قاراعاندىلىق وقۋشى قىز

بيلل گەيتس گرانتىن جەڭىپ الدى قاراعاندىدا تۇراتىن 17 جاس­تاعى وقۋشى قىز داريا اندرەي­چەنكو بيلل گەيتس گرانتىن جەڭىپ الىپ, الەمدەگى بەدەلدى دەگەن جوعارى وقۋ ورىندارىنىڭ ءبىرى – ديۋك ۋنيۆەرسيتەتىنە (Duke University) ءتۇسۋ مۇمكىندىگىنە يە بولدى. ايتا كەتۋ كەرەك, داريا – Microsoft كوم­پانياسىنىڭ نەگىزىن قالاۋشى بيلل گەيتستىڭ گرانتىنا يە بولعان قازاقستانداعى بىردەن-ءبىر تالاپكەر. قازىر 11-سىنىپتا وقىپ جۇرگەن ول وسىدان ەكى جىل بۇرىن بىزدەگى ۇلتتىق بىرىڭعاي تەستىلەۋدىڭ بالاماسى ىسپەتتى امەريكالىق سات سىنا­عىنا ءوز بەتىنشە دايىندالا باس­تاعان ەكەن. تاباندىلىعى مەن ەڭ­بەكسۇيگىشتىگىنىڭ ارقاسىندا اعىل­شىن تىلىنەن ەمتيحان تاپسىرىپ, ونلاين-سۇحباتتان ءساتتى وتكەن. ەندى, مىنە, الەمدەگى ايگىلى وقۋ ورىن­دا­رىنىڭ بىرىنەن شاقىرتۋ الىپ وتىر. دارىندى قىز داريانىڭ ءوزى اتالعان وقۋ ورنى تۋرالى بىلاي دەيدى: «بۇل ۋنيۆەرسيتەتكە 32 مىڭ تالاپكەردىڭ ىشىنەن تەك باعى جانعان 1700-ءى عانا تۇسە الادى. ال ءدال مەندەگىدەي ستيپەندياعا الەم بويىنشا تەك سەگىز ادام عانا يەلىك ەتەتىن كورىنەدى. ۋنيۆەرسيتەتتەن وقۋعا تۇسكەنىم تۋرالى عانا ەمەس, سونىمەن بىرگە, ستيپەنديا الۋ ءۇشىن اقتىق سىنعا شىققانىم جونىندە دە شاقىرتۋ العانىمدا, ءوز كوزىمە ءوزىم سەنبەدىم. مەن ءتىپتى, ولارعا «بۇل قالجىڭ با؟» دەپ جاۋاپ جازىپ تا جىبەردىم...». ديۋك ۋنيۆەرسيتەتىنىڭ تابال­دىرىعىنان اتتاعالى تۇرسا دا, داريا اندرەيچەنكو ۇلتتىق ءبىر­ىڭ­عاي تەستىلەۋ سىناقتارىنا تىڭ­عىلىقتى تۇردە دايىندالىپ جاتىر ەكەن. ماقساتقا جەتۋ ءۇشىن وزىنە-ءوزى تالاپ قويا ءبىلۋ دارياداي تالانتتى قىزدىڭ ءبىر قىرى بولسا كەرەك. قايرات ءابىلدينوۆ, «ەگەمەن قازاقستان» قاراعاندى