فراكتسيانىڭ العاشقى جينالىسى

پارلامەنت ماجىلىسىندە توراعانىڭ ورىنباسارى, «نۇر وتان» پارتياسى فراكتسياسى­نىڭ جەتەكشىسى گۇلميرا يسىمباەۆا­نىڭ تورايىمدىعىمەن «نۇر وتان» پارتياسىنىڭ ماجىلىستەگى فراكتسياسىنىڭ العاشقى جينالىسى بولدى, دەپ حابارلادى وسى پالاتانىڭ باسپا­سوز قىزمەتى. فراكتسيا جەتەكشىسى گۇلميرا يسىمباەۆا: «اعىمداعى جىلدىڭ 24 ناۋرىزىندا ەلباسى, پارتيا توراعاسى ن.ءا.نازارباەۆ ساياسي كەڭەس بيۋروسىنىڭ وتىرىسىندا جانە فراكتسيا جينالىسىندا پارتيا مەن دەپۋتاتتار كورپۋسىنىڭ نەگىزگى مىندەتتەرىن اتاپ ءوتتى. ەستەرىڭىزگە سالىپ وتەيىن. بىرىنشىدەن, ۇكىمەتپەن بىرلەسە وتىرىپ, بەس ينستي­تۋت­تىق رەفورمانى ىسكە اسىرۋ ءجو­نىندەگى ۇلت جوسپارىن زاڭنا­مالىق قامتاماسىز ەتۋ بويىنشا جۇمىستى جالعاستىرۋ; ەكىنشىدەن, پارتيانىڭ سايلاۋالدى باعدارلاماسىن ساپالى جانە ۋاقتىلى ىسكە اسىرۋدى قامتاماسىز ەتۋ; ۇشىنشىدەن, «نۇرلى جول» باع­دار­لا­ماسىن ىسكە اسىرۋعا جانە مەملەكەت ءبول­گەن قاراجاتتىڭ ءتيىمدى جۇمسالۋىنا قاتاڭ پارتيالىق باقىلاۋ جاساۋدى كۇشەيتۋ; تورتىنشىدەن; حالىقتىڭ وزەكتى ءما­سە­لەلەرىن انىقتاۋعا جانە شەشۋگە جان-جاقتى كومەك كورسەتۋ; بەسىنشىدەن, قازاقستان حالقى اس­سام­بلەياسىمەن تىعىز ءوزارا ءىس-قيمىل جاساۋ; التىنشىدان, ورتالىقتاعى جانە جەرگىلىكتى جەرلەردەگى فراكتسيالاردىڭ جۇمىسى حالىقتىڭ كوكەيكەستى پروبلەمالارىن ناقتى شەشۋگە, كەرى بايلانىس­تى نىعايتۋعا باعىتتالۋى قاجەت», – دەگەن بولاتىن, دەي كەلىپ, بۇل مىندەتتەردى ورىنداۋ ءۇشىن فراكتسيا ساپالى زاڭدار شىعارۋ قىزمەتىنە باسا كوڭىل ءبولۋ قاجەتتىگىن اتاپ ءوتتى. فراكتسيا تۋرالى ەرەجەگە سايكەس, جي­نا­لىستا اسقار بازارباەۆ, يرينا ارو­نوۆا, نۇرتاي سابيليانوۆ فراكتسيا جەتەك­شىسىنىڭ ورىنباسارلارى بولىپ ساي­لاندى. فراكتسيا شەشىمىمەن فراكتسيانىڭ جا­نىنداعى ءۇش  كونسۋلتاتيۆتىك-كەڭەس­شى ورگاندار: ەكونوميكالىق ساياسات ءجونىن­دەگى كەڭەس; الەۋمەتتىك كەڭەس; ءوڭىر­لىك سايا­سات جانە ماسليحاتتارمەن جۇ­مىس ءجو­ن­ىندەگى كەڭەستەر  قۇرىلدى. ەكونوميكالىق ساياسات جونىندەگى كەڭەستى دەپۋتات بەيبىت مامراەۆ, الەۋ­­مەتتىك كەڭەستى دەپۋتات شاۋقات وتە­­مى­­سوۆ, وڭىرلىك ساياسات جانە ءماسلي­حات­­تار­مەن جۇمىس جونىندەگى كەڭەستى دەپۋتات سەرىك سەيدۋمانوۆ باسقارا­تىن بولدى. سونىمەن قاتار, فراكتسيا جينالىسى «نۇر وتان» پارتياسىنىڭ ءماجى­لىس­تەگى فراكتسياسىنىڭ جانىنداعى «نۇر­لى جول» ينفراقۇرىلىمدى دامى­تۋ­دىڭ 2015-2019 جىلدارعا ارنال­عان مەملەكەتتىك باعدارلاماسىن ىسكە اسى­رۋعا قازاقستان رەسپۋبليكاسى ۇلتتىق قورى­نان بولىنەتىن قاراجاتتىڭ جانە بيۋد­جەتتىك قاراجاتتىڭ ماقساتتى جانە  ءتيىم­دى جۇمسالۋىنا باقىلاۋ جۇرگىزۋ بويىن­شا كوميسسيانىڭ جەكە قۇرامى بە­كى­تىلدى, سونداي-اق ونىڭ كەلەسى با­عىت­تار بويىنشا باسشىلارى سايلاندى: «الەۋمەتتىك ينفراقۇرىلىمدى دامىتۋ» كوميسسياسىن دەپۋتات يرينا ارونوۆا; «تۇرعىن ءۇي-كوممۋنالدىق شارۋاشىلىق  ينفراقۇرىلىمىن, سۋمەن جانە جىلۋمەن جابدىقتاۋ جەلىلەرىن جاڭعىرتۋ, تۇرعىن ءۇي ينفراقۇرىلىمىن نىعايتۋ» كوميسسياسىن دەپۋتات  بەرىك وسپانوۆ; «يندۋستريالىق, ەنەرگە­تيكالىق ينفراقۇرىلىمداردى دامىتۋ, شاعىن جانە ورتا بيزنەس پەن ىسكەرلىك بەلسەندىلىكتى قولداۋ» كوميسسياسىن دە­پۋتات نۇرتاي سابيليانوۆ; «كولىك-لو­گيستيكالىق ينفراقۇرىلىمدى دامىتۋ» كوميسسياسىن دەپۋتات مۇحتار تىنىكەەۆ; «اگرونەركاسىپ كەشەنى سۋبەكتىلەرىنىڭ باسەكەگە قابىلەتتىلىگىن ارتتىرۋ» كوميسسياسىن دەپۋتات جەكسەنباي دۇيسەباەۆ باسقاراتىن بولدى. ءما­جى­لىستەگى فراكتسيا مۇشەلەرىن «نۇر وتان» پارتياسىنىڭ سايلاۋالدى «قا­زاق­­ستان-2021: بىرلىك. تۇراقتىلىق. جا­سام­­پازدىق» باعدارلاماسىن ىسكە اسىرۋ بويىنشا قابىلدانىپ جاتقان ءىس-شا­رالار جونىندە پارتيا حاتشىسى ناتاليا گودۋنوۆا حاباردار ەتتى. سونىمەن قاتار, وتىرىستا فراك­تسيا­نىڭ اعىمداعى قىزمەتىنىڭ ماسەلەلەرى قا­رالدى. جينالىستىڭ جۇمىسىنا پرە­زي­دەنت پەن ۇكىمەتتىڭ قازاقستان رەس­پۋب­لي­كا­سىنىڭ پارلامەنتىندەگى وكىلدەرى قا­تىستى.