فۋتبولدان قازاقستان پرەمەر-ليگاسىنىڭ 5-تۋرى ءوتتى

استانا. 13 ءساۋىر. بۇگىن فۋتبولدان قازاقستان پرەمەر-ليگاسىنىڭ 5-تۋرى ءوتتى. بۇل تۋرالى egemen.kz ءتىلشىسى حابارلادى. وسى تۋردا «استانا» كلۋبى تاعى دا جەڭىسكە جەتتى. استانالىقتار سىرت الاڭدا تالدىقورعاننىڭ «جەتىسۋ «كومانداسىمەن كەزدەسىپ, 1:0 ەسەبىمەن ۇتتى. ءسويتىپ, تۋرنير كەستەسىندە كوش باستاپ كەلە جاتقان «استانا» ءۇش ۇپاي جيناپ, ورنىن مىقتاپ الدى. پرەمەر-ليگاعا ءبىرىنشى ليگادان كەلگەن «اقجايىق» كومانداسى دا سىرت الاڭدا جەڭىستى تويلاپ ورالعا قايتىپ كەتتى. ولار «تارازدىڭ» قاقپاسىنىڭ تورىنا ءبىر گولدى توعىتتى. «اقجايىق» 4-تۋردا «وقجەتپەستەن» ءوز الاڭىندا وڭباي جەڭىلگەن بولاتىن. سول جولى كەتكەن ەسەنى تارازدا قايتارۋعا بار كۇش-جىگەرىن سالىپ, دىتتەگەن ماقساتىنا جەتتى. «جەتىسۋ» (تالدىقورعان) – «استانا» (استانا) 0:1 (0:0) گول: يۋري لوگۆينەنكو 77 «تاراز» (تاراز) – «اقجايىق» (ورال) 0:1 (0:0) گول: قۋانىش بەگالين 80 سول سياقتى بۇگىن الماتى, كوكشەتاۋ, قوستاناي, پاۆلودار قالالارىندا كوكمايسا الاڭعا شىققان كوماندالاردىڭ ويىندارى قىزىقتى دا تارتىستى ءوتتى. بۇل ماتچتار مىناداي ەسەپپەن اياقتالدى: «توبىل» (قوستاناي) – «اقتوبە» (اقتوبە) 1:2 (1:1) گولدار: كونستانتين دۋدچەنكو 6 – اسلانبەك كاكىموۆ 21, نيكيتا بوچاروۆ 70 «وقجەتپەس» (كوكشەتاۋ) – «اتىراۋ» (اتىراۋ) 2:0 (1:0) گولدار: مارات حايرۋللين 43, جاسۇلان مولداقاراەۆ 59 «ەرتىس» (پاۆلودار) – «ورداباسى» (شىمكەنت) 2:0 (0:0) گولدار: رومان مۇرتازاەۆ 63, گوگيتا گوگۋا 73 «قايرات» (الماتى) – «شاحتەر» (قاراعاندى) 0:0 داستان كەنجالين. دەرەك, فوتو: egemen.kz.