قايتارىمى مول كوكتەمگى جارمەڭكەلەر

ايماقارالىق كووپەراتسيا اياسىندا وبلىستىڭ ەلىمىزدىڭ وڭتۇستىك وڭىرلەرىمەن ىنتىماقتاستىق ءارىپ­تەستىكتى قالىپتاستىرۋ جۇمىس­تارىنىڭ اۋقىمى كەڭەيە تۇسۋدە. ناۋرىز ايىنىڭ العاشقى سەنبى­سىندە وبلىس ورتالىعىنداعى «ور­دا» بازارىندا قىزىلوردا جانە اقتوبە وبلىستارىنىڭ تاۋار ءون­دىرۋ­شىلەرى ونىمدەرىنىڭ كورمە-جارمەڭكەسى ۇيىمداستىرىلىپ, قالا تۇرعىندارى ارزان ازىق-ت ۇلىككە قارىق بولىپ قالعان بولاتىن. سول جارمەڭكەدە سىر ءوڭى­رىنىڭ كاسىپكەرلەرى مەن تاۋار وندىرۋشىلەرى دەلەگاتسياسىن باس­تاپ كەلگەن قىزىلوردا وبلىسى اكىمىنىڭ ورىنباسارى سەرىك قوجانيازوۆ 22 شارۋاشىلىق قۇرىلىمدارى 130 توننادان استام ازىق-ت ۇلىك ونىمدەرىن اكەلگەنىن, بۇل ونىمدەردىڭ جالپى قۇنى شامامەن 30 ميلليون تەڭگە بولاتىنىن ايتقان ەدى. سونىمەن قاتار, «اقتوبەنىڭ ونىمدەرى» اكتسيا­سى­نىڭ جالعاسى رەتىندە ءارى قى­زىلوردالىق كاسىپكەرلەرگە تانىستىرۋ ماقساتىندا بۇل ءجار­مەڭكەدە جەرگىلىكتى 21 كاسىپ­ورىن ءوز ونىمدەرىن ۇسىندى. قىزىلوردانىڭ كۇرىشى, بالى­عى, تۇزى, كارتوبى, ءسابىزى, پيازى, ەتى, تاعى باسقا ازىق-ت ۇلىك ءونىم­­دەرى جاقسى وتكەنىنە كۋا بول­عا­نىمىز بار. قالالىقتار باسقا ساۋدا ورىندارىنداعى باعا­لارعا قاراعاندا ءبىرشاما ارزان باعامەن ازىق-ت ۇلىك ساتىپ الۋ مۇمكىندىكتەرىنە يە بولدى. سول جارمەڭكەدە قىزىلوردالىقتار كۇرىشتىڭ كەلىسىن 150 تەڭگەگە ساۋدالادى, ال جەرگىلىكتى ساۋدا ورىندارىندا كۇرىشتىڭ كەلىسى – 220 تەڭگە تۇرادى. كارتوپتىڭ كەلىسى – 50 تەڭگە, پياز – 35 تەڭگە, ءسابىز 45 تەڭگە بولدى. ارالدىڭ بالىعىنىڭ كەلىسى 250 -350 تەڭگە شاماسىندا ساتىلدى. وبلىستا ايماقارالىق كووپەراتسيانى ورىستەتۋ ءۇردىسى جالعاسىن تابۋدا. بۇل جولى «وردا» بازا­رىندا جامبىل وبلىسىنىڭ اۋىل­شارۋاشىلىق تاۋارلارىن ءوندى­رۋشى كاسىپكەرلەرى ءوز ونىمدەرىن تۇتىنۋشىلارعا ۇسىندى. – بىزدەر اقتوبەگە 100 تونناداي ازىق-ت ۇلىك ونىمدەرىن اكەلدىك. ياعني, 10 توننا كارتوپ, 80 توننادان استام كوكونىس تۇرلەرى, ونىڭ ىشىندە 50 توننا جۋا, 3 توننا ءسۇت ونىمدەرى, 2,5 توننا ماكارون, 2 توننا كولباسا ونىمدەرى, ءبىر تونناداي وسىمدىك مايى ساۋداعا شىعارىلدى. كارتوپتىڭ ءار كەلىسى – 45, جۋا 30 تەڭگەدەن ساتىلۋدا, – دەدى جامبىل وبلىستىق كاسىپكەرلىك باسقارماسى باسشىسىنىڭ ورىنباسارى سامات ۇرپەكوۆ. ول جامبىل وبلىسىندا اگرار­لىق سەكتور جاقسى دامىپ وتىر­عانىن تىلگە تيەك ەتە كەلىپ, ءسوز اراسىندا وزدەرىنىڭ تازا تابيعي ءونىم­دەرىنە قىتاي ەلىنەن دە سۇرانىس ءتۇسىپ جاتقانىن بۇل باعىت­تاعى جەتىستىك رەتىندە اتاپ ءوتتى. ءوڭىر­ارالىق ارىپتەستىكتىڭ باسقا سالالار بويىنشا دا نىعايتى­لاتىنىن جەتكىزدى. جارمەڭكەگە قاتىسقان اقتوبەلىك كاسىپكەرلەر دە ساۋدا سورەلەرىنە ءوز ونىمدەرىن مولىنان شىعاردى. وبلىستىق كاسىپكەرلىك باسقارماسى باسشىسىنىڭ ورىنباسارى اسقار كوكەەۆ ءبىزدىڭ ءوڭىردىڭ باسقا وبلىس­تارمەن ساۋدا ىنتىماقتاستىعى جالعاسا بەرەتىنىن مالىمدەدى. ونىڭ ايتۋىنشا, ەندىگى كەزەكتە وڭ­تۇس­تىك قازاقستان وبلىسىنىڭ اۋىل­شارۋاشىلىق ونىمدەرى جەتكى­زىلەدى دەپ كۇتىلۋدە. وڭىرارالىق كووپەراتسيا اياسىندا الداعى ۋاقىتتا اقتوبەلىكتەر دە ءوز ونىمدەرىن باسقا وبلىستارعا اپارۋدى ويلاستىرۋدا. بۇدان باسقا «تابىس» جانە «التاي» بازارلارىندا دا ازىق-ت ۇلىك قولجەتىمدى باعالارمەن ساتىلدى. جارمەڭكەلەرگە كەلۋشىلەرگە كونتسەرتتىك باعدارلامالار ۇسى­نىل­دى. ولاردىڭ جۇيەلى ۇيىمداس­تىرىلۋى قالالىقتاردىڭ بازارلاردا ارزان ازىق-ت ۇلىك ساتىلاتى­نىنا دەگەن سەنىمىن نىعايتا تۇسۋدە. ساتىبالدى ءساۋىرباي, «ەگەمەن قازاقستان». اقتوبە وبلىسى. سۋرەتتى تۇسىرگەن حايرەدەن راۋشانوۆ.