قازاقستان رەسپۋبليكاسى ۇكىمەتىنىڭ قاۋلىسى  №149 

2016 جىلعى 18 ناۋرىز, استانا, ۇكىمەت ءۇيى بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى ەسەبىنەن ساتىپ الۋعا رۇقسات ەتىلگەن قارجى قۇرالدارىنىڭ تىزبەسىن بەكىتۋ تۋرالى «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» 2013 جىلعى 21 ماۋسىمداعى قازاقستان رەسپۋبليكاسىنىڭ زاڭى 6-بابىنىڭ 1-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى ەسەبىنەن ساتىپ الۋعا رۇقسات ەتىلگەن قارجى قۇرالدارىنىڭ تىزبەسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2016 جىلعى 18 ناۋرىزداعى №149 قاۋلىسىمەن بەكىتىلگەن بىرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرى ەسەبىنەن ساتىپ الۋعا رۇقسات ەتىلگەن قارجى قۇرالدارىنىڭ تىزبەسى 1. شەتەلدىك قارجى قۇرالدارى, ونىڭ ىشىندە شەتەلدىك قارجى نارىقتارىنداعى اينالىستاعى قۇرالدار: 1) مەملەكەتتىك جانە اگەنتتىك باعالى قاعازدار; 2) حالىقارالىق قارجى ۇيىمدارىنىڭ (حقۇ) باعالى قاعازدارى; 3) كورپوراتيۆتىك بورىشتىق باعالى قاعازدار; 4) جىلجىمايتىن م ۇلىك (مۆ8) جانە اكتيۆتەر (اۆ8) كەپىلىمەن باعالى قاعازدار; 5) اكتسيالار, اكتسيالارعا دەپوزيتارلىق قولحاتتار; 6) «كەرى رەپو» وپەراتسيالارى; 7) شەتەل ۆاليۋتاسىمەن جانە التىنمەن دەپوزيتتەر (سالىمدار); 8) ستاندارتتى تۋىندى قارجى قۇرالدارى; 9) قۇرىلىمدىق ونىمدەر; 10) ۆاليۋتالار; 11) اقشا نارىعىنىڭ قورلارى; 12) قۇيما جانە مەتالل شوتتارداعى التىن; 13) يسلامدىق قارجىلاندىرۋ قۇرالدارى. 2. قازاقستاندىق قارجى قۇرالدارى: 1) قازاقستان رەسپۋبليكاسىنىڭ مەملەكەتتىك باعالى قاعازدارى; 2) قازاقستان رەسپۋبليكاسى مەملەكەتتىك باعالى قاعازدارىنىڭ كەپىلىمەن «كەرى رەپو» وپەراتسيالارى; 3) كۆازيمەملەكەتتىك سەكتور سۋبەكتىلەرىنىڭ قازاقستان رەسپۋبليكاسى بيۋدجەت كودەكسىنىڭ 3-بابى 1-تارماعىنىڭ 31) تارماقشاسىندا ايقىندالعان بورىشتىق باعالى قاعازدارى; 4) قازاقستان رەسپۋبليكاسى ەكىنشى دەڭگەيدەگى بانكتەرىنىڭ رەتتەلگەن وبليگاتسيالارىن قوسپاعاندا, بورىشتىق باعالى قاعازدارى; 5) تەڭگەمەن, شەتەل ۆاليۋتاسىمەن جانە التىنمەن دەپوزيتتەر (سالىمدار); 6) قازاقستان رەسپۋبليكاسى ۇكىمەتىنىڭ كەپىلدىگىمەن جانە/نەمەسە كەپىلگەرلىگىمەن شىعارىلعان مەملەكەتتىك ەمەس بورىشتىق باعالى قاعازدار; 7) ستاندارتتى تۋىندى قارجى قۇرالدارى; 8) قۇيما جانە مەتالل شوتتارداعى التىن; 9) يسلامدىق قارجىلاندىرۋ قۇرالدارى; 10) كۆازيمەملەكەتتىك سەكتوردىڭ جانە ەكىنشى دەڭگەيدەگى بانكتەردىڭ باعالى قاعازدارىن قوسپاعاندا, مەملەكەتتىك ەمەس بورىشتىق باعالى قاعازدار; 11) اكتسيالار, اكتسيالارعا دەپوزيتارلىق قولحاتتار.