ساياحاتشى ساپار اعا

قازاق دالاسى جايلى دەرەكتى فيلم تۇسىرمەكشى قازاقتىڭ كيەلى توپىراعىندا دۇنيەگە كەلىپ, جەر شارىن شارلاپ ساياحاتشى اتانعان ساپار ىسقا­قوۆتى بىرەۋ بىلسە, بىرەۋ بىلمەس. ول الەمنىڭ 120-دان استام ەلىن ارالاپ شىققان. ساياحات جاساپ, ءار ەلدىڭ ءداستۇرى مەن مادە­نيەتىنە قانىققان. بۇگىندە ساپار ىسقاقوۆ ءتاۋ­ەل­­سىزدىككە تارتۋ جاساۋ ماقسا­تىندا دەرەكتى فيلم توپتاماسىن ءتۇسى­رۋدى قولعا الدى. « ۇلى دالانىڭ ءماڭ­گىلىك ەلى» اتتى تەلەتۋىندى ەلىمىز ەگەمەندىگىنىڭ 25 جىلدىعىنا ارنالادى. فيلم 40-50 بولىمنەن تۇرادى. – ءبىزدىڭ ماقساتىمىز قازاق تۇلپارىنىڭ تۇياعى قاي جەرگە دەيىن جەتكەنىن كورسەتۋ بولىپ وتىر. بۇل – بۇگىنگى ۇرپاققا باتىر بابالارىمىزدىڭ ءجۇرىپ وتكەن جولىن, كۇش-جىگەرى مەن قاجىر-قايراتىن ۇلگى ەتۋ. سونىمەن قاتار, اق نايزانىڭ ۇشىمەن ولار­دىڭ قانداي وركەنيەتتى ەل قۇرعا­نىن ايتۋ, – دەيدى ساپار ىسقاقوۆ. اتالعان جوبادا مەملەكەتتىڭ قۇرىلۋ تاريحى قامتىلادى. ەكس­پەديتسيا بيىلعى ءساۋىر ايىندا باس­تالىپ, وسى جىلدىڭ قارا­شاسىنا دەيىن سوزىلادى. ساپار بارىسىندا ءتۇسىرىلىم توبى رەسەي, موڭعوليا, تۇرىكمەنستان, ازەربايجان, ۋكراي­نا, بولگاريا سەكىلدى بىرنەشە مەملەكەتتى ارالايدى. ايتا كەتەيىك, جوبا اۆتورى بۇل دەرەكتى ءفيلمدى قازاقستان­دىق­تارعا تاۋەلسىزدىكتىڭ 25 جىل­دىعى مەرەكەسى قارساڭىندا كور­سەتۋدى جوس­پارلاپ وتىر. تالعات رايىمبەك, «ەگەمەن قازاقستان»