كوشەت ۇرلاپ دانىككەندەر

شىمكەنتتەگى دەمالىس ورنىنا زيانىن تيگىزدى سوڭعى جىلدارى شىمكەنت قالاسى ادام تانىماستاي وزگەردى. بۇ­رىن دەندروپارككە بارعان ادام يت تۇمسىعى باتپاس تايگاعا كىرىپ كەت­كەندەي بولاتىن ەدى. تۇنگە قالىپ كەتسەڭ, كوزگە تۇرتسە كورگىسىز قاراڭعىلىق قارماپ, شىعار ەسىككە جەتكەنشە يمانىڭ قاسىم بولاتىن. بۇگىندە سول دەندروباق – شىم­كەنتتىكتەر مەن قالا قوناقتارىنىڭ مىڭ كورسە كوزى تويمايتىن قىزىعى. ءارى قاراي «قازىنا» ەتنوكەشەنى ىسكە قوسىلىپ, شىمقالانىڭ شىرايىن اشقان. الايدا, ادامداردىڭ ءبارى بىردەي ەمەس. ەل يگىلىگى ءۇشىن ەگىلگەن ساندىك كوشەتتەردى ايسىز تۇندە جورتاتىن قورقاۋلار قازىپ اكەتىپ جاتىر. «قازىنا» ەتنوكەشەنى قالانىڭ كوركى ەدى. تەك وسى جەردىڭ وزىنەن قۇنى 240 مىڭ تەڭگە تۇراتىن ءتورت ارشا ۇرلانعان. ءار ارشانىڭ قۇنى 60 مىڭ تەڭگە ەكەندىگىن ەسكەرسەڭىز, كوشەت­تەردى ۇرلاپ جۇرگەندەر – كول­دەنەڭ كوك اتتى ەمەس, باعاسىن بىلەتىندەر. «جەڭىس» ساياباعىندا دا ءبىرتالاي كوشەت ءتۇپ-تامىرىمەن قازىلىپ الىنعان. شىمكەنت قالالىق تۇكش ءبولىمى باسشىسىنىڭ مىندەتىن اتقا­رۋشى نۇرلان بەكتۇرعانوۆ بۇگىنگە دەيىن كەلتىرىلگەن شىعىننىڭ 400 مىڭ تەڭگەدەن اسقاندىعىن ايتادى. قازىر وڭتۇستىك قازاقستان وبلىستىق ىشكى ىستەر دەپارتامەنتىنىڭ پوليتسەيلەرى قىلمىستىق كودەكستىڭ 188-بابى بو­يىنشا قىلمىستىق ءىس قوزعادى. مەم­لەكەت مۇلكىنە قاراۋلىق جاساعان كور­تىشقانداردىڭ ىنىنە سۋ قۇيىپ, ەل-جۇرتقا ماسقارالاماسا, وڭاي ولجاعا دانىككەندەر نيەتىنەن تايىناتىن ەمەس. باقتيار تايجان, «ەگەمەن قازاقستان»