الماتى. 13 ءساۋىر. الماتىدا دۇنيەجۇزىلىك دەنساۋلىق ساقتاۋ كۇنى كەڭ اۋقىمدا اتالىپ ءوتتى. بۇل تۋرالى egemen.kz ءتىلشىسى حابارلادى.
وسى اپتادا الماتى قالاسى دەنساۋلىق ساقتاۋ باسقارماسى قالالىق اكىمدىكتىڭ قولداۋىمەن الماتى قالالىق سالاۋاتتى ءومىر سالتى ورتالىعىمەن بىرىگە وتىرىپ, دۇنيەجۇزىلىك دەنساۋلىق كۇنىنە ارنالعان اۋقىمدى اكتسيا وتكىزدى.
بيىلعى اكتسيا ءار ادامنىڭ ءوز دەنساۋلىعىنا دەگەن جاۋاپكەرشىلىگىن ارتتىرۋدى ناسيحاتتاي وتىرىپ, تۇرعىندار اراسىندا زيكا ۆيرۋسى تۋرالى اقپاراتتاندىرۋدى كوزدەدى.
دۇنيەجۇزىلىك دەنساۋلىق ساقتاۋ ۇيىمى, زيكا بەزگەگىن تۋدىراتىن ۆيرۋستى حالىقارالىق دەڭگەيدەگى قاتەر دەپ تاۋىپ وتىرعانى بەلگىلى. بۇل تۋرالى جەنەۆاداعى توتەنشە جاعدايلار كوميتەتىنىڭ جيىنىندا حابارلانعان.
بۇل باستامانىڭ جاستار ءۇشىن دە, قالالىقتار ءۇشىن دە پايداسى كوپ بولدى. ادەتتەگىدەي تەگىن قىزمەت كورسەتەتىن, ۇزدىك دارىگەرلەردەن تۇراتىن «دەنساۋلىق قالاشىعى» جۇمىس ىستەدى. قاجەت دەپ تاپقاندارعا كارديولوگ, ەندوكرينولوگ, پۋلمانولوگ, اللەرگولوگ, گەرياتر, گاستروەنتەرولوگ, نەۆروپاتولوگ, دەرماتولوگ, رەۆماتولوگ, فتيزياتر, نەفرولوگ, ونكولوگ, تەراپەۆت, پسيحياتور, قانداعى قانت جانە حولەستەرين بەلگىلەۋ سىندى مامانداردىڭ قىزمەتى تەگىن ۇسىنىلدى.
سونداي-اق, اكتسيادا تانىمال سپورتشىلار ءسوز الىپ, جاستاردى سپورتقا ۇندەپ, ەسترادا جۇلدىزدارى ونەر كورسەتتى.
ايناش ەسالي.
دەرەك, سۋرەت: egemen.kz.
