قازاقستان رەسپۋبليكاسى باس پروكۋراتۋراسىنىڭ بۇيرىعى  №108 

2015 جىلعى 8 قىركۇيەك, استانا قالاسى قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسىن بەكىتۋ تۋرالى «پروكۋراتۋرا تۋرالى» قازاقستان رەسپۋبليكاسى زاڭىنىڭ 11-بابىنىڭ 4) تارماقشاسىنا سايكەس, قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى № 327 جارلىعىمەن بەكىتىلگەن مەملەكەتتىك اكىمشىلىك قىزمەتشىلەردىڭ قىزمەتىن جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيداسىنىڭ 27-تارماعىنا, سايكەس, بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسى بەكىتىلسىن. 2. «قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسىن بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2014 جىلعى 17 قاراشاداعى № 136 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ رەەسترىندە № 9977 نومىرمەن تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 3 ماۋسىمدا جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتى وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى جانە ونى مەرزىمدى باسىلىمدار مەن «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جولداۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى باس پروكۋراتۋراسىنىڭ كادر جۇمىسى دەپارتامەنتىنە جۇكتەلسىن. 5. وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ قازاقستان رەسپۋبليكاسى باس پروكۋرورىنىڭ 2015 جىلعى 8 قىركۇيەكتەگى №108 بۇيرىعىمەن بەكىتىلگەن قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ادىستەمەسى 1. جالپى ەرەجەلەر 1. قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسى (ودان ءارى - ادىستەمە) «مەملەكەتتىك اكىمشىلىك قىزمەتشىلەردىڭ قىزمەتىن جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيداسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى № 327 جارلىعىن ىسكە اسىرۋ ماقساتىندا ازىرلەندى جانە قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ مەملەكەتتىك اكىمشىلىك قىزمەتشىلەرىنىڭ (ودان ءارى - قىزمەتشىلەر) قىزمەتىن جىل سايىنعى باعالاۋدىڭ ادىستەمەسىن ايقىندايدى. 2. قىزمەتشىلەردىڭ قىزمەتىن جىل سايىنعى باعالاۋ (ودان ءارى - باعالاۋ) ولاردىڭ جۇمىس تيىمدىلىگى مەن ساپاسىن ايقىنداۋ ءۇشىن جۇرگىزىلەدى. 3. باعالاۋ مەملەكەتتىك اكىمشىلىك قىزمەتتە بولعان ءاربىر جىل وتكەن سايىن, كورسەتىلگەن مەرزىم باستالعان كۇننەن باستاپ ءۇش ايدان كەشىكتىرىلمەي, بىراق وسى لاۋازىمعا ورنالاسقان كۇننەن باستاپ التى ايدان ەرتە ەمەس مەرزiمدە جۇرگىزىلەدى. 4. قىزمەتشىلەردى باعالاۋ مىنالاردان: قىزمەتشىنىڭ تىكەلەي باسشىسىنىڭ باعالاۋىنان; اينالمالى باعالاۋدان (قىزمەتشىنىڭ قاراماعىنداعى نەمەسە ولاردىڭ ارىپتەستەرىنىڭ باعالاۋى) تۇرادى. قىزمەتشىنىڭ تىكەلەي باسشىسى ونىڭ لاۋازىمدىق نۇسقاۋلىعىنا سايكەس ءوزى باعىناتىن تۇلعا بولىپ تابىلادى. 5. باعالاۋ ناتيجەلەرى بويىنشا قىزمەتشىلەر قىزمەتىندەگى كەمشىلىكتەردى جويۋ جونىندە ۇسىنىستار ازىرلەنەدى, ولاردىڭ قىزمەتىندەگى جاقسارتۋدى قاجەت ەتەتىن باعىتتار ايقىندالادى, تاعىلىمدامادان وتكىزۋ, ىلگەرىلەتۋ بويىنشا ۇسىنىستار ازىرلەنەدى. 6. قىزمەتشىنىڭ سوڭعى ءۇش جىل بويى ەكى رەت «قاناعاتتانارلىقسىز» دەگەن باعا الۋى, ونى اتتەستاتتاۋدان وتكىزۋگە نەگىز بولىپ تابىلادى. اتتەستاتتاۋدان وتكىزۋ تۋرالى شەشىم قابىلداۋ كەزىندە الدىڭعى اتتەستاتتاۋدان وتكىزۋگە نەگىز بولعان باعالاۋ ناتيجەلەرى ەسكەرىلمەيدى. 7. «قاناعاتتانارلىقسىز» دەگەن باعا العان قىزمەتشى مەملەكەتتىك اكىمشىلىك قىزمەتكە العاشقى رەت قابىلدانعان ادامدارعا تالىمگەر بولىپ بەكىتىلمەيدى. 8. قىزمەتشىنىڭ قورىتىندى باعاسىن تۇراقتى جۇمىس ىستەيتىن باعالاۋ جونىندەگى كوميسسيا (ودان ءارى - كوميسسيا) بەكىتەدى, ونى قىزمەتشىنى لاۋازىمعا تاعايىنداۋ جانە لاۋازىمنان بوساتۋ قۇقىعى بار ادام قۇرادى. 9. كوميسسيا كەمىندە ءۇش مۇشەدەن, سونىڭ ىشىندە توراعادان تۇرادى. 10. داۋىس بەرۋ قورىتىندىسى كوميسسيا مۇشەلەرىنىڭ كوپشىلىك داۋىسىمەن ايقىندالادى. داۋىس سانى تەڭ بولعان كەزدە كوميسسيا توراعاسىنىڭ داۋىسى شەشۋشى بولىپ تابىلادى. مىنالار: باس پروكۋراتۋرادا - باس پروكۋرور اپپاراتىنىڭ باسشىسى; پروكۋراتۋرا ورگاندارى, ۆەدومستۆولارى مەن مەكەمەلەرىندە – پروكۋراتۋرا ورگاندارى, ۆەدومستۆولارى نەمەسە مەكەمەلەرىنىڭ ءتيىستى ۋاكىلەتتى باسشىسىنىڭ ورىنباسارلارىنىڭ ءبىرى كوميسسيا توراعاسى بولىپ تابىلادى. قازاقستان رەسپۋبليكاسى باس پروكۋراتۋراسىنىڭ, پروكۋراتۋرا ورگاندارى, ۆەدومستۆولارى نەمەسە مەكەمەلەرىنىڭ كادر جۇمىسى بولىمشەلەرىنىڭ (ودان ءارى – كادر جۇمىسى بولىمشەسى) قىزمەتكەرى كوميسسيا حاتشىسى بولىپ تابىلادى. كوميسسيا حاتشىسى داۋىس بەرۋگە قاتىسپايدى. ەگەر كوميسسيا قۇرامىنا وزىنە قاتىستى باعالاۋ جۇرگىزىلەتىن قىزمەتشىنىڭ تىكەلەي باسشىسى, سونداي-اق وسى ادىستەمەنىڭ 4-تارماعىنىڭ 2) تارماقشاسىندا كورسەتىلگەن قىزمەتشىلەر كىرەتىن بولسا, ولار وسى قىزمەتشىگە قاتىستى داۋىس بەرۋگە جانە شەشىم قابىلداۋعا قاتىسپايدى. 2. باعالاۋ جۇرگىزۋگە دايىندىق 11. كادر جۇمىسى بولىمشەسى كوميسسيا توراعاسىنىڭ كەلىسىمى بويىنشا باعالاۋدى وتكىزۋ كەستەسىن ازىرلەيدى. كادر جۇمىسى بولىمشەسى باعالاناتىن قىزمەتشىگە, سونداي-اق وسى ادىستەمەنىڭ 4-تارماعىندا كورسەتىلگەن تۇلعالارعا باعالاۋ وتكىزۋگە دەيىن ءبىر اي بۇرىن باعالاۋ جۇرگىزىلەتىنى تۋرالى حابارلايدى جانە ولارعا تولتىرۋ ءۇشىن باعالاۋ پاراعىن جىبەرەدى. 3. تىكەلەي باسشىنىڭ باعالاۋى 12. قىزمەتشىنىڭ تىكەلەي باسشىسى وسى ادىستەمەنىڭ 1-قوسىمشاسىنا سايكەس نىسان بويىنشا تىكەلەي باسشىنىڭ باعالاۋ پاراعىن (ودان ءارى - باعالاۋ پاراعى) كادر جۇمىسى بولىمشەسىنەن العان كۇننەن باستاپ ءۇش جۇمىس كۇنى ىشىندە تولتىرادى, قىزمەتشىنى تولتىرعان باعالاۋ پاراعىمەن تانىستىرادى جانە ەكى جۇمىس كۇنى ىشىندە تولتىرعان باعالاۋ پاراعىن كادر جۇمىسى بولىمشەسىنە قايتارادى. قىزمەتشىنى تولتىرعان باعالاۋ پاراعىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى. قىزمەتشىنىڭ تانىسۋدان باس تارتۋى قۇجاتتاردى كوميسسيا وتىرىسىنا جىبەرۋگە كەدەرگى بولمايدى. بۇل جاعدايدا كادر جۇمىسى بولىمشەسىنىڭ قىزمەتكەرi جانە تىكەلەي باسشى تانىسۋدان باس تارتۋ تۋرالى ەركىن نۇسقادا اكتى جاسايدى. 4. اينالمالى باعالاۋ 13. اينالمالى باعالاۋ قىزمەتشىنىڭ قاراماعىنداعى ادامداردىڭ, ال قاراماعىنداعى ادامدار بولماعان جاعدايدا – قىزمەتشى جۇمىس ىستەيتىن قۇرىلىمدىق بولىمشەدە لاۋازىمدى اتقاراتىن ادامنىڭ (ولار بولعان جاعدايدا) باعالاۋىن بىلدىرەدى. مۇنداي ادامداردىڭ ءتىزىمىن ء(ۇش ادامنان اسپايتىن) قىزمەتشىنىڭ لاۋازىمدىق مىندەتتەرى جانە قىزمەتتىك ءوزارا ارەكەتتەستىگىنە قاراي كادر جۇمىسى بولىمشەسى باعالاۋ جۇرگىزىلگەنگە دەيىن ءبىر ايدان كەشىكتىرمەي انىقتايدى. 14. وسى ادىستەمەنىڭ 13-تارماعىندا كورسەتىلگەن تۇلعالار وسى ادىستەمەنىڭ 2-قوسىمشاسىنا سايكەس نىساندا اينالمالى باعالاۋ پاراعىن تولتىرادى. 15. وسى ادىستەمەنىڭ 13-تارماعىندا كورسەتىلگەن تۇلعالارمەن تولتىرىلعان باعالاۋ پاراعى كادر جۇمىسى بولىمشەسىنەن ولاردى العان كۇننەن ەكى جۇمىس كۇنى ىشىندە كادر جۇمىسى بولىمشەسىنە جىبەرىلەدى. 16. كادر جۇمىسى بولىمشەسى وسى ادىستەمەنىڭ 13-تارماعىندا كورسەتىلگەن تۇلعالاردىڭ باعالاۋىنىڭ ورتاشا ەسەبىن جۇرگىزەدى. 17. وسى ادىستەمەنىڭ 13-تارماعىندا كورسەتىلگەن تۇلعالاردىڭ باعالاۋى جاسىرىن تۇردە جۇرگىزىلەدى. 5. قىزمەتشىنىڭ قورىتىندى باعاسى 18. كادر جۇمىسى بولىمشەسى قىزمەتشىنىڭ قورىتىندى باعاسىن مىنا فورمۋلا بويىنشا كوميسسيا وتىرىسىنا دەيىن بەس جۇمىس كۇنىنەن كەشىكتىرمەي ەسەپتەيدى: a = b + c مۇنداعى, a – قىزمەتشىنىڭ قورىتىندى باعاسى, b – تىكەلەي باسشىنىڭ باعاسى, c – وسى ادىستەمەنىڭ 13-تارماعىندا كورسەتىلگەن تۇلعالاردىڭ ورتا باعاسى. 19. قورىتىندى باعا مىنا شكالا بويىنشا قويىلادى: 21 باللدان تومەن – «قاناعاتتانارلىقسىز», 21-دان 33 بالعا دەيىن – «قاناعاتتانارلىق», 33 باللدان جوعارى – «ءتيىمدى». 6. كوميسسيانىڭ باعالاۋ ناتيجەلەرىن قاراۋى 20. كادر جۇمىسى بولىمشەسى وسى ادىستەمەنىڭ 11-تارماعىندا كورسەتىلگەن كەستەگە سايكەس باعالاۋ ناتيجەلەرىن قاراۋ بويىنشا كوميسسيانىڭ وتىرىسىن وتكىزۋدى قامتاماسىز ەتەدى. كادر جۇمىسى بولىمشەسى كوميسسيانىڭ وتىرىسىنا مىنا قۇجاتتاردى: 1) تولتىرىلعان تىكەلەي باسشىنىڭ باعالاۋ پاراعىن; 2) تولتىرىلعان اينالمالى باعالاۋ پاراعىن; 3) قىزمەتشىنىڭ لاۋازىمدىق نۇسقاۋلىعىن; 4) وسى ادىستەمەنىڭ 3-قوسىمشاسىنا سايكەس نىسان بويىنشا قورىتىندى باعا كورسەتىلگەن كوميسسيا وتىرىسى حاتتاماسىنىڭ جوباسىن تاپسىرادى. 21. كوميسسيا باعالاۋ ناتيجەلەرىن قاراستىرادى جانە مىنا شەشىمدەردىڭ ءبىرىن شىعارادى: 1) باعالاۋ ناتيجەلەرىن بەكىتەدى; 2) باعالاۋ ناتيجەلەرىن قايتا قارايدى. باعالاۋ ناتيجەلەرىن قايتا قاراۋ تۋرالى شەشىم قابىلداعان جاعدايدا كوميسسيا حاتتامادا ءتيىستى قىسقاشا تۇسىندىرمەمەن مىناداي جاعدايلاردا باعانى تۇزەتەدى: 1) ەگەر قىزمەتشىنىڭ جۇمىسىنىڭ تيىمدىلىگى باعالاۋ ناتيجەسىنەن اسىپ تۇسسە, بۇل رەتتە قىزمەتشىنىڭ جۇمىسىنىڭ ناتيجەسىن دالەلدەيتىن قۇجاتتار قوسا تىركەلەدى; 2) قىزمەتشىنى باعالاۋ ناتيجەسىن ەسەپتەۋ كەزىندە كادر جۇمىسى بولىمشەسىمەن قاتەلىك جىبەرىلگەن كەزدە. بۇل رەتتە قىزمەتشىنىڭ باعاسىن تومەندەتۋگە جول بەرىلمەيدى. 22. كادر جۇمىسى بولىمشەسى باعالاۋ ناتيجەلەرىمەن ول اياقتالعان سوڭ بەس جۇمىس كۇنى ىشىندە قىزمەتشىنى تانىستىرادى. قىزمەتشىنى باعالاۋ ناتيجەلەرىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى. قىزمەتشىنىڭ تانىسۋدان باس تارتۋى باعالاۋ ناتيجەلەرىن ونىڭ قىزمەتتىك تىزىمىنە ەنگىزۋگە كەدەرگى بولمايدى. بۇل جاعدايدا كادر جۇمىسى بولىمشەسىنiڭ قىزمەتكەرi تانىسۋدان باس تارتۋ تۋرالى ەركىن نۇسقادا اكت جاسايدى. 23. وسى ادىستەمەنىڭ 20-تارماعىندا كورسەتىلگەن قۇجاتتار, سونداي-اق كوميسسيا وتىرىسىنىڭ قول قويىلعان حاتتاماسى كادر جۇمىسى بولىمشەسىندە ساقتالادى. 7. باعالاۋ ناتيجەلەرىنە شاعىمدانۋ 24. كوميسسيا شەشىمىنە قىزمەتشىنىڭ مەملەكەتتىك قىزمەت ىستەرى جونىندەگى ۋاكىلەتتى ورگانعا نەمەسە ونىڭ اۋماقتىق دەپارتامەنتىنە شاعىمدانۋى شەشىم شىققان كۇننەن باستاپ ون جۇمىس كۇنى ىشىندە جۇزەگە اسىرىلادى. 25. مەملەكەتتىك قىزمەت ىستەرى جونىندەگى ۋاكىلەتتى ورگان نەمەسە ونىڭ اۋماقتىق دەپارتامەنتى قىزمەتشىدەن شاعىم تۇسكەن كۇنىنەن باستاپ ون جۇمىس كۇنى ىشىندە شاعىمدى قارايدى جانە بۇزۋشىلىقتار انىقتالعان جاعدايدا, قازاقستان رەسپۋبليكاسىنىڭ پروكۋراتۋرا ورگانىنا, ۆەدومستۆوسى مەن مەكەمەسىنە كوميسسيا شەشىمىنىڭ كۇشىن جويۋ تۋرالى ۇسىنىس جاسايدى. 26. قابىلدانعان شەشىم تۋرالى اقپاراتتى قازاقستان رەسپۋبليكاسىنىڭ پروكۋراتۋرا ورگانى, ۆەدومستۆوسى مەن مەكەمەسى ەكى اپتا ىشىندە مەملەكەتتىك قىزمەت ىستەرى جونىندەگى ۋاكىلەتتى ورگانعا نەمەسە ونىڭ اۋماقتىق دەپارتامەنتىنە بەرەدى. قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 1-قوسىمشاسى نىسان تىكەلەي باسشىسىنىڭ باعالاۋ پاراعى باعالاناتىن قىزمەتشىنىڭ ت.ا.ءا. (ەگەر بولسا):_____________________ باعالاناتىن قىزمەتشىنىڭ لاۋازىمى: _____________________________ № ر/ن ولشەم كورسەتكىشتىڭ ءمانى باعا (بالل) 1. باستاماشىلىعى 2-دەن 5-كە دەيىن 2. لاۋازىمدىق مىندەتتەرىن ورىنداۋ ساپاسى 2-دەن 8-گە دەيىن 3. ارەكەتتەستىككە يكەمدىلىگى 2-دەن 5-كە دەيىن 4. قىزمەتتىك ەتيكانى ساقتاۋى 2-دەن 5-كە دەيىن بارلىعى (بارلىق باعالاردىڭ باعاسى): تانىستىم: قىزمەتشى ت.ا.ءا. (ەگەر بولسا) ______________________ كۇنى ____________________ قولى ___________________ تىكەلەي باسشى اتى-ءجونى (ەگەر بولسا) ________________________________ كۇنى_____________________________ قولى ___________________________ قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 2-قوسىمشاسى نىسان اينالمالى باعالاۋ پاراعى باعالاناتىن قىزمەتشىنىڭ ت.ا.ءا. (ەگەر بولسا): _____________________ باعالاناتىن قىزمەتشىنىڭ لاۋازىمى: _______________________________ № ر/ن ولشەم كورسەتكىشتىڭ ءمانى باعا (بالل) باعىنىشتى ادام 1. جۇمىستى جوسپارلاي الۋ قابىلەتى 2-دەن 5-كە دەيىن 2. جۇمىسقا ىنتالاندىرۋ قابىلەتى 2-دەن 5-كە دەيىن 3. قىزمەتتىك ەتيكانى ساقتاۋى 2-دەن 5-كە دەيىن بارلىعى (بارلىق باعالاردىڭ باعاسى) ارىپتەسى 1. توپتا جۇمىس ىستەي الۋ قابىلەتى 2-دەن 5-كە دەيىن 2. قىزمەتتىك ەتيكانى ساقتاۋى 2-دەن 5-كە دەيىن 3. لاۋازىمدىق مىندەتتەرىن ورىنداۋ ساپاسى 2-دەن 5-كە دەيىن بارلىعى (بارلىق باعالاردىڭ باعاسى) قازاقستان رەسپۋبليكاسىنىڭ پروكۋراتۋرا ورگاندارى, ۆەدومستۆولارى مەن مەكەمەلەرىنىڭ «ب» كورپۋسىنداعى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ وسى ادىستەمەسىنىڭ 3-قوسىمشاسى نىسان باعالاۋ جونىندەگى كوميسسيا وتىرىسىنىڭ حاتتاماسى ________________________________________________________________________________________ (قازاقستان رەسپۋبليكاسى پروكۋراتۋرا ورگانى, ۆەدومستۆوسى مەن مەكەمەسىنىڭ اتاۋى) № ر/ن قىزمەتشىنىڭ ت.ا.ءا. (ەگەر بولسا) تىكەلەي باسشىسىنىڭ باعاسى اينالمالى باعا قورىتىندى باعا 1 … كوميسسيانىڭ قورىتىندىسى: __________________________________________________________________________________________________________________________________________________________________________________________________ تەكسەرىلدى: كوميسسيانىڭ حاتشىسى:________________________ كۇنى: ________________ (ت.ا.ءا. (ەگەر بولسا), قولى) كوميسسيانىڭ توراعاسى:_________________________ كۇنى:________________ (ت.ا.ءا. (ەگەر بولسا), قولى) كوميسسيانىڭ مۇشەسى:__________________________ كۇنى: ________________ (ت.ا.ءا. (ەگەر بولسا), قولى) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12157 بولىپ ەنگىزىلدى.