پاۆلودار قالاسىنا جاڭا اكىم تاعايىندالدى

استانا. 13 ءساۋىر. وبلىس اكىمى بولات باقاۋوۆتىڭ وكىمىمەن جانە ءماسليحات دەپۋتاتتارىنىڭ كەلىسىمىمەن نۇرجان اشىمبەتوۆ پاۆلودار قالاسىنىڭ اكىمى بولىپ تاعايىندالدى. بۇل تۋرالى NewTimes.kz-كە سىلتەمە جاساعان egemen.kz ءتىلشىسى حابارلادى. نۇرجان اشىمبەتوۆ بۇعان دەيىن وبلىس اكىمىنىڭ اۋىل شارۋاشىلىعى ماسەلەلەرى جونىندەگى ورىنباسارى قىزمەتىن اتقارعان. ول 1969 جىلى پاۆلودار وبلىسى لەبياجى اۋدانى چەرنوە اۋىلىندا تۋعان. زووينجەنەر ماماندىعى بويىنشا الماتى زووۆەتەرينارلىق ينستيتۋتىن جانە بۋحگالتەر-ەكونوميست ماماندىعى بويىنشا الماتى ەكونوميكا جانە ستاتيستيكا ينستيتۋتىن بىتىرگەن. ەڭبەك جولىن مەملەكەتتىك م ۇلىك جونىندەگى پاۆلودار اۋماقتىق كوميتەتىنىڭ مامانى بولىپ باستاپ, كەيىن حالىقارالىق دامۋ جونىندەگى امەريكالىق اگەنتتىككە قاراستى «كارانا» كورپوراتسياسىنىڭ كەڭەسشىسى قىزمەتىن اتقارادى. 1997-1999 جىلدار ارالىعىندا – لەبياجى اۋدانىنداعى وندىرىستىك كووپەراتيۆ توراعاسى, اگروفيرما ديرەكتورى بولعان. 1999-2008 جىلدار ارالىعىندا – اقتوعاي اۋدانى اكىمىنىڭ ورىنباسارى, لەبياجى اۋدانىنىڭ اكىمى, پاۆلودار وبلىسى اۋىل شارۋاشىلىق باسقارماسىنىڭ باستىعى. 2008-2009 جىلدارى – پرەزيدەنت اكىمشىلىگىنىڭ مەملەكەتتىك ينسپەكتورى, 2009-2012 جىلدارى پەتروپاۆل قالاسىنىڭ اكىمى قىزمەتىن اتقارعان. 2012 جىلعى 1 اقپاندا پاۆلودار وبلىس اكىمىنىڭ اۋىل شارۋاشىلىعى جونىندەگى ورىنباسارى بولىپ تاعايىندالعان. تالعات رايىمبەك. دەرەك, فوتو: NewTimes.kz.