تالدىقورعان گارنيزونىنداعى تەكسەرىس

2016 جىلدىڭ 12 ساۋىرىندە قورعانىس ءمينيسترى يمانعالي تاسماعامبەتوۆتىڭ باسشىلىق ەتۋىمەن تالدىقورعان گار­نيزونىنىڭ بولىمدەرىندە تەكسەرىس باستالدى. ەكى كۇن بويى قورعانىس ۆەدومستۆوسى باسشىسىنىڭ جەتەكشىلىك ەتۋىمەن جاۋىنگەرلىك دايارلىق جوس­پارىن ورىنداۋ جونىندە جۇيەلى جۇمىس ەنگىزىلگەن اسكەرلەردىڭ جاۋىنگەرلىك ازىرلىگىنىڭ ىرگەلى نەگىزدەرى تەكسەرىلدى. بۇل جولى بۇعان ءجىتى نازار اۋدارىلعانىن ەرەكشە اتاپ وتكەن ءجون. سەبەبى, جۇيەلى جۇمىستىڭ ماقساتى اسكەر­لەردىڭ ۇدايى جاۋىنگەرلىك ازىرلىگىن قامتاماسىز ەتۋ, جەكە قۇرامعا تالاپ ەتىلەتىن اسكەري-كاسىبي دايار­لىقتىڭ, سونداي-اق, اسكەردىڭ ارنالۋىنا سايكەس ۇيلەسىمدىلىگى مەن جاۋىنگەرلىك جانە وزگە دە تاپسىرمالاردى ورىنداۋ دەڭگەيىنە قول جەتكىزە وتىرىپ, ءبىر قالىپتا ۇستاپ تۇرۋ جانە جەتىلدىرۋ بولىپ تابىلادى. «قاراپايىمنان – كۇردەلىگە» قاعيداتى جاۋىنگەرلىك دايارلىقتىڭ نەگىزگى باعىتتارىنىڭ ءبىرى بولىپ تابىلادى. اسكەرلەردىڭ ءتا­جىريبەسىندە ونى ىسكە اسىرۋ قۇرىلىمدىق, ۇيىمداستىرۋشىلىق جانە ادىستەمەلىك تۇرعىدا ءۇش ولشەمشارت بويىنشا جۇزەگە اسىرىلۋى ءتيىس», – دەپ اتاپ ءوتتى يمان­عالي تاسماعامبەتوۆ. جۇمىس قورىتىندىسى بويىنشا 18404 اسكەري ءبولىمىنىڭ كومانديرى, پودپولكوۆنيك ج.ەر­مۇحانوۆ, اەروۇتقىر اسكەرلەر­ى­­نىڭ قولباسشىسى, گەنەرال-مايور ا.جۇ­­ماكەەۆ جانە باسقا دا لاۋازىمدى ادامدار تىڭدالدى. تەكسەرۋ اياقتالىسىمەن اسكەر­لەر­دىڭ جاۋىنگەرلىك دايارلىق جۇيەسىن جەتىلدىرۋ جانە اسكەري ءتارتىپتى نىعايتۋ بويىنشا ناقتى تاپسىرمالار بەرىلدى. «ەگەمەن-اقپارات»