قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №227 

2015 جىلعى 16 ءساۋىر, استانا قالاسى دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 75-بابىنا سايكەس بۇيىرامىن: 1. مىنالار: 1) وسى بۇيرىققا 1-قوسىمشاعا سايكەس دارىلىك زاتتاردى تاڭبالاۋ قاعيدالارى; 2) وسى بۇيرىققا 2-قوسىمشاعا سايكەس مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ قاعيدالارى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. مينيستر ت.دۇيسەنوۆا. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 16 ساۋىردەگى № 227 بۇيرىعىنا 1-قوسىمشا دارىلىك زاتتاردى تاڭبالاۋ قاعيدالارى 1. جالپى ەرەجەلەر 1. وسى دارىلىك زاتتاردى تاڭبالاۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ (بۇدان ءارى – كودەكس) 75-بابىنىڭ 1 جانە 3-تارماقتارىنا سايكەس ازىرلەنگەن جانە قازاقستان رەسپۋبليكاسىنداعى دارىلىك زاتتاردى تاڭبالاۋ ءتارتىبىن ايقىندايدى. 2. دارىلىك زاتتارعا قاپتامانى, جاپسىرمانى, زاتتاڭبانى تاڭبالاۋ ماكەتتەرىن كودەكستىڭ 71-بابىنا سايكەس قازاق­ستان رەسپۋبليكاسىندا دارىلىك زاتتى مەملەكەتتىك تىركەۋ كەزىندە دارىلىك زاتتار, مەديتسينالىق ماقساتتاعى بۇيىم­دار مەن مەديتسينالىق تەحنيكا اينالىسى سالاسىنداعى مەملەكەتتىك ورگان (بۇدان ءارى – مەملەكەتتىك ورگان) بەكىتەدى. 3. كودەكستىڭ 75-بابىنىڭ 3-تارماعىنا سايكەس قىمبات تۇراتىن, سيرەك قولدانىلاتىن, ورفاندىق پرەپاراتتاردىڭ شەكتەۋلى مولشەرىن اكەلۋ كەزىندە ستيكەرلەردى پايدالانۋعا جول بەرىلەدى. 4. قازاقستان رەسپۋبليكاسىنىڭ اۋماعىندا دارىلىك زاتتاردىڭ ساپاسى بويىنشا شاعىمداردى (ۇسىنىستاردى) قابىلدايتىن ۇيىم تۋرالى اقپارات مەديتسينالىق قولدانۋ جونىندەگى نۇسقاۋلىقتا كورسەتىلەدى. 5. وسى قاعيدالاردا مىناداي ۇعىمدار پايدالانىلادى: 1) دارىلىك انگرو-ءونىم – وندىرىلەتىن جانە ءىرى ولشەپ-ورامدا وتكىزىلەتىن, سونداي-اق دايىن دارىلىك پرەپاراتتاردى ءوندىرۋ (دايىنداۋ) ماقساتىندا ودان ءارى وندىرىستىك وڭدەۋ ءۇشىن پايدالانىلاتىن دارىلىك زات; 2) دارىلىك زاتتىڭ بالك-ءونىمى – تەحنولوگيالىق پروتسەستىڭ سوڭعى قاپتاماسىن قوسپاعاندا بارلىق ساتىسىنان وتكەن, مولشەرلەنگەن دارىلىك زات; 3) دارىلىك زاتتىڭ قاپتاماسى – دارىلىك زاتتاردى ب ۇلىنۋدەن جانە شىعىننان قورعاۋدى قامتاماسىز ەتەتىن, سونداي-اق قورشاعان ورتانى لاستانۋدان ساقتايتىن زات نەمەسە زاتتار كەشەنى. قاپتاما باستاپقى (ىشكى) جانە قايتالاما (سىرتقى) قاپتامادان تۇرادى: باستاپقى (ىشكى) قاپتاما – بۇل دارىلىك نىسانمەن تىكەلەي جاناساتىن قاپتاما; قايتالاما (سىرتقى) قاپتاما – بۇل باستاپقى قاپتاماداعى دارىلىك پرەپارات ورنالاستىرىلعان قاپتاما; 4) دارىلىك زاتتاردىڭ ساۋدالىق اتاۋى – دارىلىك زات تىركەلەتىن اتاۋ; 5) سەريا ءنومىرى – دارىلىك زاتتاردىڭ سەرياسىن وزىنە ءتان سايكەستەندىرۋگە جانە وندىرىستىك جانە باقىلاۋ وپەراتسيالارىنىڭ تولىق ءبىرىزدى بولۋىن انىقتاۋعا مۇمكىندىك بەرەتىن ساندىق, ارىپتىك نەمەسە ارىپتىك-ساندىق بەلگى; 6) ستيكەر (جاپسىرما) – مەملەكەتتىك جانە ورىس تىلدەرىندەگى تۇتىنۋشىعا ارنالعان اقپاراتى بار تاڭبالاۋدى قامتيتىن قاپتاماداعى قوسىمشا زاتتاڭبا; 7) تاڭبالاۋ – تۇتىنۋشىعا ارنالعان اقپاراتتى جەتكىزەتىن جانە ونىمگە (تاۋارعا), قۇجاتتارعا, جادنامالارعا (قوسىمشا پاراقتارعا), زاتبەلگىلەرگە, كونترزاتبەلگىلەرگە, كولەرەتكالارعا, زاتتاڭبالارعا, جاپسىرمالارعا (ستيكەرلەرگە), وراۋىشقا (ىدىسقا) تۇسىرىلگەن ءماتىن, تاۋارلىق بەلگىلەر, شارتتىق بەلگى جانە سۋرەتتەر; 8) تاۋارلىق بەلگى – قازاقستان رەسپۋبليكاسىندا تىركەلگەن, ءبىر وندىرۋشىلەردىڭ دارىلىك زاتتارىن, مەديتسينالىق ماقساتتاعى بۇيىمدارى مەن مەديتسينالىق تەحنيكاسىن باسقا وندىرۋشىلەردىڭ بىرىڭعاي ونىمىنەن اجىراتۋ ءۇشىن پايدالانىلاتىن بەلگى. 2. دارىلىك زاتتاردى تاڭبالاۋ ءتارتىبى 6. دارىلىك زاتتاردى تاڭبالاۋدى دارىلىك زاتتاردى ءوندىرۋشى ۇيىم قاپتامانىڭ ءار بىرلىگىنە (باستاپقى, قايتالاما) مەملەكەتتىك جانە ورىس تىلدەرىندە جازادى. قاپتاماداعى تاڭبالاۋ دارىلىك زاتتاردىڭ ءار سەرياسى ءۇشىن بىرىڭعاي بولىپ تابىلادى. 7. دارىلىك زاتتار, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى سالاسىنداعى ساراپتاما ۇيىمى نورماتيۆتىك قۇقىقتىق اكتىلەردىڭ مەملەكەتتىك تىزىلىمىندە № 5926 تىركەلگەن قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 19 قاراشاداعى № 736 بۇيرىعىمەن بەكىتىلگەن دارىلىك زاتتارعا ساراپتاما جۇرگىزۋ قاعيدالارىنىڭ 11-بولىمىنە سايكەس ساراپتاما جۇرگىزۋ كەزىندە مەملەكەتتىك جانە ورىس تىلدەرىندەگى ماتىندەردىڭ تەڭ تۇپنۇسقالىعىن جانە مەديتسينالىق قولدانۋ جونىندەگى نۇسقاۋلىققا, سونداي-اق وسى قاعيدالاردىڭ تالاپتارىنا سايكەس كەلۋىن راستايدى. 8. قاپتاماعا تاڭبالاۋ انىق كورىنەتىن, تۇسىنىكتى, جەڭىل بايقالاتىن جانە وشىرىلمەيتىن ارىپتەرمەن, جاقسى وقىلاتىن قارىپپەن جازىلادى جانە ول دارىلىك زاتتىڭ ساقتاۋ مەرزىمىنىڭ سوڭىنا دەيىن ساقتالۋى ءتيىس. 9. قايتالاما قاپتامانى تاڭبالاۋ, ول بولماعان جاعدايدا باستاپقى قاپتامانى تاڭبالاۋ مىناداي اقپاراتتى قامتيدى: 1) دارىلىك زاتتىڭ ساۋدالىق اتاۋى; 2) مەملەكەتتىك, ورىس نەمەسە اعىلشىن تىلدەرىندە حالىقارالىق پاتەنتتەلمەگەن اتاۋى (بار بولسا); 3) دارىلىك زاتتى ءوندىرۋشى ۇيىمنىڭ اتاۋى, مەكەنجايى, تاۋارلىق بەلگىسى. ءوندىرۋشى ۇيىمنىڭ اتاۋىن جانە ونىڭ مەكەنجايىن تولىق نەمەسە قىسقارتىلعان تۇردە كورسەتۋگە جول بەرىلەدى (قالا, ەل); 4) تىركەۋ كۋالىگى يەسىنىڭ اتاۋى, ونىڭ مەكەنجايى (قالا, ەل); 5) قاپتاماداداعى ماسساسى, كولەمى نەمەسە دوزا مولشەرى, دوزالانۋى كورسەتىلگەن دارىلىك نىسان; 6) دوزا بىرلىگىنە نەمەسە دارىلىك نىسانىنا قاراي ماسساسىنىڭ نەمەسە كولەمىنىڭ بىرلىگىنە بەلسەندى زاتتار جانە ولاردىڭ ساندىق قۇرامى. 7) دارىلىك وسىمدىك شيكىزاتىنىڭ ماسساسى بەلگىلى ءبىر ىلعالدىلىق كەزىندە پايىزبەن كورسەتىلەدى: 8) قۇرامىندا «ەسiرتكi, پسيحوتروپتىق زاتتار, سول تەكتەستەر مەن پرەكۋرسورلار جانە ولاردىڭ زاڭسىز اينالىمى مەن تەرiس پايدالانىلۋىنا قارسى iس-قيمىل شارالارى تۋرالى» 1998 جىلعى 10 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس باقىلاۋعا جاتاتىن زاتتار بار دارىلىك زاتتار ءۇشىن وسى زاتتاردىڭ اتاۋلارى جانە ولاردىڭ سالماق بىرلىگىندەگى جانە پايىزدىق مولشەرى كورسەتىلەدى. ءبىر كومپونەنتتى دارىلىك پرەپاراتتاردا دارىلىك زات پەن اكتيۆتى زاتتىڭ اتاۋلارى بىردەي بولعان جانە ونىڭ دوزالانۋى, كونتسەنتراتسياسى, اكتيۆتىلىگى كورسەتىلگەن جاعدايدا اكتيۆتى زاتتاردىڭ قۇرامى كورسەتىلمەيدى; 9) قوسالقى زاتتار تىزبەسى: پارەنتەرالدىق, كوزگە جانە سىرتقا قولدانۋعا ارنالعان دارىلىك پرەپاراتتار ءۇشىن بارلىق قوسالقى زاتتاردىڭ تىزبەسى كورسەتىلەدى; ينفۋزيالىق ەرىتىندىلەر ءۇشىن بارلىق قوسالقى زاتتاردىڭ ساپالىق جانە ساندىق قۇرامى كورسەتىلەدى; باسقا دارىلىك نىساندار ءۇشىن ميكروبقا قارسى كونسەرۆانتتاردىڭ, بوياعىشتاردىڭ, سونداي-اق قانتتار مەن ەتانولدىڭ تىزبەسى كورسەتىلەدى; ىشكە قابىلداۋعا ارنالعان دارىلىك پرەپاراتتاردى تاڭبالاۋ كەزىندە كورسەتىلەتىن قوسالقى زاتتاردىڭ تىزبەسى وسى قاعيدالارعا قوسىمشادا كەلتىرىلگەن; 10) قۇرامىنا كەمىندە ءبىر اكتيۆتى كومپونەنت ارتىق كىرەتىن ينفۋزيالىق ەرىتىندىلەر ءۇشىن وسموليارلىلىق/وسموليالدىلىك شاماسىنىڭ ءمانى كورسەتىلەدى; 11) قولدانىلۋ ءتاسىلى جانە دارىلىك نىسانىنا قاراي ەنگىزۋ جولى (ىشۋگە ارنالعان تابلەتكالار مەن كاپسۋلالار ءۇشىن قولدانىلۋ ءتاسىلى كورسەتىلمەيدى); 12) ساقتىق شارالارى; 13) ەسكەرتپە جازبالار; 14) ساقتاۋ شارتتارى, ساقتاۋ ەرەكشەلىكتەرى; 15) بوساتىلۋ شارتتارى (دارىگەردىڭ رەتسەپتىسى بويىنشا نەمەسە رەتسەپتىسىنسىز); 16) سەريا ءنومىرى; 17) وندىرىلگەن كۇنى (سەرياسىنىڭ نومىرىنە ەنگىزىلمەگەن جاعدايدا); 18) جارامدىلىق مەرزىمى: «(كۇنى, ايى, جىلى) دەيىن جارامدى» نەمەسە «(كۇنى, ايى, جىلى)»; جارامدىلىق مەرزىمى «(ايى, جىلى) دەيىن جارامدى» نەمەسە «(ايى, جىلى)» دەپ كورسەتىلەدى, وسى رەتتە جارامدىلىق مەرزىمى كورسەتىلگەن ايدىڭ سوڭعى كۇنىنە دەيىن قوسا العاندا بەلگىلەنەدى; 19) «قر-دز-» بەلگىسى تۇرىندە دارىلىك زاتتىڭ تىركەۋ ءنومىرى; 20) شتريح كود (بار بولسا). 10. قايتالاما قاپتاماعا سالىنعان باستاپقى قاپتامادا: 1) دوزالانۋى, بەلسەندىلىگى نەمەسە كونتسەنتراتسياسى كورسەتىلگەن دارىلىك زاتتىڭ ساۋدالىق اتاۋى; 2) مەملەكەتتىك, ورىس نەمەسە اعىلشىن تىلدەرىندەگى حالىقارالىق پاتەنتتەلمەگەن اتاۋى (بار بولسا); 3) دارىلىك زاتتى ءوندىرۋشى ۇيىمنىڭ اتاۋى جانە (نەمەسە) ونىڭ تاۋارلىق بەلگىسى; 4) ماسساسى نەمەسە كولەمى; 5) سەرياسىنىڭ ءنومىرى; 6) «ايى, جىلى» نەمەسە «كۇنى, ايى, جىلى» جارامدىلىق مەرزىمى كورسەتىلەدى. قايتالاما قاپتاماعا جازىلعان اقپاراتقا سايكەس كەلەتىن قوسىمشا اقپارات ورنالاستىرىلادى. 11. قايتالاما قاپتاماعا سالىنعان (امپۋلادا, ينسۋلين ساۋىتىندا, شپريتس-سىقپادا, سىقپا-تامىزعىدا, كارتريدجدە) شاعىن مولشەردەگى ء(بىر جاعىنىڭ كولەمى 10سم2 اسپايتىن) باستاپقى قاپتامانى تاڭبالاۋ كەزىندە قازاقستان رەسپۋبليكاسى ۇكىمەتىنىڭ 2008 جىلعى 21 ناۋرىزداعى №277 قاۋلىسىمەن بەكىتىلگەن «بۋىپ-تۇيۋگە, تاڭبالاۋعا, زاتبەلگى جاپسىرۋعا جانە ولاردى دۇرىس تۇسىرۋگە قويىلاتىن تالاپتار» تەحنيكالىق رەگلامەنتىنىڭ 47-تارماعىنا سايكەس: 1) دوزالانۋى, بەلسەندىلىگى نەمەسە كونتسەنتراتسياسى كورسەتىلگەن دارىلىك زاتتىڭ ساۋدالىق اتاۋى; 2) ماسساسى نەمەسە كولەمى; 3) سەرياسىنىڭ ءنومىرى; 4) «ايى, جىلى» جارامدىلىق مەرزىمى كورسەتىلەدى. 12. گومەوپاتيالىق پرەپاراتتاردىڭ اكتيۆتى جانە قوسالقى زاتتاردىڭ قۇرامى لاتىن ءالىپبيى ارىپتەرىمەن كورسەتىلەدى. 13. دارىلىك وسىمدىك شيكىزاتىنىڭ قاپتاماسىندا دايىنداۋ ادىستەمەسى سيپاتتالىپ, سۋدان الۋ ءتاسىلى, ساقتاۋ شارتتارى جانە قولدانۋ كەزەڭى كورسەتىلەدى. 14. زاڭدا كورسەتىلگەن, مەديتسينالىق ماقساتتا پايدالانىلاتىن جانە قاتاڭ باقىلاۋعا جاتاتىن ەسىرتكى جانە پسيحوتروپتىق زاتتار ءتىزىمىنىڭ II كەستەسىندە سانامالانعان ەسىرتكى, پسيحوتروپتىق زاتتار بار امپۋلالاردىڭ كاپيللياردا انىق كورىنەتىن قىزىل قوس جولاعى بولادى. 15. شەتەلدىك ءوندىرۋشى ۇيىمدار وندىرگەن جانە قازاقستان رەسپۋبليكاسىنىڭ ءوندىرۋشى ۇيىمى قاپتاماعا ولشەپ وراعان (باستاپقى, قايتالاما) دارىلىك زاتتىڭ «بالك-ءونىمىن» تاڭبالاعان كەزدە قايتالاما قاپتامادا, ال ول بولماسا, باستاپقى قاپتامادا قوسىمشا مىنالار: 1) دارىلىك زاتتىڭ بالك-ءونىمىن ءوندىرۋشى شەتەلدىك ۇيىمنىڭ, ەلدىڭ اتاۋى, تاۋارلىق بەلگىسى; 2) دارىلىك زاتتىڭ بالك-ءونىمى وندىرىلگەن كۇنىن ەسكەرىپ ولشەپ وراۋدى جۇزەگە اسىرعان ءوندىرۋشى ۇيىم بەرگەن ولشەپ ورالعان دارىلىك زات سەرياسىنىڭ ءنومىرى; 3) دارىلىك زاتتىڭ بالك-ءونىمىن وندىرگەن كۇننەن باستاپ ەسەپتەلەتىن جارامدىلىق مەرزىمى كورسەتىلەدى. 16. ەرىتكىشى بار دارىلىك پرەپاراتتىڭ جيىنتىعىن تاڭبالاعان كەزدە قايتالاما قاپتامادا ەرىتكىشتىڭ اتاۋىن, كولەمىن, كونتسەنتراتسياسىن, قۇرامىن, سەرياسىنىڭ ءنومىرىن قوسىمشا كورسەتۋ قاجەت. جارامدىلىق مەرزىمى جيىنتىققا ەنەتىن كومپونەنتتىڭ (دارىلىك پرەپارات, ەرىتكىش) جارامدىلىق مەرزىمىنىڭ ەڭ قىسقا مەرزىمى بويىنشا كورسەتىلەدى. 17. دارىلىك زاتتىڭ (باستاپقى جانە/نەمەسە قايتالاما) قاپتاماسىندا مىناداي جازۋلار بولادى: 1) بالالارعا ارنالعان دارىلىك پرەپاراتتار ءۇشىن – «بالالارعا ارنالعان»; 2) گومەوپاتيالىق دارىلىك پرەپاراتتار ءۇشىن – «گومەوپاتيالىق زات»; 3) دارىلىك وسىمدىك شيكىزاتىندا – «ءونىم رادياتسيالىق باقىلاۋدان وتكەن جانە قاۋىپسىز»; 4) ادام اعزالارىنان جانە (نەمەسە) تىندەرىنەن الىنعان دارىلىك زاتتارعا – «پرەپارات پارەنتەرالدى جولمەن بەرىلەتىن ۆيرۋستارعا, ونىڭ ىشىندە ادامنىڭ يممۋن تاپشىلىعى ۆيرۋسىنا (1 جانە 2-تۇردەگى) جانە ۆ جانە س گەپاتيتتەرىنە قاتىستى باقىلاۋدان وتكەن جانە قاۋىپسىز»; 5) پارافارماتسەۆتيكتەرگە – «پارافارماتسەۆتيكتەر». 18. گەنەتيكالىق تۇرلەندىرىلگەن كوزدەردىڭ نەگىزىنەن الىنعان دارىلىك پرەپاراتتاردىڭ مىناداي ءتيىستى جازۋلارى بولادى: «گەنەتيكالىق تۇرلەندىرىلگەن» نەمەسە «گەنەتيكالىق تۇرلەندىرىلگەن كوزدەر نەگىزىنەن الىنعان» نەمەسە «قۇرامىندا گەنەتيكالىق تۇرلەندىرىلگەن كوزدەردەن الىنعان كومپونەنتتەرى بار». 19. ساقتاۋدىڭ, اينالىسى مەن قولدانۋدىڭ ەرەكشە جاعدايلارىن تالاپ ەتەتىن دارىلىك پرەپاراتتىڭ قاپتاماسىنداعى (قايتالاما جانە (نەمەسە) باستاپقى) تاڭبالاۋ وزىنە: «بالالاردىڭ قولى جەتپەيتىن جەردە ساقتاۋ قاجەت»; «زارارسىزداندىرىلعان» - زارارسىزداندىرىلعان دارىلىك زاتتار ءۇشىن; ادام قانىنان الىنعان دارىلىك زاتتار ءۇشىن – «ادامنىڭ يممۋن تاپشىلىعى ۆيرۋسىنا قارسى دەنەلەر جوق», «گەپاتيت ۆيرۋستارىنا قارسى دەنەلەر جوق»; دارىلىك زاتتىڭ باستاپقى قاپتاماسىنا ىلعاش سىڭىرگىش پاكەتيكتەردىڭ (تابلەتكالاردىڭ) سالىنعانى تۋرالى; پارەنتەرالدىق دارىلىك زاتتار ءۇشىن ەنگىزۋ ءتاسىلى (جولى) («ۆەنا ىشىنە», «بۇلشىقەت ىشىنە», «ينفۋزيالار ءۇشىن», «تەرى استىنا») كورسەتىلەدى, ەگەر دارىلىك زات ءۇش نەمەسە ودان كوپ تاسىلمەن ەنگىزىلەتىن بولسا, وندا «ينەكتسيالار ءۇشىن» دەپ كورسەتۋگە بولادى. باستاپقى قاپتامادا ەنگىزۋ ءتاسىلى (جولى) قىسقاشا («ۆەنا ىشىنە ء(ۆ/ى»), «بۇلشىقەت ىشىنە «ءب/ى», «تەرى استىنا (ت/ا), «ينەكتسيا ءۇشىن ء(ي/ۇ)» دەپ كورسەتىلەدى – ەگەر دارىلىك پرەپارات ءۇشىن ءۇش جانە ودان دا كوپ ەنگىزۋ جولدارىنا جول بەرىلەتىن بولسا; قاۋىپسىزدىك تالاپتارىن, تاسىمالداۋ, ساقتاۋ جانە قولدانۋ كەزىندەگى ساقتىق شارالارىن تۇسىندىرەتىن: «قولدانار الدىندا شايقاۋ كەرەك»; «ساقتىقپەن قولدانۋ كەرەك»; «وتتان الىستا ساقتاۋ كەرەك»; «مۇزداتۋعا بولمايدى» (قاجەت بولعان جاعدايدا) ءتيىستى ەسكەرتۋ جازبالاردى قامتيدى. 20. راديوفارماتسەۆتيكالىق دارىلىك پرەپاراتتارعا ارنالعان قاپتاما (باستاپقى جانە قايتالاما) «حالىقتىڭ رادياتسيالىق قاۋىپسىزدىگى تۋرالى» قازاقستان رەسپۋبليكاسىنىڭ 1998 جىلعى 23 ساۋىردەگى, «اتوم قۋاتىن پايدالانۋ تۋرالى» 1997 جىلعى 14 ساۋىردەگى زاڭدارىنا سايكەس تاڭبالانادى جانە مىناداي تالاپتارعا سايكەس كەلەدى: 1) قورعانىش كونتەينەرىندەگى تاڭبالاۋ قوسىمشا باستاپقى قاپتامادا كەلتىرىلگەن كودتاۋدى تۇسىندىرەدى, دوزاداعى راديواكتيۆتى بىرلىكتەردىڭ سانى نەمەسە باستاپقى قاپتامادا وسى كەزەڭدەگى ۋاقىتى جانە كۇنى, سونداي-اق دارىلىك نىساننىڭ (كاپسۋلالاردىڭ) بىرلىك سانى نەمەسە سۇيىق دارىلىك نىسانداردىڭ كولەمى ميلليليترمەن كورسەتىلەدى; 2) باستاپقى قاپتامانى تاڭبالاۋ مىناداي اقپاراتتى قامتيدى: راديونۋكليدتىڭ اتاۋىن نەمەسە حيميالىق سيمۆولىن قوسا العاندا, دارىلىك زاتتىڭ ساۋدالىق اتاۋى نەمەسە كودى; سەرياسىنىڭ ءنومىرى جانە جارامدىلىق مەرزىمى; راديواكتيۆتىلىكتىڭ حالىقارالىق سيمۆولى; دارىلىك زاتتى ءوندىرۋشى ۇيىمنىڭ اتاۋى جانە مەكەنجايى; بەكىتىلگەن نورماتيۆتىك قۇجاتقا سايكەس راديواكتيۆتىلىك بىرلىكتەر سانى. 21. وسى قاعيدالاردىڭ 9, 10, 11-تارماقتارىندا كورسەتىلگەن اقپاراتتا باسقا مەديتسينالىق يممۋندىق بيولوگيالىق پرەپاراتتاردى تاڭبالاۋدا وسى يممۋندىق بيولوگيالىق پرەپاراتتى سيپاتتايتىن مىناداي قوسىمشا اقپارات بار: 1) يممۋندىق قان سارىسۋلارى ءۇشىن: ەرەكشەلىگىن كورسەتە وتىرىپ, توپتىق اتاۋى (مىسالى قان سارىسۋى, يممۋنوگلوبۋلين); شىعۋ تەگىنىڭ سىرتقى كورىنىسى (ادام نەمەسە سارىسۋ الۋ ءۇشىن پايدالانىلعان جانۋار ءتۇرى); سارىسۋ الۋ تەحنولوگياسى (مىسالى تازارتىلعان, كونتسەنتراتسيالانعان); فيزيكالىق جاي-كۇيى (سۇيىق, قۇرعاق); دوزالانۋى; جارامدىلىق مەرزىمى («كۇنى, ايى, جىلى» كورسەتىلەدى), قايتالاما قاپتاماعا سالىنعان كولەمى 1 ميلليليتر جانە ودان از باستاپقى قاپتامادا كورسەتىلمەيدى; كوپدوزالى قاپتامالار ءۇشىن - العاش رەت اشقاننان كەيىنگى قولدانۋ شارتتارى جانە مەرزىمى; يممۋندى قان سارىسۋىنىڭ قۇرامىندا بار كەز كەلگەن ميكروبقا قارسى كونسەرۆانتتىڭ نەمەسە باسقا قوسالقى زاتتىڭ اتاۋى مەن دوزاسى; جاعىمسىز رەاكتسيا تۋدىرۋعا قابىلەتتى قوسالقى زاتتىڭ اتاۋى; قولدانۋ كەزىندەگى قارسى كورسەتىلىمدەر; 2) ءليوفيلدى كەپتىرىلگەن يممۋندى قان سارىسۋى ءۇشىن: قاجەتتى ەرىتكىشتىڭ اتاۋى نەمەسە قۇرامى, سونداي-اق سانى; ارالاستىرعاننان كەيىن تەز قولدانۋ قاجەتتىلىگى تۋرالى نەمەسە رەگيدراتسيادان كەيىن قولدانۋ شارتتارى مەن مەرزىمى تۋرالى نۇسقاۋلىق; 3) ۆاكتسينالار ءۇشىن: «ۆاكتسينا» ءسوزى مەن ەرەكشەلىگىن كورسەتىلگەن توپتىق اتاۋى; الۋ تەحنولوگياسى (مىسالى كۋلتۋرالدى, اللانتويستى, رەكومبيناتتى, تازارتىلعان, كونتسەنتراتسيالانعان, ادسوربتسيالانعان); بيولوگيالىق جاي-كۇيى ء(تىرى, يناكتيۆتەلگەن); فيزيكالىق جاي-كۇيى (سۇيىق, قۇرعاق); ميكروبقا قارسى كونسەرۆانتتىڭ اتاۋى مەن سانى (قاجەت بولسا); ۆاكتسينادا بولاتىن انتيبيوتيكتىڭ, اديۋۆانتتىڭ, دامدەۋىش قوسپالاردىڭ نەمەسە تۇراقتاندىرعىشتىڭ اتاۋى; قولدانۋ كەزىندە قانداي دا ءبىر جاناما رەاكتسيا مەن قارسى كورسەتىلىمدەر تۋدىرۋعا قابىلەتتى قوسالقى زاتتىڭ اتاۋى; كوپدوزالى باستاپقى قاپتامالار ءۇشىن - العاشقى رەت اشقاننان كەيىن پايدالانۋ شارتتارى مەن مەرزىمى; 4) وسى تارماقتىڭ 3) تارماقشاسىندا كورسەتىلگەن اقپاراتقا قوسىمشا ليوفيلدەنگەن ۆاكتسينالار ءۇشىن مىنالار كورسەتىلەدى: ليوفيليزياتقا قوسىلاتىن كەشەندى ۆاكتسينا سۇيىقتىعىنىڭ نەمەسە سۇيىق كومپونەنتتىڭ اتاۋى (نەمەسە قۇرامى) جانە كولەمى; ەرىتكەننەن كەيىن ۆاكتسينانى قولدانۋ شارتتارى مەن مەرزىمى; 5) اللەرگەندىك پرەپاراتتار ءۇشىن: بيولوگيالىق بەلسەندىلىك جانە (نەمەسە) اقۋىزدىڭ قۇرامى جانە (نەمەسە) سىعىندىنىڭ كونتسەنتراتسياسى; قوسىلعان ميكروبقا قارسى كونسەرۆانتتاردىڭ اتاۋى مەن سانى; كوپ دوزالى باستاپقى قاپتامالار ءۇشىن - العاشقى رەت اشقاننان كەيىن قولدانۋ شارتتارى مەن مەرزىمى; 6) وسى تارماقتىڭ 5) تارماقشاسىندا كورسەتىلگەن اقپاراتقا قوسىمشا ليوفيلدەنگەن اللەرگەندىك پرەپاراتتار ءۇشىن مىنالار كورسەتىلەدى: رەگيدراتاتسيالاۋ ءۇشىن قوسىلاتىن سۇيىقتىقتىڭ اتاۋى, قۇرامى جانە كولەمى; رەگيدراتاتسيادان كەيىن پرەپاراتتىڭ پايدالانىلۋى ءتيىس ساقتاۋ شارتى مەن ۋاقىت كەزەڭى; زارارسىزداندىرۋ تۋرالى اقپارات (زارارسىزداندىرىلماعان پرەپاراتتار ءۇشىن كورسەتىلمەيدى); ادسوربەنتتىڭ اتاۋى مەن سانى; 7) ەمدىك-پروفيلاكتيكالىق فاگتار ءۇشىن: فاگتاردىڭ اتاۋى, قۇرامى جانە بەلسەندىلىگى; كوپ دوزالى باستاپقى قاپتاما ءۇشىن - العاشقى رەت اشقاننان كەيىن پايدالانۋ شارتى مەن مەرزىمى; كوپ كومپونەنتتى دارىلىك پرەپاراتتار ءۇشىن - ءاربىر فاگتىڭ ەرەكشەلىگى مەن بەلسەندىلىگى; 8) دياگنوستيكالىق يممۋندىق بيولوگيالىق پرەپاراتتار ءۇشىن: توپتىق اتاۋى (مىسالى, دياگنوستيكۋم, انتيگەن, دياگنوستيكالىق قان سارىسۋى); دياگنوستيكاسى ءۇشىن ينفەكتسيانى, قوزدىرعىشتى نەمەسە انتيگەندى جانە قانداي ادىستەردىڭ (ادىستەمەلەردىڭ) كومەگىمەن قولدانىلاتىنى كورسەتە وتىرىپ, قولدانۋ كورسەتىلىمدەرى; بەلسەندى كومپونەنتتىڭ تابيعاتى جانە الۋ تەحنولوگياسى; قۇرامىنداعى انتيگەندەردى, انتيدەنەلەردى, فاگتاردى بەلگىلەۋ; فيزيكالىق جاي-كۇيى (سۇيىق, قۇرعاق); قان سارىسۋى ءۇشىن قوسىمشا مىنالار كورسەتىلەدى: كورنەكى, توپتىق, مونوكلونالدى, پوليۆالەنتتى. 22. قاپتاماعا: 1) گولوگرافيالىق جانە قورعانىش بەلگىلەرىن جازۋعا, تاڭبالاۋ ءماتىنىن برايل ءالىپبيىن (كورۋ مۇمكىندىگى شەكتەۋلى ادامدار ءۇشىن) پايدالانىپ قايتالاۋعا, تۇتىنۋشىلارعا اقپاراتتى تۇسىندىرۋگە كومەكتەسەتىن سيمۆولدار مەن پيكتوگراممالاردى ورنالاستىرۋعا; 2) مەديتسينالىق قولدانۋ جونىندەگى نۇسقاۋلىق ءماتىنىن تىكەلەي دارىگەردىڭ رەتسەپتىسىنسىز بەرىلەتىن دارىلىك پرەپاراتتىڭ قاپتاماسىنا جازۋعا; 3) تاڭبالاۋ ءماتىنىن باسقا تىلدەردە قوسىمشا جازۋعا جول بەرىلەدى. 23. دارىلىك زاتتىڭ قاپتاماسىنا جارنامالىق سيپاتتاعى مالىمەتتەر جازۋعا جول بەرىلمەيدى. 24. اكتيۆتى زاتتاردىڭ ءارتۇرلى مولشەرىن قامتيتىن, دارىلىك نىسانى ءبىر دارىلىك پرەپارات قاپتاماسىنىڭ ديزاينى, ءتۇسىنىڭ رەسىمدەلۋى ءارتۇرلى بولۋعا ءتيىس. 25. ءدارىحانا جاعدايىندا دايىندالعان دارىلىك پرەپاراتتار حالىققا تۇتىنۋشىعا ارنالعان مەملەكەتتىك جانە ورىس تىلدەرىندەگى اقپاراتتى قامتيتىن جانە مەديتسينالىق ەمبلەمامەن (توستاعانعا ورالعان جىلان) وسى قاعيدالاردىڭ 27-35-تارماقتارىنا سايكەس رەسىمدەلگەن ءتيىستى زاتبەلگىسى بار باستاپقى قاپتامادا بوساتىلادى. 26. ءاربىر زاتبەلگىنىڭ دارىلىك پرەپاراتتى قولدانۋ تاسىلىنە قاراي ءتيىستى بەلگىسى بولادى. ءتيىستى جازبالارى بار زاتبەلگىلەر: 1) «ىشكە», «بالالارعا ارنالعان ىشكە» – ىشكە قولدانىلاتىن دارىلىك نىساندارعا ارنالعان زاتبەلگىلەر; 2) «سىرتقا» – سىرتقا قولدانىلاتىن دارىلىك نىساندارعا ارنالعان زاتبەلگىلەر; 3) «ينەكتسيا ءۇشىن» – پارەنتەرالدىق ەنگىزىلەتىن دارىلىك نىساندارعا ارنالعان زاتبەلگىلەر; 4) «كوزگە ارنالعان تامشىدارىلەر», «كوزگە ارنالعان جاقپاماي» – كوزگە ارنالعان دارىلىك پرەپاراتتاردىڭ زاتبەلگىلەرى بولىپ بولىنەدى. 27. دارىلىك پرەپاراتتى بوساتۋ كەزىندە قاتەلەسۋ قاۋپىن ازايتۋ ءۇشىن زاتبەلگىدە اق فوندا ءتۇرلى-ءتۇستى جولاق تۇرىندەگى سيگنالدىق تۇستەر پايدالانىلادى: 1) ىشكە قولدانىلاتىن دارىلىك نىساندارعا ارنالعان زاتبەلگىلەردە – جاسىل; 2) سىرتقا قولدانىلاتىن دارىلىك نىساندارعا ارنالعان زاتبەلگىلەردە – قىزعىلت سارى; 3) كوزگە ارنالعان دارىلىك پرەپاراتتارعا ارنالعان زاتبەلگىلەردە – قىزعىلت; 4) پارەنتەرالدىق ەنگىزىلەتىن دارىلىك نىساندارعا ارنالعان زاتبەلگىلەردە - كوك. 28. دارىلىك نىسانىنا قاراي ىشكە جانە سىرتقا قولدانۋعا ارنالعان زاتبەلگىلەر مىناداي تۇرلەرگە بولىنەدى: «ميكستۋرا», «تامشىدارىلەر», «ۇنتاقتار», «جاقپاماي», «مۇرىنعا ارنالعان تامشىدارىلەر», «كوزگە ارنالعان تامشىدارىلەر», «ينەكتسيالار ءۇشىن». 29. جەكە دايىندالعان دارىلىك پرەپاراتتاردى رەسىمدەۋگە ارنالعان زاتبەلگىلەردە مىناداي اقپارات كورسەتىلەدى: 1) ءدارىحانانىڭ اتاۋى; 2) ءدارىحانانىڭ ورنالاسقان جەرى (زاڭدى مەكەنجايى); 3) رەتسەپتىنىڭ ءنومىرى; 4) ناۋقاستىڭ تەگى, اتى, اكەسىنىڭ اتى; 5) وسى قاعيدالاردىڭ 27, 30 جانە 31-تارماقتارىنا سايكەس دارىلىك نىسانى مەن قولدانۋ تاسىلىنە قاراي بەلگىسى; 6) قولدانۋدىڭ تولىق ءادىسى: ميكستۋرالار ءۇشىن: «______ قاسىقتان كۇنىنە ___رەت ___ تاماققا دەيىن (تاماقتان كەيىن), ىشۋگە ارنالعان تامشىدارىلەر ءۇشىن: « ____ تامشىدان كۇنىنە ____ رەت ____ تاماققا دەيىن (تاماقتان كەيىن); ۇنتاقتار ءۇشىن: «_____ ۇنتاقتان كۇنىنە _____ رەت _____ تاماققا (تاماقتان) دەيىن (كەيىن); كوزگە ارنالعان تامشىدارىلەر ءۇشىن: « _____ تامشىدان كۇنىنە ____ كوزگە ______ رەت; باسقا دارىلىك نىساندار ءۇشىن, سونداي-اق سىرتقا قولدانىلاتىن دارىلىك نىساندار ءۇشىن, قولدانۋ ءتاسىلىن كورسەتۋ ءۇشىن ورىن قالدىرىلۋعا ءتيىس; 7) دايىندالعان كۇنى; 8) ساقتاۋ مەرزىمى (كۇن سانى); 9) باعاسى; 10) «بالالاردان ساقتاڭىز» دەگەن ەسكەرتۋ جازباسى. ميكستۋرالاردى, ىشكە قولدانىلاتىن تامشىدارىلەردى, جاقپامايلاردى, كوزگە ارنالعان تامشىدارىلەردى, كوزگە ارنالعان جاقپامايلاردى رەسىمدەۋگە ارنالعان زاتبەلگىلەردە سانامالانعان بەلگىلەردەن باسقا, 27, 29-تارماقتاردا كەلتىرىلگەن بەلگىلەر, سونداي-اق وسى قاعيدالاردىڭ 30, 34-تارماقتارىندا كەلتىرىلگەن ءتيىستى ەسكەرتپە جازبالارى كورسەتىلۋگە ءتيىس. 30. دارىلىك نىسانداردىڭ ءار تۇرلەرىنىڭ زاتبەلگىلەرىندە قوسىمشا مىناداي اقپارات كورسەتىلەدى: 1) ينەكتسيالارعا ارنالعان - ءدارىنى ەنگىزۋ جولى: «ۆەناعا», «ۆەناعا (تامشىلاتىپ)», «بۇلشىق ەتكە», «تەرى استىنا»; 2) ەمدىك كليزمالارعا ارنالعان: «كليزما ءۇشىن»; 3) دەزينفەكتسيالاۋعا ارنالعان: «دەزينفەكتسيا ءۇشىن», «ساقتىقپەن قولدانۋ كەرەك»; 4) بالالارعا ارنالعان: «بالالارعا ارنالعان»; 5) جاڭا تۋعان نارەستەلەرگە ارنالعان: «جاڭا تۋعان نارەستەلەرگە ارنالعان»; 6) سەريا جازىلۋعا ءتيىس. 31. مەديتسينالىق ۇيىمدار ءۇشىن دايىندالعان دارىلىك پرەپاراتتاردى رەسىمدەۋ ءۇشىن زاتبەلگىلەردە وسى قاعيدالاردىڭ 30 جانە 31-تارماقتارىندا كورسەتىلگەن اقپاراتقا قوسىمشا مىنالار كورسەتىلەدى: 1) دارىلىك پرەپاراتتار ارنالعان مەديتسينالىق ۇيىمنىڭ اتاۋى; 2) بولىمشەنىڭ اتاۋى; 3) دارىلىك پرەپاراتتى دايىنداعان, تەكسەرگەن جانە بوساتقان ادامنىڭ قولى («____ دايىندادى»; «تەكسەردى ____»; «بوساتتى ____»); 4) تالداۋ ءنومىرى; 5) دارىلىك نىساننىڭ قۇرامى. 32. بارلىق دارىحانالىق زاتبەلگىلەردە ءاربىر دارىلىك نىسانعا سايكەس كەلەتىن ەسكەرتپە جازبالار تيپوگرافيالىق تاسىلمەن جازىلادى: 1) ميكستۋرالار ءۇشىن: «سالقىن جانە جارىق تۇسپەيتىن جەردە ساقتاۋ كەرەك», «قولدانار الدىندا شايقاۋ كەرەك»; 2) جاقپامايلار, كوزگە ارنالعان جاقپامايلار مەن كوزگە ارنالعان تامشىدارىلەر, سۋپپوزيتوريلەر ءۇشىن: «سالقىن جانە جارىق تۇسپەيتىن جەردە ساقتاۋ كەرەك»; 3) ينەكتسيالار مەن ينفۋزيالار ءۇشىن: «زارارسىزداندىرىلعان»; 4) ساقتاۋدىڭ, اينالىسى مەن قولدانۋدىڭ ەرەكشە شارتتارىن تالاپ ەتەتىندەر «ساقتىقپەن قولدانۋ كەرەك», «وتتان قورعاۋ كەرەك» دەگەن قوسىمشا زاتبەلگىلەرمەن رەسىمدەلەدى. 33. قۇرامىندا ۋلى زاتتار (ديحلوريد سىنابى, تسيانيد سىنابى, وكسيانيد سىنابى) بار دارىلىك نىساندار باسسۇيەك جانە ايقاسقان سۇيەكتەر بەينەلەنگەن جانە اق قارىپپەن «ۋ» جانە «ساقتىقپەن قولدانۋ كەرەك» دەگەن قارا ءتۇستى ەسكەرتپە زاتبەلگىمەن رەسىمدەلەدى. زاتبەلگىدە ۋلى زاتتىڭ اتاۋى جانە ونىڭ كونتسەنتراتسياسى كورسەتىلەدى. 3. دارىلىك پرەپاراتتاردى ستيكەرلەۋ ءتارتىبى 34. ستيكەرلەردەگى تاڭبالاۋ وسى قاعيدالاردىڭ تالاپتارىنا سايكەس كەلەدى جانە قازاقستان رەسپۋبليكاسىندا دارىلىك زاتتى مەملەكەتتىك تىركەۋ كەزىندە بەكىتىلەدى. 35. قاپتاماعا ستيكەرلەردى جاپسىرۋدى قاپتامانىڭ ءاربىر بىرلىگىنە (باستاپقى, قايتالاما) مەملەكەتتىك جانە ورىس تىلدەرىندە دارىلىك زاتتى ءوندىرۋشى ۇيىم جۇزەگە اسىرادى. 36. ستيكەر ساۋدالىق جانە/نەمەسە حالىقارالىق پاتەنتتەلمەگەن اتاۋى جانە تۇپنۇسقالىق زاتبەلگى دارىلىك پرەپاراتىنىڭ دوزالانۋى اشىق قالدىرىلىپ قاپتامادا ورنالاستىرىلادى. دارىلىك زاتتاردى تاڭبالاۋ قاعيدالارىنا 1-قوسىمشا ىشكە قابىلداۋعا ارنالعان دارىلىك پرەپاراتتاردى تاڭبالاۋ كەزىندە كورسەتىلەتىن قوسالقى زاتتاردىڭ تىزبەسى قوسالقى زاتتىڭ اتاۋى زاتتىڭ كودى شەكتىك مولشەرى ازوبوياعىشتار: كۇن باتار تۇستەس سارى ە110 0 ازورۋبين (كارمۋازين) ە122 اشىق قىزىل (پونسو 4R, كوشەنيل قىزىل ا) ە124 بريلليانتتى قارا BN (قارا جارقىراعان BN, قارا PN) ە151 اراحيس مايى 0 اسپارتام ە951 0 گالاكتوزا 0 گليۋكوزا (دەكستروزا) 0 گليتسەرول (گليتسەرين) 10 گ/دوزا يزومالت (يزومالتيت) ە953 0 قۇرامىندا كالي بار قوسىلىستار 39 مگ/دوزا پوليەتوكسيليرلەنگەن كاستور مايى (ماكروگول گليتسەريلريتسينولەاتى, ماكروگول گليتسەريلگيدروكسيستەاراتى) 0 كونسەرۆانتتار 0 كسيليتول (كسيليت) 10 گ كۇنجىت مايى 0 لاكتيتول (لاكتيت) ە966 0 لاكتوزا 0 لاتەكس (تابيعي كاۋچۋك) 0 مالتيتول (مالتيت) ە965 0 ماننيتول (ماننيت) ە421 10 گ موچەۆينا 0 قۇرامىندا ناتري بار قوسىندىلار 23 مگ/دوزا پروپيلەنگليكول جانە ونىڭ ەفيرلەرى 400 مگ/كگ ەرەسەكتەر ءۇشىن 200 مگ/كگ بالالار ءۇشىن بيداي كراحمالى 0 ينۆەرتتى قانت 0 ساحاروزا 0 سويا مايى 0 قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 16 ساۋىردەگى № 227 بۇيرىعىنا 2-قوسىمشا مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ قاعيدالارى 1. جالپى ەرەجەلەر 1. وسى مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنىڭ 75-بابىنا سايكەس ازىرلەنگەن جانە قازاقستان رەسپۋبليكاسىنداعى مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ ءتارتىبىن ايقىندايدى. 2. مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋدى كودەكستىڭ 71-بابىنا سايكەس قازاقستان رەسپۋبليكاسىندا دارىلىك زاتتى مەملەكەتتىك تىركەۋ كەزىندە دارىلىك زاتتار, مەديتسينالىق ماقساتتاعى بۇيىمدار مەن مەديتسينالىق تەحنيكا اينالىسى سالاسىنداعى مەملەكەتتىك ورگان (بۇدان ءارى – مەملەكەتتىك ورگان) بەكىتەدى. 3. تۇتىنۋشىعا ارنالعان اقپارات (مەديتسينالىق تەحنيكانى پايدالانۋ قۇجاتى, مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىق) قۇرامىنا, قاسيەتىنە, شىعۋ تەگىنە, دايىنداۋ ء(وندىرۋ) جانە قولدانۋ تاسىلىنە, سونداي-اق مەديتسينالىق ماقساتتاعى بۇيىمدار مەن مەديتسينالىق تەحنيكا ساپاسى مەن قاۋىپسىزدىگىن تىكەلەي نەمەسە جاناما سيپاتتايتىن باسقا دا مالىمەتتەرگە قاتىستى ولاردى شاتىستىرمايتىن تولىق جانە دۇرىس مالىمەتتەردەن تۇرادى. قازاقستان رەسپۋبليكاسىنىڭ اۋماعىندا مەديتسينالىق ماقساتتاعى بۇيىمدار مەن مەديتسينالىق تەحنيكانىڭ ساپاسى جونىندەگى شاعىمداردى (ۇسىنىستاردى) قابىلدايتىن ۇيىم تۋرالى اقپارات مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتا جانە مەديتسينالىق تەحنيكانى پايدالانۋ قۇجاتىندا كورسەتىلەدى. 4. وسى قاعيدالاردا مىناداي ۇعىمدار پايدالانىلادى: 1) تاڭبالاۋ - تۇتىنۋشىعا ارنالعان اقپاراتتى جەتكىزەتىن جانە ونىمگە (تاۋارعا), قۇجاتتارعا, جادنامالارعا (قوسىمشا پاراقتارعا), زاتبەلگىلەرگە, كونترزاتبەلگىلەرگە, كولەرەتكالارعا, زاتتاڭبالارعا, جاپسىرمالارعا (ستيكەرلەرگە), وراۋىشقا (ىدىسقا) تۇسىرىلگەن ءماتىن, تاۋارلىق بەلگىلەر, شارتتىق بەلگى جانە سۋرەتتەر; 2) مەديتسينالىق تەحنيكانى پايدالانۋ قۇجاتى – تۇتىنۋشىعا ارنالعان مەديتسينالىق تەحنيكانىڭ كونسترۋكتسياسى, ءىس-ارەكەت قاعيداتى, ولشەمدەرى, سيپاتتامالارى (قاسيەتتەرى), ونىڭ قۇرامدىق بولىكتەرى تۋرالى مالىمەتتەن; مەديتسينالىق تەحنيكانى دۇرىس جانە قاۋىپسىز پايدالانۋعا (دۇرىس قولدانۋ, تەحنيكالىق قىزمەت كورسەتۋ, ساقتاۋ جانە تاسىمالداۋ) قاجەتتى نۇسقاۋلىق; كادەگە جاراتۋ جونىندەگى مالىمەتتەر; ءوندىرۋشى تۋرالى, بۇيىمداردى جەتكىزۋشى جانە ولاردىڭ كەپىلدىك مىندەتتەمەلەرى تۋرالى اقپاراتتان تۇراتىن, مەديتسينالىق تەحنيكانى ءوندىرۋشى ازىرلەيتىن قۇجات; 3) مەديتسينالىق ماقساتتاعى بۇيىمنىڭ انگرو-ءونىمى - وندىرىلەتىن جانە ءىرى ولشەپ ورامدا وتكىزىلەتىن, سونداي-اق تۇتىنۋشىعا ارنالعان مەديتسينالىق ماقساتتاعى بۇيىمداردىڭ سوڭعى ءونىمىن ءوندىرۋ (دايىنداۋ) ماقساتىندا ودان ءارى وندىرىستىك وڭدەۋ ءۇشىن پايدالانىلاتىن مەديتسينالىق ماقساتتاعى بۇيىم. 2. مەديتسينالىق ماقساتتاعى بۇيىمدار مەن مەديتسينالىق تەحنيكانى تاڭبالاۋ ءتارتىبى 5. تاڭبالاۋ مەديتسينالىق ماقساتتاعى بۇيىمدار مەن مەديتسينالىق تەحنيكانى ءوندىرۋشى ۇيىم مەديتسينالىق ماقساتتاعى بۇيىمدار مەن مەديتسينالىق تەحنيكانىڭ ءاربىر بىرلىگىنە, قاپتاماسىنا (ىدىسقا), زاتبەلگىگە (جازبا بەلگىلەرگە, تاقتايشاعا) جاسالادى, تۇتىنۋشىعا قاجەتتى جانە دۇرىس اقپارات بەرۋ ءۇشىن قىسقارتىلعان نىساندا, تولىق جازىلادى. 6. مەديتسينالىق ماقساتتاعى بۇيىمداردى جانە مەديتسينالىق تەحنيكانى تاڭبالاۋ مەديتسينالىق ماقساتتاعى بۇيىمدى مەديتسينالىق قولدانۋ جونىندەگى نۇسقاۋلىققا نەمەسە مەديتسينالىق تەحنيكانىڭ پايدالانۋ قۇجاتىنا سايكەس اقپاراتى بار, مەملەكەتتىك تىركەۋ كەزىندە بەكىتىلگەن, ءماتىن, جەكە گرافيكالىق, ءتۇستى بەلگىلەر (شارتتى بەلگىلەر) جانە (نەمەسە) سۋرەتتەر جانە ولاردىڭ كومبيناتسيالارى تۇرىندە تىكەلەي مەديتسينالىق ماقساتتاعى بۇيىمدار مەن مەديتسينالىق تەحنيكاعا, قاپتاماسىنا (ىدىسقا) نەمەسە زاتبەلگىلەرگە, (جاپسىرماعا, تاقتايشاعا) جازىلادى. گرافيكالىق بەلگىلەردى جازۋ كەزىندە مىناداي تالاپتاردى ساقتاۋ قاجەت: بەلگىلەر وڭاي تانىلاتىن جانە تۇسىنىكتى, باسقا بەلگىلەردەن وزگەشە بولۋى ءتيىس; مەديتسينالىق ماقساتتاعى بۇيىمدارعا, مەديتسينالىق تەحنيكاعا جازىلعان بىردەي بەلگىلەر, ولاردىڭ فۋنكتسيالارىنا نەمەسە ماقساتىنا جانە جازىلۋ تۇرىنە قاراماستان بىردەي ماعىنانى بىلدىرەدى; تاڭبالاۋ كەزىندە پايدالانىلاتىن سيمۆولدار مەن بەلگىلەر, مەديتسينالىق ماقساتتاعى بۇيىمداردى مەديتسينالىق قولدانۋ جونىندەگى نۇسقاۋلىقتا جانە مەديتسينالىق تەحنيكانىڭ پايدالانۋ قۇجاتىندا تولىق جازىلادى. 7. تاڭبالاۋ مەديتسينالىق ماقساتتاعى بۇيىمدار مەن مەديتسينالىق تەحنيكانىڭ ءار سەرياسى (پارتياسى) ءۇشىن بىرىڭعاي بولىپ تابىلادى جانە مەملەكەتتىك جانە ورىس تىلدەرىندە كورسەتىلەدى. دارىلىك زاتتار, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى سالاسىنداعى ساراپتاما ۇيىمى نورماتيۆتىك قۇقىقتىق اكتىلەردىڭ مەملەكەتتىك تىزىلىمىندە № 5926 تىركەلگەن قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2009 جىلعى 19 قاراشاداعى № 736 بۇيرىعىمەن بەكىتىلگەن مەديتسينالىق ماقساتتاعى بۇيىمدار مەن مەديتسينالىق تەحنيكاعا ساراپتاما جۇرگىزۋ قاعيدالارىنىڭ 10-بولىمىنە سايكەس ساراپتاما جۇرگىزۋ كەزىندە مەملەكەتتىك جانە ورىس تىلدەرىندەگى ماتىندەردىڭ تەڭ تۇپنۇسقالىعىن جانە مەديتسينالىق ماقساتتاعى بۇيىمدار مەن مەديتسينالىق تەحنيكانىڭ مەديتسينالىق قولدانۋ (ەكسپلۋاتاتسيالاۋ) جونىندەگى نۇسقاۋلىعىنا, سونداي-اق وسى قاعيدالاردىڭ تالاپتارىنا سايكەس كەلۋىن راستايدى. 8. مەديتسينالىق ماقساتتاعى بۇيىم مەن مەديتسينالىق تەحنيكانى تاڭبالاۋ انىق, تۇسىنىكتى, سونداي-اق ورنالاسقان بەتىنىڭ تۇسىنە قاراما-قارسى وزگەشە تۇسپەن ءبولىنۋى نەمەسە ورنالاستىرىلۋى ءتيىس. 9. تاڭبالاۋ مەديتسينالىق ماقساتتاعى بۇيىم مەن مەديتسينالىق تەحنيكانى قولدانۋدىڭ (پايدالانۋدىڭ) جارامدىلىق مەرزىمى اياقتالعانعا دەيىن ساقتالۋى ءتيىس, زاتبەلگىلەردى (جاپسىرمالاردى), جازبا بەلگىلەردى جازۋ جانە دايىنداۋ تاسىلدەرىندە مەديتسينالىق ماقساتتاعى بۇيىم مەن مەديتسينالىق تەحنيكا ەرەكشەلىكتەرىنىڭ ەسكەرىلەدى جانە بەينەلەۋدىڭ قاجەتتى ساپاسى قامتاماسىز ەتىلەدى. 10. مەديتسينالىق ماقساتتاعى بۇيىمدار مەن مەديتسينالىق تەحنيكانى ساقتاۋ, تاسىمالداۋ, وتكىزۋ, پايدالانۋ, كادەگە جاراتۋ (قايتا وڭدەۋ), جويۋ كەزىندەگى قاۋىپسىزدىك تالاپتارى تۇتىنۋشىعا ارنالعان قالعان اقپاراتتان باسقا قارىپپەن, تۇسپەن ءبولىپ كورسەتىلەدى. 11. ەگەر مەديتسينالىق ماقساتتاعى بۇيىمدار مەن مەديتسينالىق تەحنيكا سالىنعان قاپتاما (ىدىس) قوسىمشا قاپتاماعا سالىنسا, ىشكى قاپتاماداعى زاتبەلگى (جاپسىرما) سىرتقى قاپتامانىڭ سىرت جاعىنان وڭاي وقىلۋعا ءتيىس, نەمەسە سىرتقى قاپتاماسىندا ۇقساس زاتبەلگى (جاپسىرما) بولۋى ءتيىس. ەگەر كىشىگىرىم مولشەردەگى (الاڭنىڭ ءبىر جاعى 50 سم2-دەن اسپايتىن) قاپتاماعا (ىدىسقا) زاتبەلگىگە, (جاپسىرماعا), جازبا بەلگىگە تاقتايشاعا تاڭبالاۋدىڭ قاجەتتى ءماتىنىن تولىق جازۋ مۇمكىن بولماسا, وندا تاڭبالاۋدى توپتىق قاپتاماعا (ىدىسقا) ورنالاستىرادى. 12. مەديتسينالىق ماقساتتاعى بۇيىممەن جانە مەديتسينالىق تەحنيكامەن جاناساتىن تاڭبالاۋ قۇرالدارى ولاردى ساقتاۋ, تاسىمالداۋ, وتكىزۋ, پايدالانۋ جانە كليماتتىق فاكتورلار اسەرى كەزىندە جازىلعان اقپاراتتىڭ بەرىكتىگىن قامتاماسىز ەتەدى, ءارى بۇل رەتتە مەديتسينالىق ماقساتتاعى بۇيىم مەن مەديتسينالىق تەحنيكانىڭ قاۋىپسىزدىگى مەن ساپاسىنا اسەر ەتپەۋى ءتيىس. 13. قورشاعان ورتانىڭ بەلسەندى اسەر ەتۋى جاعدايىندا نەمەسە ارنايى جاعدايلاردا (جوعارى نەمەسە تومەن تەمپەراتۋرا, اگرەسسيالىق ورتا جانە باسقا ۇقساس جاعدايلار) قولدانىلاتىن تاڭبالاۋدىڭ ساقتالۋى مىناداي تاسىلدەردىڭ بىرىمەن نەمەسە ولاردىڭ ۇيلەسىمىمەن قامتاماسىز ەتىلەدى: 1) اسەرگە بەرىك (ىلعالعا ءتوزىمدى, تەرموبەرىك) تاسىمالداعىش ماتەريالدى قولدانۋ; 2) ءتيىستى جازۋ ءادىسىن (ويىپ جازۋ, وڭدەۋ) قولدانۋ; 3) اسەرگە ءتوزىمدى قابىقشالاردى ء(تۇسسىز پلەنكا, پاكەت, قوراپ) قولدانۋ. 14. مەديتسينالىق ماقساتتاعى بۇيىمدار مەن مەديتسينالىق تەحنيكانى, قاپتاماعا (ىدىسقا), زاتبەلگىگە (جاپسىرماعا), جازبا بەلگىلەرگە (بيركاعا), تاقتايشاعا تىكەلەي جازىلعان, تۇتىنۋشىعا ارنالعان تاڭبالاۋدا مىناداي دەرەكتەردەن ءتۇرۋىتيىس: 1) مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اتاۋى (زاتبەلگىنىڭ مولشەرى كەمىندە 50 سم2 بولعان جاعدايدا اتاۋى لاتىن ارىپتەرىمەن نەمەسە ءوندىرۋشىنىڭ تىلىندە كورسەتىلۋى مۇمكىن); 2) ءوندىرۋشى-ەلدىڭ اتاۋى; 3) ءوندىرۋشى-ۇيىمنىڭ اتاۋى جانە (نەمەسە) تاۋارلىق بەلگىسى (بار بولسا); 4) مەديتسينالىق ماقساتتاعى بۇيىم مەن مەديتسينالىق تەحنيكا ليتسەنزيا بويىنشا وندىرىلگەن بولسا, ءوندىرۋشى-ۇيىمنىڭ جانە/نەمەسە ليتسەنزيانى يەلەنۋشىنىڭ اتاۋى جانە ورنالاسقان جەرى (زاڭدى مەكەنجايى); 5) مەتريكالىق ولشەۋ جۇيەسىندە (حالىقارالىق بىرلىك جۇيەسىندە) كورسەتىلەتىن نەگىزگى قاسيەتتەرى مەن سيپاتتامالارى: سالماعىن كورسەتۋ (تازا سالماعى, جالپى سالماعى), نەگىزگى مولشەرلەرى, كولەمى مەن قۋاتى; 6) مەديتسينالىق ماقساتتاعى بۇيىم مەن مەديتسينالىق تەحنيكانى سايكەستەندىرۋ ءۇشىن پايدالانۋشىعا قاجەتتى مالىمەتتەر: مۇمكىن بولعان جاعدايدا – مەديتسينالىق ماقساتتاعى بۇيىمدار مەن مەديتسينالىق تەحنيكانى سايكەستەندىرەتىن سكانەرلەۋشى قوندىرعى وقيتىنداي ىڭعايلى جەردە ورنالاستىرىلاتىن شتريح كود; 7) وعان دەيىن مەديتسينالىق ماقساتتاعى بۇيىمدى قاۋىپسىز قولدانۋعا رۇقسات ەتىلەتىن جارامدىلىق مەرزىمى (ايى, جىلى); 8) بەلسەندى مەديتسينالىق تەحنيكانىڭ دايىندالعان جىلى (قازاقستان رەسپۋبليكاسىنىڭ مەملەكەتتىك ستاندارتتارىنا سايكەس). دايىندالعان جىلى پارتيا نومىرىمەن نەمەسە سەريالىق نومىرىمەن بىرگە كورسەتىلۋى مۇمكىن; 9) ساقتاۋدىڭ جانە (نەمەسە) قولدانۋدىڭ (پايدالانۋدىڭ) ەرەكشە شارتتارى: مىسالى, تەمپەراتۋرالىق, جارىق رەجيمىن كورسەتۋ; 10) زارارسىزداندىرۋ تۋرالى نۇسقاۋ (ستەريلدى مەديتسينالىق ماقساتتاعى بۇيىمدار ءۇشىن); 11) سەريا (پارتيا) ءنومىرى جانە/نەمەسە پارتيا كودى جانە/نەمەسە شارتتى بەلگىلەرى; 12) مەديتسينالىق ماقساتتاعى بۇيىمنىڭ, مەديتسينالىق تەحنيكانىڭ ءبىر رەتتىك پايدالانۋعا ارنالعانى تۋرالى مالىمەتتەر, «ءبىر رەتتىك پايدالانۋعا ارنالعان» دەپ كورسەتۋ; 13) تاپسىرىس بويىنشا دايىندالعان مەديتسينالىق ماقساتتاعى بۇيىمدار مەن مەديتسينالىق تەحنيكادا «تاپسىرىس بويىنشا دايىندالعان» دەگەن بەلگى; 14) كلينيكالىق زەرتتەۋلەرگە ارنالعان مەديتسينالىق ماقساتتاعى بۇيىمدار مەن مەديتسينالىق تەحنيكاعا («كلينيكالىق زەرتتەۋلەرگە عانا ارنالعان») نۇسقاۋى; 15) ساقتاۋ, تاسىمالداۋ, وتكىزۋ, پايدالانۋ, قولدانۋ كەزىندە قابىلداۋعا قاجەت قاۋىپسىزدىك شارالارى; 16) شتريح كود جانە تاۋارلىق بەلگى (بار بولسا); 17) ونىڭ نورماتيۆتىك قۇجات (تت; مەمست باسقالارى) تالاپتارىنا مەديتسينالىق ماقساتتاعى بۇيىم سايكەس كەلەدى. 15. مەديتسينالىق ماقساتتاعى بۇيىمدار مەن مەديتسينالىق تەحنيكانىڭ قاپتاماسىنا: 1) گولوگرافيالىق جانە قورعانىش بەلگىلەرىن جازۋعا, تاڭبالاۋ ءماتىنىن برايل ءالىپبيىن (كورۋ مۇمكىندىگى شەكتەۋلى ادامدار ءۇشىن) پايدالانىپ قايتالاۋعا, تۇتىنۋشىعا اقپاراتتى تۇسىندىرۋگە كومەكتەسەتىن سيمۆولداردى نەمەسە پيكتوگراممالاردى ورنالاستىرۋعا; 2) قوسىمشا تاڭبالاۋ ءماتىنىن باسقا تىلدەردە جازۋعا جول بەرىلەدى. 16. مەديتسينالىق ماقساتتاعى بۇيىمدار مەن مەديتسينالىق تەحنيكانىڭ قاپتاماسىنا جارنامالىق سيپاتتاعى مالىمەتتەر جازۋعا جول بەرىلمەيدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 20 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 11088 بولىپ ەنگىزىلدى.