الاۋ – اقتاۋدا!

ەلىمىزدە تۇڭعىش رەت وتەتىن ازيادا الاۋى 15 قاڭتار كۇنى تۇندە قىزىلوردادان اقتاۋعا جەتتى. قالانىڭ حالىقارالىق اۋەجايىندا الاۋ كۋبوگىن وب­لىس باسشىلارى, جۇرتشى­لىق وكىلدەرى سالتاناتتى تۇردە قۋا­نا قارسى الدى. ماڭعىستاۋلىقتار ەل تاۋەل­سىز­دىگىنىڭ 20 جىلدىعى اياسىندا وتكىزىلەتىن ءVىى قىسقى ازيا ويىن­­­دارىنىڭ الاۋ ەستافەتاسىن قا­بىلداۋعا دايىندىقتى ەرتە باس­تا­دى. اسەم اقتاۋدىڭ ورتا­لىق الاڭ­دارى مەن كارى كاسپي جا­عالاۋى دوستىق, بىرلىك, سالا­مات­تى ءومىر سالتى مەن سپورتتى نا­سي­حاتتايتىن كورىنىستەرگە تو­لىپ, كوركەمدەلە ءتۇستى. ونى 16 قاڭ­تار­داعى اسەم اۋەن, اشىق اۋا, كو­تەرىڭكى كوڭىل-كۇي ودان ءارى كورىك­تەندىرە ءتۇستى. ساعات 11.00-دە الاۋ ەستافەتاسى قالا­نىڭ قاسيەتتى ورىندارىنىڭ ءبىرى سا­نالاتىن «ءماڭ­گىلىك الاۋ» الدىن­دا باستال­دى. اقتاۋ اس­پا­نىندا ءان قا­لىق­تادى. ولار ب.ءنادىروۆ­تىڭ «تۋ­عان جەر», س.نۇرعو­جاەۆتىڭ «ماڭعىس­تاۋ», ب.وتارا­ليەۆانىڭ «جاسا قازاق­ستان!», ە.حا­سانعاليەۆتىڭ «اتا­مەكەنى» ەدى. ساعات 12.00-دە وبلىس اكىمىنىڭ ءبىرىنشى ورىنباسارى امان­­گەلدى ايتقۇلوۆ جينالعان­دار­دى ەل تاري­حىنداعى ەرەكشە وقيعا­مەن قۇت­تىق­تادى. ال الاۋ ەستافە­تاسى دي­رەك­­تسياسى جەتەكشى­سىنىڭ ورىن­باسارى نايل نۇروۆ الىستاعى ءال-كۋۆەيت­تەن جەتكەن الاۋ كۋبوگىن وعان سالتاناتتى تۇردە تابىس ەتتى. ا.ايتقۇلوۆ ازيادا الاۋىن ماڭعىستاۋدا العاشقى بولىپ الىپ ءجۇرۋ ءۇشىن قر-نىڭ ەڭبەك سىڭىرگەن سپورت شەبەرى, بوكستان الەمنىڭ, ازيانىڭ, قازاقستاننىڭ چەمپيونى ەردوس جاڭابەرگەنوۆكە تاپسىردى. الاۋگەرلەر شەرۋى باس­تالدى. «ءماڭ­گىلىك الاۋ» الدىن­دا باستاۋ العان شەرۋ 12 شاقىرىمعا سوزىلدى. ال ازيادا الاۋىن الىپ جۇرۋگە 60 ماڭعىستاۋلىقتار تاڭ­دالدى. ولار­دىڭ اراسىندا الەم­نىڭ, ازيانىڭ, قازاقستاننىڭ چەم­پيوندارى ن.سولوديلوۆا, ا.كولونتاەۆ, س.ولەشكو, ت.كۋدرياۆتسەۆا, ن.كۋلىشوۆ, م.كۋرۋگليەۆ, اتاقتى جەڭىل اتلەت كسرو-عا ەڭبەك ءسىڭىر­گەن سپورت شەبەرى ءا.تۇياقوۆ, سپورت مەتسەناتى, ازيا كارا­تە-دو اسسو­تسيا­تسياسىنىڭ پرەزيدەنتى س.ابدۋللاەۆ, ونەر جانە مادە­نيەت قاي­راتكەرلەرى ر.مادرەەۆ, ت.اسار, ا.جەمەنەي, ت.ب. بار. وسىنداي قۇرامى بار شەرۋشىلەر توبى الاۋدى اۆتو­كولىك­پەن دە, اتپەن دە, قول اربامەن دە, جاياۋ ءجۇرىپ تە قولدان-قولعا تاپ­سىرىپ, تاۋەلسىزدىك الاڭى ارقى­لى وتكەن جىلى پايدا­لا­نۋعا بەرىلىپ, وسى جازدا ەلباسى جۇمى­سى­نا وڭ باعا بەرگەن «اق­تاۋ» ساۋدا-دەمالىس كە­شەنىنە ەكىنشى كەزەڭدى جالعاس­تىر­دى.  وندا كا­راتە-دودان ازيا­نىڭ, قازاق­ستان­­نىڭ جاستار ارا­سىن­داعى چەم­پيونى ح.حاليدوۆ الاۋ­دى قول دوبىن وتىرىپ وي­ناۋ­دان رەسپۋبليكا چەمپيونى ا.شايمار­دانوۆ­قا تاپسىردى. «ال­عا قازاقستان!», «بىرلىگىمىز جاسا­سىن!» دەپ ۇران­داتقان شەرۋشىلەر ودان ءارى «مۇ­نايشى» ستاديونى ارقىلى قالا­نىڭ شا­عىن اۋدان­دارىن تەڭىز جا­عالاۋ­لارى ارقىلى ءجۇرىپ ءوتتى. جانە دە سول ساتتەردە «ازيادا-11» اتتى ءدۇبىر­لى دودادا سپورت­شىلارىمىزدىڭ مەرەيى ۇستەم بولىپ, تاۋەلسىز قازاق ەلىنىڭ كوك بايراعى ءجيى-ءجيى جەلبىرەي كو­تەرىلۋىنە تىلەكتەستىك اق نيەتتەرىن ارنادى. اسقان ۇيىمشىلدىقپەن زور ورلەۋ ۇستىندە وتكەن الاۋ ەستا­فەتاسى قاس قارايا استانا الا­ڭىندا ۇلى اباي اتىنداعى مادەنيەت كەشەنى جانىندا اياقتا­لىپ, مەرەكەلىك گالا-كونتسەرتكە جالعاستى. جولامان بوشالاق. ماڭعىستاۋ وبلىسى.