ساياساتتانۋدىڭ جاس ساڭلاقتارى

مەكتەپ وقۋشىلارىنىڭ ءى رەسپۋبليكالىق «ءا.بوكەيحان» وليمپياداسىندا انىقتالدى جاقىندا ل.ن.گۋميلەۆ اتىنداعى ەۋرازيا ۇلتتىق ۋنيۆەر­سيتەتىندە ساياساتتانۋ كافەدراسىنىڭ ۇيىمداس­تىرۋىمەن قازاقتىڭ ءبىرتۋار ساياسي قايراتكەرى, ۇلت كوسەمى ءاليحان بوكەيحانوۆتىڭ 150 جىلدىعىنا ارنالعان مەكتەپ وقۋشىلارىنىڭ ساياساتتانۋدان ءبىرىنشى رەس­پۋبليكالىق «ءاليحان بوكەيحان» وليمپياداسى بولىپ ءوتتى. ءاليحان بوكەيحانوۆ تاۋەلسىز قازاق مەملەكەتىن قۇرۋ تۋرالى يدەيالاردىڭ باسىندا تۇرعان, ەڭ العاشقى ءىز سالۋشى بولعان, حح عاسىردىڭ باسىنداعى بۇكىل تۇركى دۇنيەسىندەگى, جالپى, سول عاسىردىڭ باسىنداعى ساياسي-ازاتتىق قوزعا­لىس­تاعى پلانەتارلىق ويلاۋ جۇيە­سى بار, الەمدىك وركەنيەت دەڭ­گەيىندەگى ساياساتكەر, ويشىل, قا­جىر­لى, تاباندى, وسى جولعا بۇكىل ءومىرىن ارناعان, سول جولدا ءومىرىن قۇربان ەتكەن كۇرەسكەر. قازاق حالقىنا العاشقى بولىپ الاش يدەيا­سىن, دەربەس مەملەكەت قۇرۋ, ونىڭ مەملەكەتتىك-ساياسي قۇرىلىسىنىڭ تەوريالىق نەگىزىن قالاپ, قازاق ساياساتتانۋ ءىلى­مىنىڭ العاشقى ءىز سالۋشىسى بول­عان عالىم, ساياساتتانۋشى, ويشىل, مەملەكەت قايراتكەرى. الاش ۇلت-ازاتتىق قوزعالىسىنىڭ نەگىزىن قالاۋشى, يدەولوگى, ساياسي كوسەمى, قازاقتىڭ اۆتونوميالىق الاش مەملەكەتىن قۇرۋشى, ونىڭ باسشىسى ءارى پرەمەر-ءمينيسترى. ولاي بولسا, تاۋەلسىزدىگىمىزدىڭ 25 جىلدىعى قارساڭىندا مەكتەپ وقۋشىلارىنىڭ ءا.بوكەيحانوۆ باستاعان قازاق زيالىلارى مەن سايا­سي ويشىلدارىنىڭ ءىلىمى مەن ءىسىن وقىپ, تانىپ, ول بويىنشا وليم­پياداعا قاتىسۋعا تالاپ جاساۋى – بۇگىنگى جاس ۇرپاقتىڭ دۇنيە تانىمى مەن مۇرات-ماقساتتارىنىڭ كەڭدىگىن, وتانشىلدىعىن, تۋعان ەلىنىڭ, ونىڭ ءبىرتۋار ۇلدارىنىڭ ءومىرى مەن ءىسىن بىلۋگە تالاپتارىنىڭ جارقىن كورىنىسى ەكەندىگى انىق. جاستىقتىڭ وتى جالىنداپ, ءار جۇرەكتە جانعان شاق, تالاپتىڭ اتى ارىنداپ, ءار قيىنعا سالعان شاق, – دەپ اباي كەمەڭگەر ايتقانداي, زور تالاپپەن وليمپياداعا كەلگەن وقۋ­شىلار سانى – 133. ءبىرىنشى وليم­پياداعا قاتىسۋشىلار قام­تىعان جاعراپيا دا ءبىرشاما كەڭ. قىزىلوردا, پاۆلودار, اقتو­بە, اقمولا, اتىراۋ, وڭتۇستىك قا­زاق­ستان وبلىستارىنان جالپى جيىنى 39 تالاپكەر كەلدى. اس­تانا قالاسى مەكتەپتەرىنەن 136 وقۋ­شىنىڭ قاتىسۋى, ءسوز جوق, باسە­كە بارىسىنىڭ قىزىقتى, تار­تىستى بولۋىنا اسەر ەتەتىن شىعار­ماشىلىق احۋالدى ءار قىرلى, ءارى سان-سالالى بيىككە كوتەرەتىن, قۋان­تارلىق جاعداي بولدى. ءسويتىپ, قازاقستاننىڭ تۇكپىر-تۇكپىرىنەن ءوز اتتارىن, ءوز بىلىمدەرىن, مەكتەپ اتتارىن, ۇستاز ەسىمدەرىن رەسپۋبليكاعا پاش ەتەر تاماشا, تالانتتى جاستار جينالدى. قازاقستان رەسپۋبليكاسى پرە­زي­دەنتى جانىنداعى قازاقستان ستراتەگيالىق زەرتتەۋلەر ينستيتۋتى, قازاقستاننىڭ «اق جول» دەمو­كراتيالىق پارتياسى, «ەگەمەن قازاقستان» گازەتى, قازاقستان رەس­پۋبليكاسىنىڭ ۇلتتىق مۋزەيى ءجا­نە ۇلتتىق اكادەميالىق كىتاپ­حانا, استانا قالالىق ءبىلىم باس­قارماسى, «باق وردا» كومپانيا­سى جانە باسقالار وليمپيادا دەمەۋشىلەرى بولعانىن ايتۋ پارىز. قىزىلوردالىق ەركەبۇلان قادىرباي مەن استانالىق جانسايا بولاتبەكوۆا وليمپيادانىڭ جە­ڭىس تۇعىرىنا كوتەرىلدى. تاعى ءبىر استانالىق ماليكا دوس­ما­عامبەتوۆا, پاۆلودارلىق مار­عۇلان جانباۋ, استانالىقتار رابي­عا رامازان مەن ميراس بي­سەم­باي ۇلى ەكىنشى ورىندى يە­لەندى. قىزىلوردالىق ازامات ورا­زاليەۆ, استانالىق نيكيتا كاني­ششەۆ, قىزىلوردالىقتار اي­بوتا باقىتعاني مەن باقتيار وتەۋلى جانە پاۆلودارلىق اقبوتا جان­سۇلتانوۆا, سونداي-اق, استانالىق دانا اۋعانوۆا ءۇشىنشى جۇلدەنى ەنشىلەپ, ساياساتتانۋدىڭ جاس ساڭلاقتارى اتاندى. وليمپياداعا قاتىسۋ­شى­لارعا ەستەلىككە كىتاپتار مەن كا­دەسىيلار تارتۋ ەتىلدى. سونىمەن بىرگە, بەل­گىلى انشىلەر باعدات سامە­دينوۆا, كلارا تولەن­بايقىزى, ايبەك بەك­بوسىن وقۋشى ورەندەر سايىسىنا قولداۋ كورسەتىپ, اسەم اندەرىن سىيلادى. نازار قاسىم