قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №221

2015 جىلعى 27 اقپان,  استانا قالاسى ارنايى ەكونوميكالىق ايماق اۋماعىندا قىزمەتتىڭ قوسالقى ءتۇرىن جۇزەگە اسىراتىن تۇلعا رەتىندە رۇقسات الۋ ءۇشىن وتىنىمگە قوسا بەرىلەتىن قۇجاتتار تىزبەسىن بەكىتۋ تۋرالى «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» 2011 جىلعى 21 شىلدەدەگى قازاقستان رەسپۋبليكاسىنىڭ زاڭى 14-بابىنىڭ 1) تارماعىنىڭ 1) تارماقشاسىنا سايكەس بۇيىرامىن: 1. قوسا بەرىلىپ وتىرعان ارنايى ەكونوميكالىق ايماق اۋماعىندا قىزمەتتىڭ قوسالقى ءتۇرىن جۇزەگە اسىراتىن تۇلعا رەتىندە رۇقسات الۋ ءۇشىن وتىنىمگە قوسا بەرىلەتىن قۇجاتتار تىزبەسى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتى (ە.ق.حايروۆ): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەسىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعىنىڭ» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى يۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنiنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسى ينۆەستيتسيالار جانە دامۋ ءمينيسترى ءا.يسەكەشەۆ. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى №221 بۇيرىعىمەن بەكىتىلگەن ارنايى ەكونوميكالىق ايماق اۋماعىندا قىزمەتتىڭ قوسالقى ءتۇرىن جۇزەگە اسىراتىن تۇلعا رەتىندە رۇقسات الۋ ءۇشىن وتىنىمگە قوسا بەرىلەتىن قۇجاتتار تىزبەسى ارنايى ەكونوميكالىق ايماق اۋماعىندا قىزمەتتىڭ قوسالقى ءتۇرىن جۇزەگە اسىراتىن تۇلعا رەتىندە رۇقسات الۋ ءۇشىن وتىنىمگە زاڭدى تۇلعا نەمەسە دارا كاسىپكەر مىناداي قۇجاتتاردى قوسا بەرەدى: زاڭدى تۇلعا ءۇشىن – سالىستىرىپ تەكسەرۋ ءۇشىن تۇپنۇسقالاردى ءبىر مەزگىلدە ۇسىنا وتىرىپ, زاڭدى تۇلعانى مەملەكەتتىك تىركەۋ (قايتا تىركەۋ) تۋرالى جارعىنىڭ جانە كۋالىكتىڭ* نەمەسە انىقتامانىڭ كوشىرمەسى. ەسكەرتپە: * «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعانىڭ قىزمەتى توقتاتىلعانعا دەيىن جارامدى بولىپ تابىلادى; دارا كاسىپكەر ءۇشىن – سالىستىرۋ ءۇشىن تۇپنۇسقالارىن بىرمەزگىلدە ۇسىنا وتىرىپ, دارا كاسىپكەردى مەملەكەتتىك تىركەۋ تۋرالى كۋالىكتىڭ كوشىرمەسى; سالىستىرۋ ءۇشىن تۇپنۇسقالارىن بىرمەزگىلدە ۇسىنا وتىرىپ, مەردiگەرلiك جۇمىستىڭ جەكەلەگەن تۇرلەرىن جانە/نەمەسە قىزمەتتەردى ورىنداۋعا ارنايى ەكونوميكالىق ايماقتىڭ قاتىسۋشىسىمەن جاسالعان شارتتىڭ كوشىرمەسى; زاڭدى تۇلعا ءۇشىن – سالىستىرۋ ءۇشىن تۇپنۇسقالارىن بىرمەزگىلدە ۇسىنا وتىرىپ, ءبىرىنشى باسشىنىڭ جەكە كۋالىگىنىڭ كوشىرمەسى; دارا كاسىپكەر ءۇشىن – سالىستىرۋ ءۇشىن تۇپنۇسقالارىن بىرمەزگىلدە ۇسىنا وتىرىپ, جەكە كۋالىگىنىڭ كوشىرمەسى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10675 بولىپ ەنگىزىلدى.