بانكوماتتان اقشا الۋ

ەندى كارتوچكاسىز دا جۇزەگە اسادى بانكوماتتان قولما-قول اقشانى پلاستيكالىق كارتاسىز-اق الا بەرۋگە بولاتىن كەز كەلدى. ول ءۇشىن قولىڭىزدا سمارتفونىڭىز بولسا جەتكىلىكتى. بۇل – ەلىمىزدەگى جيناق بانكىنىڭ قازاقستاندىقتارعا ۇسىنىپ وتىرعان تەڭدەسسىز قىزمەت ءتۇرى. «جيناق بانكى ونلاين» جاڭا سەرۆيسى بانك كارتاسى جوق, الايدا, قولما-قول اقشانى قاجەت ەتەتىن جاندارعا ۇلكەن كومەك. – اتالعان قىزمەت ءتۇرى ىسكە قوسىلعاننان بەرى بانك كليەنتتەر اراسىندا كەڭىنەن تانىمال بولدى. ەكى اي ىشىندە كارتانىڭ كومەگىنسىز 50 ميلليونعا جۋىق قارجى الىندى, – دەيدى «جيناق بانكى» اكتسيونەرلىك قوعامىنىڭ بولشەك بيزنەسى جونىندەگى باسقارما توراعاسىنىڭ ورىنباسارى اندرەي تيمچەنكو. بانكوماتتان پلاس­تي­كالىق كارتانىڭ كو­مەگىنسىز اقشا الۋ ءۇشىن ەكى تالاپ ورىندالۋى كەرەك. ءبىرىنشى – «جيناق بانكى ونلاين» جۇيەسىنەن تسيفرلىق كود الىپ, اقشانى الا بەرۋگە بولادى. ول ءۇشىن ونلاين جۇيەنىڭ ءموبيلدى پاراقشاسىنا نەمەسە ونىڭ web-نۇسقاسىنا ەنىپ, قولجەتىمدى وپەراتسيا­لار تىزىمىنەن «كارتاسىز قولما-قول اقشا الۋ» اتتى بەل­گىنى تاڭداۋ كەرەك. وندا اقشانىڭ سوماسى كەمىندە 1000 تەڭگەگە تەڭ بولعانى دۇرىس. مۇنان سوڭ كليەنت تسيفرلىق كودتىڭ ءبىرىنشى بولىگىن الادى. ەكىنشى بولىكتى الۋ ءۇشىن ۇيالى تەلەفون ءنومىرىن ەنگىزگەن ءجون. وسى نومىرگە كود جازىلعان سمس-حابارلاما كەلەدى. وسىلايشا بانك وپەراتسياسىن رەت-رەتىمەن ءجۇر­گىزىپ, سوڭىندا قولما-قول اقشاعا قول جەتكىزەسىز. ايتپاقشى, قۇپيا ءسوز 24 ساعاتقا دەيىن قولجەتىمدى بولادى, ال اقشا كارتاعا قايتارىلادى. تالعات رايىمبەك, «ەگەمەن قازاقستان»