«كەڭ دالا» سىيلىعى كىمگە بۇيىرادى؟

كەشە ورتالىق كوممۋنيكاتسيا­لار قىزمەتىنىڭ ءباسپاسوز زالىندا ەلىمىزدىڭ تۋريستىك سالاسىن ودان ءارى دامىتۋعا نەگىزدەلگەن كونكۋرستىڭ باستالۋىنا بايلانىس­تى ءباسپاسوز ءماسليحاتى بولىپ ءوتتى. جيىنعا حالىقارالىق حاتشىلىق «G-Glo­bal» باستىعىنىڭ ورىنباسارى سالتانات راحىمبەكوۆا, قازاقستان تۋريستىك يندۋستريا ۇلتتىق وداعىنىڭ اتقارۋشى ديرەكتورى, حالىقارالىق ۇي­ىم «Expo&Women» اق باس­قار­ماسىنىڭ ءتورايىمى گاۋحار جەڭىسبەك, قازاقستان تۋريستىك ين­دۋستريا ۇلتتىق وداعىنىڭ ءتورايىمى يننا رەي قاتىسىپ, تۋريزم سالاسىندا تۇڭعىش رەت ۇيىمداستىرىلىپ وتىرعان سايىس­تىڭ ءمان-ماڭىزىنا توقتالىپ, تالاپتارىمەن تانىستىرىپ ءوتتى. «تۋريزم – ەكونوميكانىڭ قۇرامداس بولىگى. بۇۇ بۇكىلالەمدىك تۋريستىك ۇيىمىنىڭ مالىمەتى بويىنشا, تۋريزم سالاسى الەمدە جالپى ىشكى ءونىمنىڭ وننان ءبىر بولىگىن قامتاماسىز ەتەدى. قازاقستان تابيعي رەسۋرستارعا باي, حالىقارالىق نارىقتاعى تۋريزم سالاسى جىل سايىن دامىپ كەلە جاتقان مەملەكەت. ءبىزدىڭ بۇل كونكۋرستى وتكىزۋدەگى باستى مىندەتىمىز ءتۋريزمنىڭ دامۋىن ودان ءارى جەتىلدىرۋ, ىسكەر كومپانيالاردى ىزدەۋ جانە جاڭاشا باعدارلامالار باعىتىن قاراستىرۋ بولىپ تابىلادى. جارىسقا قاتىسۋشىلار 12 اتالىم بويىنشا سىنعا تۇسەدى. ولاردىڭ ىشىندە, «وقيعالىق ءتۋريزمنىڭ ۇزدىك جوباسى», «ۇزدىك ۇلتتىق تۋريستىك كومپانيا», «ۇزدىك ايماقتىق تۋريستىك كومپانيا», «ۇزدىك گيد-ساياحاتشى», «ۇزدىك شيپاجاي», «قوناق­ۇي يندۋسترياسىنىڭ ۇزدىك نىسانى», «قازاقستان بويىنشا ساياحاتتاۋدىڭ ۇزدىك باعىتتارى», «ۇزدىك بالالار دەمالىسى», «تۋ­ريس­تەرگە ارنالعان ۇزدىك ينتەرنەت-سەرۆيس», «ءتۋريزمدى بايانداۋ جونىندەگى ۇزدىك بۇقارالىق اقپارات قۇرالى», «تۋريزم بويىنشا ۇزدىك تد جوبا» اتالىمدارى بار», – دەدى قازاقستان تۋريستىك يندۋستريا ۇلتتىق وداعىنىڭ اتقارۋشى ديرەكتورى گاۋحار جەڭىسبەك. سونىمەن قاتار, كونكۋرستىڭ ناتيجەلەرىن ءادىل باعالاۋ ءۇشىن «ساراپتىق كەڭەس» قۇرىلىپ, ونىڭ قۇرامىنا مەملەكەتتىك ورگاندار, قىزمەتكەرلەرى قو­عام قايراتكەرلەرى, تۋريستىك سالا­نىڭ ماماندارى شاقىرىلىپ وتىرعانىن دا ەستەرىڭىزگە سالامىز. ال, جۇزدەن جۇيرىك, مىڭنان تۇلپار شىققان جەڭىمپازعا «كەڭ دالا» ۇلتتىق سىيلىعى بەرىلەتىن بولادى. راۋان قايدار, «ەگەمەن قازاقستان»