كەزدەسۋ بارىسىندا ءاليحان بايمەنوۆ لي مىرزانى وڭىرلىك حاب قىزمەتىمەن جانە قازاقستانداعى بەس ينستيتۋتتىق رەفورمانى جۇزەگە اسىرۋ بويىنشا ۇلت جوسپارى – «100 ناقتى قادامنىڭ» نەگىزگى اسپەكتىلەرىمەن, ونىڭ ىشىندە كاسىبي مەملەكەتتىك اپپاراتتىڭ تيىمدىلىگىن ارتتىرۋ ماسەلەلەرىمەن تانىستىردى. ءوز كەزەگىندە لي گۋن ميون تۇراقتى ءبىلىم مەن تاجىريبە الماسۋدىڭ حالىقارالىق تۇعىرناماسى رەتىندە وڭىرلىك حاب قىزمەتىنە جوعارى باعا بەرە وتىرىپ, وسى سالاداعى ىنتىماقتاستىقتى ارتتىرۋعا مۇددەلى ەكەندىكتەرىن جەتكىزدى.
ساپار بارىسىندا ءاليحان بايمەنوۆ كورەيا رەسپۋبليكاسى ادامي رەسۋرستاردى دامىتۋ ۇلتتىق ينستيتۋتى پرەزيدەنتى وك دونك سۋكپەن كەزدەستى. جۇزدەسۋ كەزىندە بىرلەسكەن تاقىرىپتىق زەرتتەۋلەر جاساۋ, وڭتۇستىككورەيالىق تاجىريبە نەگىزىندە حابقا قاتىسۋشى ەلدەر الەۋەتىن ارتتىرۋ جونىندە ورتاق سەمينار ۇيىمداستىرۋ جانە تاراپتاردىڭ ساراپشىلار جەلىسىن كەڭەيتۋ ماسەلەلەرى قارالدى. قازاقستان وكىلى وسىدان كەيىن ەكونوميكالىق ىنتىماقتاستىق جانە دامۋ ۇيىمى ورتالىعى جەتەكشىسى پاك دەك-سوومەن, ازيا مەملەكەتتىك باسقارۋ بويىنشا قاۋىمداستىق پرەزيدەنتى پان سۋك كيممەن كەزدەسۋ وتكىزىپ, ىنتىماقتاستىقتىڭ بۇدان ارعى مۇمكىندىكتەرىن بىرلەسە تالقىلادى. قازىر حابقا ەىدۇ, تمد, ورتالىق ازيا مەن ASEAN ەلدەرىن قوسا العاندا, 32 قاتىسۋشى ەل مۇشە. ال كورەيا رەسپۋبليكاسى حابتىڭ قۇرىلتايشىسى جانە بەلسەندى مۇشەلەرىنىڭ ءبىرى بولىپ تابىلادى.
رۋسلان يگىلىك.
