جاڭا ديوراما

تىلسىمعا تولى تابيعات تاماشالارىمەن تانىستىرادى شىعىس قازاقستان وبلىستىق ساۋلەتتىك-ەتنوگرافيالىق جانە تابيعي-لاندشافتتى قورىق-مۇراجايىنىڭ ەكولوگيالىق ەكسپوزيتسياسى تىڭ پانورامالىق ديورامامەن تولىقتى. بۇل وسىعان دەيىنگى ديورامالارمەن بىرگە ءوڭىردىڭ ەرەكشە تابيعي مۇيىسىمەن تانىس­تىرادى. – قىزىلقۇم – ورتاازيالىق قۇمدى ساحارانىڭ كۇرشىم اۋدانىندا ورنالاسقان سولتۇستىك تۇكپىردەگى سوڭعى بولىگى. اعا بۋ­ىن­­­عا بۇل جەر بوكەن قۇمى اتاۋ­ى­­­­مەن بەلگىلى, دەيدى قورىق-مۇرا­جاي­دىڭ عىلىمي قىزمەتكەرى, كورنەكتى ولكەتانۋشى بوريس ششەر­باكوۆ. قىزىلقۇمنىڭ بۇل ولكەدە 250 ميلليون جىل بۇرىن پايدا بولعانىن, ونىڭ پايدا بولۋىنا ەولوۆا اسەرى بارلىعىن, قاراپايىم تىلمەن ايتقاندا جەلدىڭ اسەرىمەن  تۇزىلگەن جەر بەدەرى ەكەندىگىن كوپ­شىلىك بىلە بەرمەۋى مۇمكىن. تا­بيعاتتانۋشى ب.ششەرباكوۆتىڭ ايتۋىنشا, قىزىلقۇمدا جەكەلەگەن قۇم توبەلەردىڭ بيىكتىگى 50 مەتر­گە دەيىن جەتەدى. جاڭا ديوراما وسى ولكەگە ءتان قۇپيا-سىرلاردى اشادى, قىپ-قىزىل قۇم مەن كەرىش اراسىنداعى تىرشىلىك يەلەرىن تانىس­تىرادى. ياعني, قورىق-مۇراجايعا كەلۋشىلەر ءوڭىردىڭ تابيعات كەڭىس­تىگىندەگى تاڭ-تاماشا قالدىرار وزگەشە سيقىر الەمدى كورەدى. ونىڭ ىشىندە زايساننىڭ سولتۇستىك جا­عىندا جاتقان, جاسى 60-65 ميلليون جىلعا جۋىق قيىن-كەرىش, شەكەلمەس كەرىشتى ءشول دالالارى, التاي قالباسى سىلەمدەرىنىڭ دالالى لاندشافتتارى بار. ارينە, شىعىس قازاقستاننىڭ شىنايى تابيعاتىمەن جاقىن تانىسۋعا اركىمنىڭ اياعى جەتە بەرمەيدى. ۋاقىت تاپشى بولۋى, قارجى قولدى بايلاۋى مۇمكىن. سوندىقتان, مەيمانداردى ءوڭىردىڭ وزگەشە كەل­بەتىمەن تانىستىرۋعا سول جا­عالاۋ كەشەنىندەگى ەكولوگيالىق ەكسپوزيتسيانىڭ ەرەكشە قولايلى ەكەنىن ايتا كەتكەن ابزال. دۋمان اناش, «ەگەمەن قازاقستان». وسكەمەن.