قازاقستان رەسپۋبليكاسى ۇكىمەتىنىڭ قاۋلىسى №1418

2010 جىلعى 27 جەلتوقسان, استانا, ۇكىمەت ءۇيى كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسىن بەكىتۋ تۋرالى «قازاقستان رەسپۋبليكاسىنداعى كەدەن ءىسى تۋرالى» قازاقستان رەسپۋبليكاسىنىڭ 2010 جىلعى 30 ماۋسىمداعى كودەكسىنىڭ 32-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى: قاۋلى ەتەدى: 1. قوسا بەرىلىپ وتىرعان كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2010 جىلعى 27 جەلتوقسانداعى №1418 قاۋلىسىمەن بەكىتىلگەن كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىن بەرۋ قاعيداسى 1. وسى قاعيدا «قازاقستان رەسپۋب­ليكا­سىن­داعى كەدەن ءىسى تۋرالى» قازاقستان رەسپۋبلي­كاسىنىڭ 2010 جىلعى 30 ماۋ­سىمداعى كودەكسىنىڭ (بۇدان ءارى – كودەكس) 32-بابىنىڭ 1-تارماعىنا سايكەس ازىرلەن­گەن جانە كەدەندىك دەكلاراتسيالاۋ ءجونىن­دەگى ماماننىڭ بىلىكتىلىك اتتەستاتىن بەرۋ ءتارتىبىن ايقىندايدى. 2. كەدەندىك دەكلاراتسيالاۋ جونىندەگى مامان­نىڭ بىلىكتىلىك اتتەستاتىن الۋ ءۇشىن اقپاراتتىق جۇيەلەردى پايدالانا وتىرىپ, كەدەن ورگاندارى جۇرگىزەتىن (بۇدان ءارى – كەدەن ورگاندارى) كەدەن ءىسى سالاسىنداعى ۋاكىلەتتى ورگان ايقىنداعان بىلىكتىلىك ەم­تيحانىن تاپسىرۋ قاجەت. 3. بىلىكتىلىك ەمتيحانى وتكەن كۇنى ءنا­تيجەلەر بەلگىلەنگەننەن كەيىن, وسى ەمتي­حانداردى وتكىز­گەن كەدەن ورگاندارى كەدەن ءىسى سالاسىنداعى ۋاكىلەتتى ورگانعا ەمتيحاننان وتكەن تۇلعالار تۋرالى اقپاراتتى ەلەكتروندىق, سونداي-اق جازباشا تۇردە ۇسىنادى. 4. وسى قاعيدانىڭ 3-تارماعىندا كورسە­تىلگەن تۇلعالارعا ۇسىنىلعان اقپاراتتىڭ نەگىزىندە بىلىكتىلىك ەمتيحاندارىنىڭ ءناتي­جەلەرى الىنعان كۇننەن باستاپ ەكى جۇمىس كۇنى ىشىندە كەدەن ءىسى سالاسىنداعى ۋاكى­لەتتى ورگان بەكىتكەن نىسان بوي­ىنشا كەدەندىك دەكلاراتسيالاۋ جونىندەگى ما­مان­دار­دىڭ بىلىكتىلىك اتتەستاتتارى تولتىرى­لادى. 5. وسى قاعيدانىڭ 4-تارماعىنا سايكەس بىلىكتىلىك اتتەستاتتارى تولتىرىلعاننان كەيىن كەدەن ءىسى سالاسىنداعى ۋاكىلەتتى ورگان ءبىر جۇمىس كۇنى ىشىندە بىلىكتىلىك اتتەستاتتارىن ەمتيحان وتكىز­گەن كەدەن ورگاندارىنا پوشتامەن جولدايدى. 6. كەدەندىك دەكلاراتسيالاۋ جونىندەگى مامان­نىڭ بىلىكتىلىك اتتەستاتتارىن العان­نان كەيىن كەدەن ورگاندارى كەدەن ءىسى سالا­سىنداعى ۋاكىلەتتى ورگان بەكىتەتىن نىسان بويىنشا كەدەندىك دەكلاراتسيالاۋ ءجونىن­دەگى ماماننىڭ بەيدجىن رەسىمدەيدى جانە بىلىكتىلىك ەمتيحاندارىن تاپسىرعان ساتتەن باستاپ بەس جۇمىس كۇنىنەن كەشىكتىرمەي كەدەندىك دەكلاراتسيالاۋ جونىندەگى مامان­نىڭ بىلىكتىلىك اتتەستاتىن جانە بەيدجىن بەرۋدى جۇرگىزەدى. 7. كەدەن ورگاندارى كەدەن ءىسى سالا­سىنداعى ۋاكىلەتتى ورگان بەكىتەتىن نىسان بويىنشا كەدەندىك دەكلاراتسيالاۋ ءجونىن­دەگى ماماننىڭ بىلىكتىلىك اتتەستاتىن, بەيدجدەرىن بەرۋ جۋرنالىن جۇرگىزەدى. 8. كەدەندىك دەكلاراتسيالاۋ جونىندەگى مامان­نىڭ بىلىكتىلىك اتتەستاتى نەمەسە بەيدج­دەرى جوعالعان (ب ۇلىنگەن), سونداي-اق تەگى, اتى, اكەسىنىڭ اتى وزگەرگەن جاعدايدا بۇدان بۇرىن كەدەندىك دەكلاراتسيالاۋ ءجو­نىندەگى اتتەستاتتى بەرگەن كەدەن ورگانىنا ەركىن نىسانداعى ءوتىنىشتى: 1) جەكە باسىن كۋالاندىراتىن قۇجات­تىڭ كوشىرمەسىن; 2) مولشەرى 3,5 ح 4,5 سانتيمەتر ءتۇرلى-ءتۇستى ەكى فوتوگرافيانى قوسا بەرە وتىرىپ ۇسىنۋ قاجەت. 9. كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتىنىڭ قولدا­نىلۋ مەرزىمى ەكى جىلدى قۇرايدى. 10. ەگەر: 1) بىلىكتىلىك اتتەستاتى ءوتىنىش بەرۋشى ۇسىناتىن تولىق ەمەس نەمەسە دۇرىس ەمەس مالىمەتتەردىڭ نەگىزىندە بەرىلگەن بولسا; 2) كەدەندىك دەكلاراتسيالاۋ جونىندەگى مامان­نىڭ بىلىكتىلىك اتتەستاتىنىڭ قول­دانىلۋ مەرزىمى وتكەن بولسا, كەدەندىك دەكلاراتسيالاۋ جونىندەگى ماماننىڭ بىلىكتىلىك اتتەستاتى كۇشىن جويادى. 11. بىلىكتىلىك اتتەستاتىنىڭ كۇشىن جويۋ تۋرالى شەشىم كۇشىن جويۋ سەبەبى كور­سە­تىلە وتىرىپ, كەدەن ءىسى سالاسىنداعى ۋاكى­لەت­تى ورگان باسشىسىنىڭ (ونى الماستى­راتىن تۇلعانىڭ) بۇيرىعىمەن رەسىمدەلەدى. بىلىكتىلىك اتتەستاتىن قايتا بەرۋ تۋرالى ءوتىنىشتى كەدەن ءىسى سالاسىنداعى ۋاكىلەتتى ورگان كۇشىن جويۋ تۋرالى بۇيرىق قابىل­دان­عان كۇننەن باستاپ ءبىر جىل وتكەن سوڭ قارايدى.