قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №113

2015 جىلعى 20 اقپان, استانا قالاسى شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا بايقاۋ كەڭەسىن قۇرۋ قاعيدالارىن, بايقاۋ كەڭەسىنىڭ قۇرامىنا سايلاناتىن ادامدارعا قويىلاتىن تالاپتاردى, سونداي-اق بايقاۋ كەڭەسىنىڭ مۇشەلەرىن كونكۋرستىق ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ قاعيدالارىن بەكىتۋ تۋرالى «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان: 1) وسى بۇيرىققا 1-قوسىمشاعا سايكەس شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا بايقاۋ كەڭەسىن قۇرۋ قاعيدالارى; 2) وسى بۇيرىققا 2-قوسىمشاعا سايكەس شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەسىنىڭ قۇرامىنا سايلاناتىن ادامدارعا قويىلاتىن تالاپتار; 3) وسى بۇيرىققا 3-قوسىمشاعا سايكەس بايقاۋ كەڭەسىنىڭ مۇشەلەرىن كونكۋرستىق ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ مەملەكەتتىك اكتيۆتەردى باسقارۋ ساياساتى دەپارتامەنتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاس­تىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ. «كەلىسىلدى» قازاقستان رەسپۋبليكاسىنىڭ ءبىلىم جانە عىلىم ءمينيسترى ________ ا. ءسارىنجىپوۆ 2015 جىلعى 20 اقپان «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ________ ت. دۇيسەنوۆا 2015 جىلعى 20 اقپان قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 113 بۇيرىعىنا 1-قوسىمشا شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا بايقاۋ كەڭەسىن قۇرۋ قاعيدالارى 1. وسى قاعيدالار «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابىنىڭ 2-تارماعىنا سايكەس ازىرلەندى جانە ءبىلىم بەرۋ جانە دەنساۋلىق ساقتاۋ سالالارىندا شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا بايقاۋ كەڭەسىن قۇرۋ ءتارتىبىن ايقىندايدى. 2. ءبىلىم بەرۋ جانە دەنساۋلىق ساقتاۋ سالالارىنداعى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10507 تىركەلگەن قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 114 بۇيرىعىمەن بەكىتىلگەن شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارعا قويىلاتىن كريتەريلەرگە سايكەس كەلەتىن بايقاۋ كەڭەسى بار شارۋاشىلىق جۇرگىزۋ قۇقىعىنداعى مەملەكەتتىك كاسىپورىندى قۇرۋ, سونداي-اق ءبىلىم بەرۋ جانە دەنساۋلىق ساقتاۋ سالالارىندا جۇمىس ىستەپ تۇرعان شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردا بايقاۋ كەڭەسىن ەنگىزۋ قازاقستان رەسپۋبليكاسى ۇكىمەتىنىڭ نەمەسە جەرگىلىكتى اتقارۋشى ورگاننىڭ شەشىمى نەگىزىندە جۇزەگە اسىرىلادى. 3. شارۋاشىلىق جۇرگىزۋ قۇقىعىنداعى مەملەكەتتىك كاسىپورىندا بايقاۋ كەڭەسىن ەنگىزۋ نەمەسە بايقاۋ كەڭەسى بار شارۋاشىلىق جۇرگىزۋ قۇقىعىنداعى مەملەكەتتىك كاسىپورىن قۇرۋ تۋرالى قازاقستان رەسپۋبليكاسى ۇكىمەتىنىڭ (جەرگىلىكتى اتقارۋشى ورگاننىڭ) ءتيىستى شەشىمى قابىلدانعاننان كەيىن ءتيىستى سالاداعى ۋاكىلەتتى ورگان (جەرگىلىكتى اتقارۋشى ورگان): بايقاۋ كەڭەسى تۋرالى ەرەجەنى, بايقاۋ كەڭەسىن شاقىرۋ جانە وتىرىس وتكىزۋ ءتارتىبىن بەكىتەدى; وسى بۇيرىقپەن بەكىتىلگەن بايقاۋ كەڭەسىنىڭ مۇشەلەرىن كونكۋرستىق ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ قاعيدالارىنا سايكەس بايقاۋ كەڭەسىنىڭ مۇشەلەرىنە ۇمىتكەرلەردى كونكۋرستىق ىرىكتەۋدى جۇرگىزەدى; بايقاۋ كەڭەسىنىڭ قۇرامىن قالىپتاستىرادى جانە بەكىتەدى. 4. شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسى مۇشەلەرىنىڭ سانى تاق بولادى جانە ءبىر-بىرىمەن جانە شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ باسشىسىمەن جاقىن تۋىستىق جانە جەكجاتتىق قاتىناستاردا بولمايتىن كەمىندە بەس ادامنان قۇرالۋعا ءتيىس. مەملەكەتتىك كاسىپورىننىڭ باسشىسىن قوسپاعاندا, بايقاۋ كەڭەسىنىڭ مۇشەلەرى شارۋاشىلىق جۇرگىزۋ قۇقىعىنداعى مەملەكەتتىك كاسىپورىن جۇمىسكەرلەرىنىڭ شتاتىنا كىرمەيدى. بايقاۋ كەڭەسىنىڭ توراعاسى بايقاۋ كەڭەسى مۇشەلەرىنىڭ كوپشىلىك داۋىسىمەن بايقاۋ كەڭەسى مۇشەلەرىنىڭ قاتارىنان سايلانادى. مەملەكەتتىك كاسىپورىن باسشىسى بايقاۋ كەڭەسىنىڭ توراعاسى سايلانۋ ءۇشىن ۇمىتكەر بولىپ تابىلمايدى. 5. بايقاۋ كەڭەسىنىڭ قۇرامىنا ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) وكىلدەرى, شارۋاشىلىق جۇرگىزۋ قۇقىعىنداعى مەملەكەتتىك كاسىپورىن باسشىسى جانە وسى بۇيرىقپەن بەكىتىلگەن شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداعى بايقاۋ كەڭەسىنىڭ مۇشەلەرىن كونكۋرستىق ىرىكتەۋ قاعيدالارىنا سايكەس كونكۋرستىق نەگىزىندە سايلاناتىن وزگە دە تۇلعالار كىرەدى. 6. «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابى 3-تارماعىنا سايكەس, شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسى مۇشەلەرىنىڭ وكىلەتتىك مەرزىمى ءۇش جىلدى قۇرايدى. قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 113 بۇيرىعىنا 2-قوسىمشا شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەسىنىڭ قۇرامىنا سايلاناتىن ادامدارعا قويىلاتىن تالاپتار 1. ءبىلىم بەرۋ جانە دەنساۋلىق ساقتاۋ سالالارىنداعى شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەستەرىنە سايلاناتىن ادامدارعا قويىلاتىن تالاپتار جوعارى ءبىلىمنىڭ, سونداي-اق مىناداي تالاپتاردىڭ ءبىرىنىڭ: 1) ءبىلىم بەرۋ نەمەسە دەنساۋلىق ساقتاۋ سالالارىنداعى كەمىندە ون جىل جۇمىس تاجىريبەسىنىڭ; 2) ءبىلىم بەرۋ نەمەسە دەنساۋلىق ساقتاۋ سالالارىنداعى باسشىلىق قىزمەتتە (زاڭدى تۇلعا باسشىسى نەمەسە ونىڭ ورىنباسارلارى) كەمىندە بەس جىل تاجىريبەسىنىڭ; 3) ءبىلىم بەرۋ نەمەسە دەنساۋلىق ساقتاۋ سالالارىنداعى قوعامدىق بىرلەستىكتەردىڭ مۇشەسى بولۋىن قامتيدى. 2. مىناداي: 1) سوتتىلىعى وتەلمەگەن نەمەسە الىنباعان; 2) زاڭدى تۇلعانى بانكروت دەپ تانۋ تۋرالى شەشىم قابىلدانعانعا دەيىن ءبىر جىلدان استام وسى زاڭدى تۇلعانىڭ باسشىسى بولعان; 3) بۇرىن سىبايلاس جەمقورلىق قۇقىق بۇزۋشىلىق جاساعان; 4) بايقاۋ كەڭەسىنىڭ باسقا مۇشەسىمەن نەمەسە مەملەكەتتىك كاسىپورىن باسشىسىمەن جاقىن تۋىستىق جانە تۋىستىق قاتىناستاعى ادامدى بايقاۋ كەڭەسىنىڭ مۇشەسى رەتىندە سايلاۋعا بولمايدى. قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 اقپانداعى № 113 بۇيرىعىنا 3-قوسىمشا بايقاۋ كەڭەسىنىڭ مۇشەلەرىن كونكۋرستىق ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ قاعيدالارى 1. جالپى ەرەجەلەر 1. وسى قاعيدالار «مەملەكەتتىك م ۇلىك تۋرالى» 2011 جىلعى 1 ناۋرىزداعى قازاقستان رەسپۋبليكاسى زاڭىنىڭ 148-بابى 2-تارماعىنا سايكەس ازىرلەندى جانە ءبىلىم بەرۋ جانە دەنساۋلىق ساقتاۋ سالالارىنداعى شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەسىنىڭ مۇشەلەرىن (بۇدان ءارى - بايقاۋ كەڭەسىنىڭ مۇشەلەرى) كونكۋرستىق نەگىزدە ىرىكتەۋ جانە ولاردىڭ وكىلەتتىگىن مەرزىمىنەن بۇرىن توقتاتۋ ءتارتىبىن ايقىندايدى. 2. كونكۋرس وسى بۇيرىقتا ايقىندالعان تالاپتارعا (بۇدان ءارى – تالاپتار) سايكەس ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) وكىلدەرى بولىپ تابىلاتىن مەملەكەتتىك كاسىپورىن باسشىسى مەن بايقاۋ كەڭەسىنىڭ مۇشەلەرىن قوسپاعاندا, بايقاۋ كەڭەسىنىڭ مۇشەلەرىن ىرىكتەۋ ماقساتىندا جۇرگىزىلەدى. 2. شارۋاشىلىق جۇرگىزۋ قۇقىعىنداعى مەملەكەتتىك كاسىپورىندارداعى بايقاۋ كەڭەسىنىڭ مۇشەلەرىن كونكۋرستىق ىرىكتەۋدى ۇيىمداستىرۋ جانە جۇرگىزۋ ءتارتىبى 3. ءتيىستى سالاداعى ۋاكىلەتتى ورگان (جەرگىلىكتى اتقارۋشى ورگان): 1) كونكۋرس وتكىزۋ تۋرالى شەشىم قابىلدايدى; 2) كونكۋرستى وتكىزۋ شارتتارىن, كۇنى مەن ورنىن انىقتايدى; 3) كونكۋرستىق كوميسسيانى (بۇدان ءارى - كوميسسيا) قالىپتاستىرادى جانە ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) وكىلدەرى اراسىنان كوميسسيا توراعاسىن تاعايىندايدى. 4. كونكۋرستى ۇيىمداستىرۋدى جانە وتكىزۋدى كوميسسيا جۇزەگە اسىرادى. كوميسسيا مۇشەلەرىنىڭ سانى كەمىندە بەس ادامنان قۇراۋى ءتيىس. كوميسسيا توراعاسى لاۋازىمى بويىنشا ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) ءبىرىنشى باسشىسىنىڭ ورىنباسارىنان تومەن ەمەس تۇلعا بولىپ تابىلادى. حاتشى كوميسسيانىڭ مۇشەسى بولىپ تابىلمايدى. 5. كوميسسيا مىناداي فۋنكتسيالاردى جۇزەگە اسىرادى: 1) كونكۋرستىق قۇجاتتامانى دايىندايدى; 2) ءتيىستى كاسىپورىننىڭ قاراجاتى ەسەبىنەن كونكۋرس وتكىزۋ تۋرالى حابارلاندىرۋدى جاريالاۋدى قامتاماسىز ەتەدى; 3) كونكۋرسقا قاتىسۋ ءۇشىن ۇسىنىلعان قۇجاتتاردى قابىلداۋدى, تىركەۋدى جانە ساقتاۋدى جۇرگىزەدى; 4) كونكۋرستىڭ قورىتىندىلارى بويىنشا ءتيىستى سالاداعى ۋاكىلەتتى ورگانعا (جەرگىلىكتى اتقارۋشى ورگانعا) كونكۋرس جەڭىمپازىن مەملەكەتتىك كاسىپورىننىڭ بايقاۋ كەڭەسى مۇشەسىنىڭ لاۋازىمىنا تاعايىنداۋ تۋرالى ۇسىنىس ەنگىزەدى. 6. بايقاۋ كەڭەسى مۇشەسىنىڭ لاۋازىمىن اتقارۋعا كونكۋرس وتكىزۋ تۋرالى حابارلاندىرۋ مەرزىمدى ءباسپاسوز باسىلىمدارىندا (اكىمشىلىك-اۋماقتىق بىرلىكتىڭ ءتيىستى اۋماعىندا جاريالاناتىن) جاريالانادى, سونداي-اق ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) ينتەرنەت-رەسۋرسىندا مەملەكەتتىك جانە ورىس تىلدەرىندە كونكۋرس وتكىزۋ تۋرالى شەشىم قابىلدانعان كۇننەن باستاپ بەس جۇمىس كۇنى ىشىندە ورنالاستىرادى. 7. كونكۋرس وتكىزۋ تۋرالى حابارلاندىرۋ مىناداي مالىمەتتەردى: 1) كونكۋرس وتكىزۋ كۇنى مەن ورنىن; 2) ورنالاسقان ورنىن, پوشتالىق مەكەنجايىن, تەلەفونىن كورسەتە وتىرىپ, مەملەكەتتىك كاسىپورىننىڭ اتاۋىن, ونىڭ نەگىزگى قىزمەتىنىڭ قىسقاشا سيپاتتاماسىن; 3) كونكۋرسقا قاتىسۋشىلارعا قويىلاتىن تالاپتاردى; 4) كونكۋرسقا قاتىسۋ تۋرالى وتىنىشتەردى بەرۋ مەرزىمىن; 5) كونكۋرسقا قاتىسۋ تۋرالى وتىنىشكە قوسا بەرىلەتىن قۇجاتتاردىڭ تىزبەسىن; 6) قۇجاتتاردى قابىلداۋ باستالاتىن كۇنىن قامتيدى. كونكۋرسقا قاتىسۋعا نيەت بىلدىرگەن تۇلعالاردىڭ قۇجاتتارىن قابىلداۋ باستالاتىن كۇن مەرزiمدi ءباسپاسوز باسىلىمدارىنا كونكۋرس وتكىزۋ حابارلاندىرۋى ورنالاستىرىلعان كۇننەن باستاپ ايقىندالادى. قۇجاتتاردى قابىلداۋ مەرزiمدi ءباسپاسوز باسىلىمدارىنا كونكۋرس وتكىزۋ جاريالانعان كۇنىنەن باستاپ كۇنتىزبەلىك وتىز كۇن وتكەن سوڭ اياقتالادى. 8. كونكۋرس مىناداي: 1) كونكۋرستىق وتىنىمدەرى بار كونۆەرتتەردى اشۋ; 2) كونكۋرسقا ءوزىنىڭ قاتىسۋىن راستاعان ۇمىتكەرلەردىڭ بىلىكتىلىگىن باعالاۋ; 3) ۇمىتكەرلەرمەن اڭگىمەلەسۋ جۇرگىزۋ جانە بايقاۋ كەڭەسى مۇشەلەرىن ىرىكتەۋ; 4) كونكۋرستىڭ قورىتىندىسىن شىعارۋ كەزەڭدەرىنەن تۇرادى. 9. كونكۋرسقا قاتىسۋعا قاجەتتى قۇجاتتار: 1) كونكۋرسقا قاتىسۋ تۋرالى ءوتىنىش (ەركىن نىساندا جازىلعان); 2) مەملەكەتتىك جانە ورىس تىلدەرىندە تۇيىندەمە; 3) ءومىربايان (ەركىن نىساندا جازىلعان); 4) ۇمىتكەردىڭ جەكە باسىن كۋالاندىراتىن قۇجاتتىڭ نوتاريالدى راستالعان كوشىرمەسى; 5) جوعارى ءبىلىمى تۋرالى قۇجاتتىڭ نوتاريالدى راستالعان كوشىرمەسى; 6) ەڭبەك كىتاپشاسىنىڭ (ول بولعان كەزدە) نەمەسە ەڭبەك شارتىنىڭ نوتاريالدى راستالعان كوشىرمەسى نە سوڭعى جۇمىس ورنىنا قابىلدانعانى جانە ەڭبەك شارتىنىڭ توقتاتىلعانى تۋرالى بۇيرىقتاردىڭ ءۇزىندى كوشىرمەسى; 7) قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اۋماقتىق بولىمشەلەرى بەرگەن سوتتىلىعى جانە سىبايلاس جەمقورلىق قۇقىق بۇزۋشىلىقتارى جوق ەكەندىگىن راستايتىن قۇجاتتار. كونكۋرسقا قاتىسۋشى ءوزىنىڭ بىلىمىنە, جۇمىس تاجىريبەسىنە, كاسىبي دەڭگەيىنە قاتىستى قوسىمشا اقپاراتتى (بىلىكتىلىگىن ارتتىرۋ, عىلىمي دارەجەلەر مەن اتاقتار بەرۋ, عىلىمي جاريالانىمدار, وسىنىڭ الدىنداعى جۇمىس ورنىنىڭ باسشىلىعىنان ۇسىنىم) بەرۋىنە بولادى. 10. قاتىسۋشى كونكۋرستىق ءوتىنىمنىڭ تۇپنۇسقاسىن «تۇپنۇسقا» دەپ بەلگىلەنگەن كونۆەرتكە سالىپ مورلەيدى. بۇل كونۆەرتتە قاتىسۋشىنىڭ تەگى, اتى, اكەسىنىڭ اتى (ول بولعان كەزدە) جانە مەكەنجايى كورسەتىلۋى ءتيىس. سودان كەيىن كونۆەرت سىرتقى كونۆەرتكە سالىنىپ مورلەنەدى. ىشكى جانە سىرتقى كونۆەرتتەر: 1) شاقىرۋدا نەمەسە مەرزىمدىك باسىلىمداعى اقپاراتتا كورسەتىلگەن مەكەنجاي بويىنشا ءتيىستى سالاداعى ۋاكىلەتتى ورگانعا (جەرگىلىكتى اتقارۋشى ورگانعا) باعىتتالۋى; 2) «بايقاۋ كەڭەسى مۇشەلەرىنىڭ - مەملەكەتتىك كاسىپورىننىڭ بايقاۋ كەڭەسى مۇشەلەرىنىڭ كونكۋرسى» جانە «____________ دەيىن اشۋعا بولمايدى» (شاقىرۋدا نەمەسە مەرزىمدىك باسىلىمدا كورسەتىلگەن كونۆەرتتى اشۋ كۇنى مەن ۋاقىتى) دەگەن سوزدەردى قامتۋى ءتيىس. 11. كونكۋرستىق ءوتىنىم مەملەكەتتىك جانە ورىس تىلدەرىندە ءبىر-ءبىر دانادان جىبەرىلەدى. 12. كونكۋرستىق كوميسسيا شاقىرۋلاردا نەمەسە مەرزىمدىك باسىلىمداعى اقپاراتقا سايكەس كورسەتىلگەن جەردە جانە ۋاقىتتا ۇسىنىلعان كونكۋرستىق وتىنىمدەر بەرىلگەن كونۆەرتتەردىڭ تۇپنۇسقاسىن اشادى. 13. كونكۋرستىق وتىنىمدەرى بار كونۆەرتتەردى اشۋ راسىمىنەن كەيىن كونكۋرستىق كوميسسيانىڭ حاتشىسى كونكۋرستىق كوميسسيا مۇشەلەرى مەن حاتشى قول قوياتىن اشۋ حاتتاماسىن جاسايدى. 14. ەگەر كونكۋرسقا قاتىسۋعا تالاپتارعا سايكەس كەلەتىن التاۋدان از ۇمىتكەر كونكۋرستىق ءوتىنىم بەرسە نە كونكۋرستىق وتىنىمدەر تۇسپەسە نەمەسە قايتارىلىپ الىنسا, وندا كونكۋرستىق كوميسسيا كونكۋرستى وتكىزىلمەدى دەپ سانايدى جانە قايتا كونكۋرس وتكىزۋ تۋرالى شەشىم قابىلدايدى. 15. كونكۋرستىق كوميسسيا كونكۋرستىق وتىنىمدەرى بار كونۆەرتتەردى اشقان كۇنىنەن باستاپ بەس جۇمىس كۇنى ىشىندە وسى قاعيدالاردىڭ 9-تارماعىنا سايكەس ۇمىتكەر ۇسىنعان قۇجاتتاردى قارايدى جانە ۇمىتكەردىڭ تالاپتارعا سايكەستىگىن باعالاۋ جۇرگىزەدى. 16. كونكۋرستىق كوميسسيا جۇرگىزىلگەن باعالاۋدىڭ ناتيجەلەرى بويىنشا اڭگىمەلەسۋ كۇنىن, ۋاقىتىن جانە ول وتكىزىلەتىن جەردى كورسەتە وتىرىپ, شاقىرۋ جىبەرىلەتىن, تالاپتارعا سايكەس كەلەتىن ۇمىتكەرلەردى ىرىكتەۋدى جۇرگىزەدى. 17. كوميسسيا كونكۋرسقا قاتىسۋشىلارمەن اڭگىمەلەسۋ جۇرگىزۋ كەزىندە «سىبايلاس جەمقورلىققا قارسى كۇرەس تۋرالى» 1998 جىلعى 2 شىلدەدەگى قازاقستان رەسپۋبليكاسى زاڭىن بىلۋى, مەملەكەتتىك كاسىپورىن قىزمەتى سالاسىنداعى قاتىناستاردى رەتتەيتىن قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن جانە دەنساۋلىق ساقتاۋ نەمەسە ءبىلىم بەرۋ ۇيىمدارىنىڭ قىزمەت ەرەكشەلىكتەرىن ءبىلۋى تەكسەرىلەدى. 18. كوميسسيانىڭ شەشىمدەرى كوميسسيا مۇشەلەرىنىڭ جالپى سانىنىڭ قاراپايىم كوپشىلىك داۋىسىمەن قابىلدانادى. داۋىستار تەڭ بولعان كەزدە كوميسسيا توراعاسىنىڭ داۋىسى شەشۋشى بولىپ تابىلادى. كوميسسيا قابىلداعان شەشىم كوميسسيانىڭ بارلىق مۇشەلەرى, سونداي-اق حاتتاما جۇرگىزۋدى جۇزەگە اسىراتىن حاتشى قول قوياتىن حاتتاما تۇرىندە رەسىمدەلەدى. 19. كونكۋرستىق كوميسسيانىڭ شەشىمىمەن كەلىسپەگەن جاعدايدا, ۇمىتكەرلەر مۇنداي شەشىمگە سوت تارتىبىمەن شاعىمدانادى. 20. كونكۋرس وتكىزۋدىڭ جالپى مەرزىمى كونكۋرس وتكىزۋ تۋرالى شەشىم قابىلداعان كۇننەن باستاپ ەكى ايدان اسپايتىن ۋاقىتتى قۇرايدى. 21. كونكۋرستان وڭ ناتيجەمەن وتكەن قاتىسۋشىمەن ءتيىستى سالاداعى ۋاكىلەتتى ورگاننىڭ (جەرگىلىكتى اتقارۋشى ورگاننىڭ) باسشىسى ءتيىستى شارت جاساسادى. 3. بايقاۋ كەڭەسى مۇشەلەرىنىڭ وكىلەتتىكتەرىن مەرزىمىنەن بۇرىن توقتاتۋ 22. شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسى مۇشەسىنىڭ وكىلەتتىگى ونىڭ جازباشا ءوتىنىشىنىڭ نەگىزىندە مەرزىمىنەن بۇرىن توقتاتىلۋى مۇمكىن. بايقاۋ كەڭەسى مۇشەسىنىڭ جازباشا وتىنىشىندە بۇدان ءارى ءوزىنىڭ مىندەتتەرىن ورىنداي الماۋىنىڭ سەبەبى كورسەتىلەدى. 23. بايقاۋ كەڭەسى بايقاۋ كەڭەسى مۇشەسىنىڭ ءوز وكىلەتتىگىن مەرزىمىنەن بۇرىن توقتاتۋ تۋرالى ءوتىنىشىن قارايدى جانە وسى ءوتىنىش ءتيىستى سالانىڭ ۋاكىلەتتى ورگانىنا (جەرگىلىكتى اتقارۋشى ورگانعا) كەلىپ تۇسكەن كۇننەن باستاپ ون جۇمىس كۇن ىشىندە شەشىم شىعارادى. 24. بايقاۋ كەڭەسىنىڭ مۇشەسى قىزمەتكە باعالاۋ وتكىزۋ قورىتىندىلارى بويىنشا 0-دەن 4 بالعا دەيىن العان جاعدايدا, وعان جۇكتەلگەن مىندەتتەرگە ادال قاراماعانىنىڭ جانە شارۋاشىلىق جۇرگىزۋ قۇقىعىنداعى مەملەكەتتىك كاسىپورىننىڭ بايقاۋ كەڭەسى مۇشەلەرىنىڭ قىزمەتىن باعالاۋ جونىندەگى كوميسسيا ۇسىنىستارى نەگىزىندە ءتيىستى سالانىڭ ۋاكىلەتتى ورگانى (جەرگىلىكتى ۋاكىلەتتى ورگان) ونىڭ وكىلەتتىلىگىنىڭ مەرزىمىنەن بۇرىن توقتاتىلۋى تۋرالى شەشىم قابىلدايدى. 25. مەملەكەتتىك كاسىپورىندى قايتا ۇيىمداستىرۋ جۇزەگە اسىرىلعان جاعدايدا بايقاۋ كەڭەسى قايتا ۇيىمداستىرۋ اياقتالعانعا دەيىن كۇنتىزبەلىك جيىرما بەس كۇن بۇرىن ءوز وكىلەتتىلىگىن مەرزىمىنەن بۇرىن توقتاتۋ تۋرالى شەشىم قابىلدايدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10503 بولىپ ەنگىزىلدى.