جۇرگىزۋشى كۋالىگىن اۋىستىرۋ ءۇشىن ەمتيحان بولمايدى

استانا. 29 ناۋرىز. ىشكى ىستەر ءمينيسترىنىڭ ورىنباسارى ەرلان تۇرعىمباەۆ جۇرگىزۋشىلەرگە كۋالىكتەرىنىڭ مەرزىمى بىتكەن سوڭ ونى اۋىستىرۋ ءۇشىن ەمتيحان تاپسىرمايتىنىن ايتتى. بۇل تۋرالى egemen.kz ءتىلشىسى حابارلادى. «جۇرگىزۋشىلەر كۋالىكتەرىنىڭ ۋاقىتى اياقتالعان سوڭ جاڭا كۋالىكتى ەمتيحان تاپسىرماي الاتىن بولادى. قازىر ماجىلىستە وسى ماسەلەگە قاتىستى زاڭ جوباسى قارالىپ جاتىر. دەپۋتاتتار جاڭا كۋالىك الۋ ءۇشىن ەمتيحان تاپسىرۋ كەرەك دەگەن باپتى الىپ تاستاۋدى ويلاستىرىپ وتىر. ال, مەرزىمى وتكەن كۋالىكتەردى وتكىزۋگە ءبىر جىل ۋاقىت بەرىلەدى», دەدى ول. سونىمەن بىرگە ول ىشكى ىستەر مينيسترلىگىنىڭ استانا, الامتى, قاراعاندى, قوستاناي مەن پاۆلودار قالالارىنىڭ حالىققا قىزمەت كورسەتۋ ورتالىقتارىندا ازاماتتاردىڭ تىركەلگەن جەرىنە قاراماستان جۇرگىزۋشى كۋالىگىن بەرۋ ماسەلەسىن دە قاراستىراتىنىن اتاپ ءوتتى. داستان كەنجالين. دەرەك: ىشكى ىستەر مينيسترلىگى. سۋرەت: egemen.kz