جاڭا ۇيىمنىڭ تۇساۋى كەسىلەدى

ءساۋىر ايىنىڭ 28-ءى كۇنى استانا قالاسىندا يسلام ىن­تى­ماقتاستىعى ۇيىمىنا (يىۇ) مۇشە ەلدەر مينيسترلەر كون­فەرەنتسياسىنىڭ ازىق-ت ۇلىك قاۋىپسىزدىگى جانە اۋىل شارۋاشىلىعىن دامىتۋ جونىندەگى 7-سەسسياسى وتەدى. سونىڭ شەڭبەرىندە ازىق-ت ۇلىك قاۋىپسىزدىگى جونىندەگى يسلام ۇيىمى (اقيۇ) قۇرىلىپ, ونىڭ باس اسسامبلەياسىنىڭ قۇرىلتاي سەسسياسى ۇيىمداستىرىلماق. وسىعان وراي, كەشە ورتالىق كوممۋنيكاتسيالار قىزمەتىندە ءباسپاسوز ءماسليحاتى وتكىزىلدى. بريفينگتە اۋىل شارۋا­شى­لىعى ۆيتسە-ءمينيسترى ەرمەك كوشەرباەۆ جاڭا ۇيىمنىڭ قۇرى­لىمى, ونىڭ جۇمىس جوسپارى تۋ­رالى ايتىپ بەردى. ونىڭ ءسوزى­نە قاراعاندا, ۇيىمنىڭ باس كەڭ­سەسى استانا قالاسىندا ورنالاسىپ, العاشقى ءۇش جىلدا وعان قا­زاقستان توراعالىق ەتپەك. «ازىق-ت ۇلىك قاۋىپسىزدىگى جونىندەگى يسلام ۇيىمىن قۇرۋ باس­تاماسىن 2011 جىلى يسلام ىنتى­ماقتاستىعى ۇيىمى سىرت­قى ىستەر مينيسترلەرى كەڭەسىنىڭ 38-سەسسياسىندا مەملەكەت باسشى­سى كوتەرگەن بولاتىن. ەكى جىل­دان كەيىن يىۇ-عا مۇشە مەم­لەكەتتەردىڭ 30 ساراپشىسى استانا قالاسىندا وتكەن ۇكىمەتارالىق ساراپشىلار وتىرىسىندا جارعىلىق قۇجاتتىڭ جوباسىن كەلىستى. ءبۇ­گىن­دە قۇرىلعالى وتىرعان ۇيىمنىڭ جارعىسىن وعان مۇشە 24 مەملەكەت بەكىتىپ, قول قويدى», – دەگەن ە.كوشەرباەۆ اقيۇ-نىڭ ساياسي ەمەس, ەكونوميكالىق ۇيىم بولاتىنىن اتاپ ءوتتى. جاڭا ۇيىمنىڭ اتقاراتىن جۇمىسىنا توقتالعان ۆيتسە-مي­نيستر: «استانادا وتەتىن قۇرىل­تاي سەسسياسىندا نەگىزگى باعىت-باعدار ايقىندالادى. جالپى, اقيۇ-عا مۇشە مەملەكەتتەر­دە اۋىل شارۋاشىلىعىن, ازىق-ت ۇلىك قاۋىپسىزدىگىن جانە بيوتەx­نولوگيانى ءتيىمدى دامىتۋ كوز­دەلىپ وتىر. سونىڭ اياسىندا ءارتۇرلى اسپەكتىدە تەحنيكالىق نوۋ-حاۋ قولدانىلىپ, تىڭ ءتاجىري­بەلەر ىسكە اسىرىلماق. ودان بولەك, تۇراقتى الەۋمەتتىك بايلا­نىستى قامتاماسىز ەتۋ, توپى­راقتىڭ سورلانۋى, ورمان القاپ­تارىنىڭ ازايۋى جانە ءشول-شولەيت ماسەلەلەرىنە قاتىستى ءتۇيت­كىلدەردى شەشۋگە  دە كۇش جۇم­سالادى. سونداي-اق, ۇيىم ازىق-ت ۇلىك قاۋىپسىزدىگىنىڭ رەزەر­ۆىن قۇرۋ ارقىلى مۇشە مەملەكەتتەرگە قاجەتتى جەدەل جانە ىزگىلىكتى كومەكتى انىقتاۋ ءارى ۇسىنۋ ماقساتىندا اتالعان سالادا باعالاۋ جانە مونيتو­رينگ جۇرگىزۋدى, سوعان وراي تەxنو­لو­گيالارمەن الماسۋ ارقىلى ورتاق اۋىل شارۋاشىلىعى قاعي­دات­تارىن ۇيلەستىرىپ, جۇزەگە اسىرۋدى جوسپارلاۋدا», – دەدى. ءوز كەزەگىندە سىرتقى ىستەر مينيسترلىگى جالپىازيالىق ىنتىماقتاستىق دەپارتامەنتىنىڭ ديرەكتورى الىبەك باقاەۆ قا­زىرگى تاڭدا استانادا وتەتىن ءىس-شا­راعا 27 مەملەكەت پەن 6 حا­لىق­ارالىق ۇيىمنىڭ وكىلدەرى قاتى­ساتىندارىن راستاعانىن, 28 ساۋىرگە دەيىن ولاردىڭ قاتارى ارتا تۇسەتىنىن ايتتى. سون­داي-اق, ول بۇگىندە ۇيىمنىڭ جارعىسىن قازاقستان مەن نيگەر رەسپۋبليكاسىنىڭ راتيفيكا­تسيالاعانىن جەتكىزىپ, «اتالعان قۇجاتتىڭ تولىق جۇمىس ىستەۋى ءۇشىن ونى كەم دەگەندە تاعى 8 مەملەكەت رەسىمدەۋى ءتيىس», – دەدى. سونىمەن قاتار, ءباسپاسوز ءماسليحاتىندا يىۇ-عا مۇشە ەلدەر مينيسترلەرى كونفەرەنتسياسىنىڭ 7-سەسسياسىندا باس اسسامبلەيانىڭ توراعاسىن, ورىنباسارىن جانە حاتشىلىقتىڭ باس ديرەكتورىن سايلاۋ ماسەلەسى قارالىپ, ۇيىمنىڭ قارجىلىق پروتسەدۋراسى مەن الداعى 5 جىلدىق جوسپارى بەكىتىلەتىنى بەلگىلى بولدى. ەلامان قوڭىر, «ەگەمەن قازاقستان».