا قىلمىستىق توپتار بولمايدى. بارلىق جاعدايدى ءوز نازارىمىزدا باقىلايمىز. ەندىگى كەزەكتە قىلمىسكەرلەر جازاسىز قالمايدى», – دەدى سيلۆانو اۋرەولەس ايتا كەتەيىك, مەكسيكا زورلىق-زومبىلىق ءجيى بولىپ تۇراتىن مەملەكەتتەردىڭ ءبىرى. اتالعان شتاتتا «حاليسكو – جاڭا بۋىن», «كابالەروس تەمپلاريوس» سياقتى ءىرى ەسىرتكى تاسىمالدايتىن ۇيىمدار بار. ايان ءابدۋالي. دەرەك: تاسس. فوتو: vz.ru.