دەپۋتاتتار كىتاپحانامەن تانىستى

قازاقستان رەسپۋبليكاسى پارلامەنتى ءماجىلىسىنىڭ التىنشى شاقىرىلىمعا سايلانعان دەپۋتاتتارى ۆيتسە-سپيكەر ۆلاديمير بوجكونىڭ  باسشىلىعىمەن كىتاپحانادا باستالعان «اشىق ەسىك» كۇنىنە قاتىستى, دەپ حابارلادى ءماجىلىستىڭ ءباسپاسوز قىزمەتى. دەپۋتاتتاردى اپپاراتتىڭ  اقپاراتتىق-تالداۋ ءبولىمىنىڭ مەڭگەرۋشىسى جاننا قۇرمان­عاليەۆا مەن سەكتور مەڭگەرۋشىسى قانات قۇدايبەرگەنوۆ اقپاراتتىق قورلارمەن جانە كورمەلەرمەن تانىستىردى. الەمدە كوپتەگەن ەلدەردىڭ پارلامەنتتەرىنىڭ جانىنان ۇلت­­­­­تىق كىتاپحانالار جاساق­تالعان. قازاقستان رەسپۋبليكاسى پارلامەنتىنىڭ جانىندا دا وسىنداي كىتاپحانا قۇرىلعان. ونىڭ جالپى كىتاپ قورىندا 46 مىڭنان استام بىرلىك, ونىڭ ىشىندە 26 مىڭ كىتاپ جانە 227 مەرزىمدى باسىلىم بار. كىتاپحانا جۇمىسىندا ءداستۇرلى  ادىسىمەن بىرگە ءارتۇرلى  جاڭا اقپاراتتىق تەحنولوگيالار كەڭىنەن قولدانىلادى. پارلامەنت كىتاپحاناسى پا­لاتالاردىڭ زاڭ شىعارۋ قىز­­­مەتىن قامتاماسىز ەتۋ ماسەلەلەرىنە, تالقىلاناتىن زاڭ جوبالارىنا, پارلامەنتتىك تىڭ­داۋلارعا جانە پارلامەنت وتكىزەتىن شارا­لارعا بيبليو­گرافيالىق جانە انىقتامالىق-اقپاراتتىق ماتەريالدار دايىن­داۋعا ەرەكشە كوڭىل بولەدى. پار­لامەنت پالاتالارىنىڭ كومي­تەتتەرىمەن جانە اپپارات­تارىنىڭ ءبولىم­دەرىمەن تىعىز ىن­­تى­ماقتاستىقتا جۇمىس جاسايدى. پارلامەنت كىتاپحاناسى قازاق كسر جوعارعى كەڭەسى­نىڭ اقپاراتتىق-تالداۋ ورتا­لىعىنىڭ قۇرامداس بولىگى رەتىندە 1987 جىلى قۇرىلدى. ورتا­لىقتىڭ نەگىزگى مىندەتى ەلدەگى جوعارعى وكىلدى ورگاننىڭ قىز­مەتىن اقپاراتتىق-انىقتا­مالىق, تالدامالىق جəنە كىتاپ­حانالىق-بيبليوگرافيالىق جا­عى­نان قام­تاماسىز ەتۋ بولىپ تابىلادى. قازىرگى ۋا­قىتتا كىتاپحانا قازاقستان رەسپۋبليكاسى پار­لامەنتى ءمəجىلىسى اپ­پاراتىنىڭ اقپاراتتىق-تالداۋ ءبولىمىنىڭ قۇرامىندا جۇمىس ىستەيدى. پارلامەنت كىتاپحاناسى قا­زاقستاننىڭ كوپتەگەن كىتاپ­حانا­­لارىمەن جəنە وزگە دە مەم­لەكەتتىك جəنە جەكەشە اقپاراتتىق قۇرىلىمدارمەن تىعىز بايلانىس ورناتقان. كىتاپحانا حالىقارالىق اق­پارات الماسۋ شەڭبەرىندە رەسەي فەدەراتسياسى مەملەكەتتىك دۋماسىنىڭ پارلامەنتتىك كىتاپحاناسىمەن, رەسەي عىلىم اكادەمياسىنىڭ مەملەكەت جəنە قۇقىق ينستيتۋتىمەن, رەسەي ۇكىمەتى جانىنداعى زاڭناما جəنە سالىستىرمالى قۇقىقتانۋ ينستيتۋتىمەن ىنتىماقتاسىپ وتىر, سونداي-اق, ول تمد-نىڭ بىرقاتار ەلدەرىنىڭ پارلامەنتتىك كىتاپحانالارىمەن ىسكەرلىك بايلانىسقا يە.