قارعىن سۋ قاتاڭ باقىلاۋدا تۇر

قاراعاندى وبلىسىندا سۋ تاسقىنىنىڭ الدىن الۋ شا­رالارى قىزۋ ءجۇرىپ جاتىر. توتەنشە جاعدايلار دەپار­تا­مەنتىنىڭ ماماندارى مەن اكىم­دىك قىزمەتكەرلەرى, ءتىپتى جەر-جەردەگى تۇرعىنداردىڭ ءوزى جاع­دايدى كۇندىز-ءتۇنى باقىلاپ, نە ءنار­سەگە بولسا دا ساقاداي ساي وتىر. بىراق, سوعان قاراماستان, قارعىن سۋدىڭ ىرىققا كونبەي, توسىن مىنەز تانىتىپ جاتقان وقيعالارى وقتىن-وقتىن ەستىلىپ قالىپ جاتىر. ماسەلەن, شەت اۋدانىنداعى نۇرا-سارىسۋ باسسەينىنىڭ تومەنگى نارباق سۋ قويماسىندا بوگەت بۇزىلىپ, رەسپۋبليكالىق ماڭىزداعى «قىزىلوردا – پاۆلودار» جو­لى­نىڭ 796 شاقىرىمى تۇسىندا ءاسفالتتىڭ 5-6 مەتر بولىگىن سۋ شايىپ كەتتى. ءتيىستى ورىنداردىڭ ماماندارى اتالعان جولدا اۆتوكولىكتەردىڭ بارلىق ءتۇر­ل­ە­رىنىڭ قوزعالىسىنا شەكتەۋ قويدى. قاۋىپسىزدىك شارالارىن قامتاماسىز ەتۋ ماق­ساتىندا جول بويىنا بەكەت تە ورناتىلعان. قازىر سۋ جاڭاارقا اۋدا­نىنداعى سارىسۋ وزەنى اڭ­عارىندا ورنالاسقان بيدايىق سۋ قويماسىنا كەتىپ جاتىر. بۇدان ءارى ارتىق سۋ تابيعي جولمەن سارىسۋ وزەنىنە قۇيىلادى. سونداي-اق, وڭىردەگى شەرۋ­باي-نۇرا جانە مويىنتى وزەن­دەرىندە دە سۋ كوتەرىلىپ, ەل­دى مە­كەندەردى سۋ الۋ قاۋپى ساقتالىپ وتىر. دەگەنمەن, توتەنشە جاع­دايلار جونىندەگى ماماندار جاعدايدى تولىق باقىلاۋدا ۇس­تاپ وتىرمىز دەپ سەندىردى. قازىرگى ۋاقىتتا وبلىستا كۇرت ەرىگەن قار سۋىنىڭ جولىن ارشۋ بويىنشا شۇعىل جۇمىستار جۇرگىزىلىپ جاتىر. بۇل ىسكە قۇتقارۋ قىزمەتى مەن جەرگىلىكتى اتقارۋشى ورگانداردىڭ قىزمەت­كەرلەرى جۇمىلدىرىلعان. قايرات ءابىلدينوۆ, «ەگەمەن قازاقستان». قاراعاندى وبلىسى.