ءىرى كولەمدى ەسىرتكى تاسىمالداعاندار قولعا ءتۇستى

استانا. 31 ناۋرىز. يسپانيانىڭ كاديس پروۆينتسياسىندا ۇلتتىق پوليتسيا قىزمەتكەرلەرى زاڭسىز جولمەن 3,4 توننا گاشيش ەسىرتكىسىن تاسىمالداعانداردى قولعا ءتۇسىردى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اندالۋسيا قالاسىنىڭ بيلىگى بۇل ءىستىڭ 25 ناۋرىز كۇنى بولعانىن مالىمدەدى. پوليتسيا باسقارماسىنا لا-لينەا-دە-لا-كونسەپسون مۋنيتسيپاليتەتىندەگى جاعاجايدا گاشيش ەسىرتكىسىن تيەپ جاتقانى جونىندە حابارلاما كەلىپ تۇسكەن. وقيعا ورنىنا ءتارتىپ ساقشىلارى كەلىپ جەتكەندە ەشكىم بولمادى. الايدا, كوپ ۇزاماي, ىزدەرىنە ءتۇسۋ ارقىلى ەسىرتكىنىڭ قايدا جىبەرىلگەنىن انىقتادى. ارنايى وپەراتسيا كەزىندە ەكى ادام قولعا ءتۇسىپ, بىرنەشە قارۋ-جاراق پەن ەكى كولىك تاركىلەندى. ايتا كەتەيىك, وسى جىلدىڭ باسىنان بەرى قۇقىق قورعاۋ ورگانىنىڭ قىزمەتكەرلەرى اتالعان ايماقتا جالپى سالماعى 10,2 توننا گاشيش ەسىرتكىسىن تاركىلەگەن. بۇل كورسەتكىش وتكەن جىلمەن سالىستىرعاندا ەكى ەسەدەي كوپ. ايان ءابدۋالي. دەرەك: تاسس. سۋرەت: nsktv.ru.