ەلباسى رەسەي پرەزيدەنتىمەن تەلەفون ارقىلى سويلەستى

استانا. 6 ءساۋىر. قازاقستان پرەزيدەنتى نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. نۇرسۇلتان نازارباەۆ پەن ۆلاديمير پۋتين ەكىجاقتى ىنتىماقتاستىقتىڭ پەرسپەكتيۆالارىن تالقىلاپ, وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى. تاۋلى قاراباقتاعى قازىرگى احۋالعا ايرىقشا نازار اۋدارىلدى. مەملەكەتتەر باسشىلارى قاقتىعىسۋشى تاراپتاردى وق اتۋدى دوعارۋ رەجىمىن قامتاماسىز ەتۋگە جانە بەيبىت كەلىسسوزدى قايتا قالپىنا كەلتىرۋگە شاقىردى. قازاقستان پرەزيدەنتىنىڭ بريۋسسەلدە جانە ۆاشينگتوندا وتكەن كەلىسسوزدەرىنە وراي ۋكرايناداعى احۋالدى رەتتەۋگە بايلانىستى پىكىر الماسىلدى. سونداي-اق, ەۋرازيالىق ينتەگراتسيا, اتاپ ايتقاندا, الداعى ۋاقىتتا استانادا وتكىزۋ جوسپارلانىپ وتىرعان جوعارى ەۋرازيالىق ەكونوميكالىق كەڭەس وتىرىسى ماسەلەلەرى تالقىلاندى. تەلەفون ارقىلى اڭگىمەلەسۋگە رەسەي جاعى باستاماشى بولدى. تالعات رايىمبەك. دەرەك, فوتو: akorda.kz.