جاڭا ۇلگىدەگى كوشە شامدارى

جارىقتاندىرۋعا جۇمسالاتىن ەنەرگيانى 60 پايىزعا ۇنەمدەيدى ءوڭىر باسشىسى دانيال احمەتوۆ پەن ەۋروپا قايتا قۇرۋ جانە دامۋ بانكىنىڭ قازاقستان بويىنشا ديرەكتورى دجانەت حەكمان شىعىس قازاقستان وبلىسىنداعى ەكى جوبانى قارجىلاندىرۋ تۋرالى كەلىسىمگە قول قويدى. قوس جوبانىڭ جالپى قۇنى 7,7 ميلليارد تەڭگەنى قۇرايدى. ونىڭ باسىم بولىگى ەۋروپا قايتا قۇرۋ جانە دامۋ بانكىنىڭ قارجىسى. سونداي-اق, ۇكىمەت گرانتى مەن جەرگىلىكتى بيۋدجەت قاراجاتىنىڭ دا ۇلەسى بار. نەسيە قارجىسى اتالعان بانكتىڭ بەرگەن قارىزىنىڭ مولشەرىندە عانا قايتارىلماق. نەسيەنى قۇيۋ مەرزىمى 10 جىلعا ەسەپتەلگەن. وسى قارجى ارقىلى وسكەمەن مەن سەمەي قالالارىنداعى كوشە شامدارى قۋات ۇنەمدەيتىن جوعارى تەحنولوگيالى شامدارعا اۋىستىرىلماق. قوس جوبا كوشەلەردى جارىقتاندىرۋعا جۇمسالاتىن شىعىندى 60 پايىزعا دەيىن ازايتادى دەپ كۇتىلۋدە. وبلىس ورتالىعى مەن سەمەي قالالارىنداعى كوشەلەردىڭ قازىرگى جارىقتاندىرۋ جۇيەسى ەنەرگيانى جۇمساۋ جاعىنان اسا ءتيىمدى ەمەس. باسىم بولىگىنىڭ توزىعى جەتكەن. وسىعان وراي, وبلىس اكىمدىگى ەۋروپا قايتا قۇرۋ جانە دامۋ بانكىمەن بىرگە قوس قالا كوشەلەرىن جارىقتاندىرۋدى جاڭعىرتۋ جوباسىن قولعا الدى. جوبا بويىنشا جاڭعىرتۋ جۇمىستارى بارىسىندا ەلەكتر شامدارىنىڭ باعاندارىنا دەيىن تولىق اۋىستىرىلىپ, جاڭا ءتى­رەكتەر ورناتۋ, جەكەلەگەن تران­س­­­فورماتورلىق پودستانسالاردى سا­تىپ الۋ جۇمىستارى جۇزەگە اسىرىلادى. سونىمەن بىرگە, ورتا­لىقتاندىرىلعان باسقارۋ پۋنكتى جانە جۇيەنى باقىلاۋعا ارنالعان باعدارلامالىق قامتاماسىز ەتۋ قۇرىلىمى ەنگىزىلمەك. وبلىس اكىمدىگى حابارلاعانداي, اتالعان جوبالاردى جۇزەگە اسىرۋ ءبىر جىلدا وسكەمەن قالاسىندا – 40,7 ميلليون, سەمەي قالاسىندا 30,8 ميلليون تەڭگە قاراجاتتى ۇنەمدەۋگە جول اشادى. – ءبىز ەلباسى نۇرسۇلتان نازارباەۆتىڭ تاپسىرماسىن جۇزەگە اسىرۋ ماقساتىندا «نۇرلى جول» باعدارلاماسىن ورىنداۋ اياسىنداعى بيۋدجەت رەسۋرستارىنان بولەك ەۋروپا قايتا قۇرۋ جانە دامۋ بانكىنىڭ نەمەسە كەز كەلگەن باسقا دا الەمدىك ينستيتۋت قىزمەتىمەن بايلانىستى قارجى كوزدەرىمەن جۇمىس ىستەۋدەمىز. جانە قازىرگى الەۋەتىمىزدى تولىعى­مەن جۇزەگە اسىرۋدامىز. 22 ميلليارد – بۇل جۇمىستىڭ باس­تاۋى عانا. وبلىستا ونداعان جىلدار بويى شەشىمىن تاپپاعان كۇردەلى ماسەلەلەر بار. ماسەلەن, بۇقتىرما سۋ قويماسىمەن وتەتىن كوپىر وتكەلىنىڭ قۇرىلىسى. جاقىن ارادا اتالعان ينفراقۇرىلىمنىڭ قۇرىلىسى باستالاتىنىنا سەنىم­دىمىن, – دەدى دانيال احمەتوۆ. ءوز كەزەگىندە دجانەت حەك­مان بارلىق جوبالاردىڭ ەنەرگيا­لىق تيىمدىلىكتى ارتتىرۋعا باعىت­تالعانىن, بۇل قازاقستاننىڭ «جاسىل ەكونوميكانى» دامىتۋ ماقسا­تىمەن ۇندەس ەكەنىن اتاپ ءوتتى. ايتا كەتەلىك, 2015 جىلدىڭ جەلتوقسان ايىندا سەمەي قالا­سىن­داعى سۋمەن قامتۋ جانە سۋ جەلىلەرى جۇيەسىن جاڭعىرتۋ بويىنشا 11 ميلليارد تەڭگە كولەمىندە نەسيەلىك كەلىسىمگە قول قويىلعان ەدى. قازىرگى كەزدە وسكەمەندە ەۋروپا قايتا قۇرۋ جانە دامۋ بانكىنىڭ كەڭسەسى جۇمىس ىستەيدى. بانك شاعىن جانە ورتا كاسىپكەرلىك جوبالارىن نەسيەلەندىرۋدە. دۋمان اناش, «ەگەمەن قازاقستان». وسكەمەن.