ەلباسى مەن ەل سەنىمىن اقتايتىنىن ايتتى

قازاقستان پرەزيدەنتىنىڭ جارلىعىمەن التاي كولگىنوۆ باتىس قازاقستان وبلىسىنىڭ اكىمى بولىپ تاعايىندالدى. ايماق اكتيۆىنە ونى پرەمەر-مينيستر كارىم ءماسىموۆ پەن پرەزيدەنت اكىمشىلىگىنىڭ باسشىسى نۇرلان نىعماتۋلين تانىستىردى. اشىعىن ايتقاندا, جاڭا ءوڭىر باسشىسىنىڭ ەسىمى باتىس­قازاق­ستاندىقتارعا بۇعان دەيىن دە جاق­سى تانىس دەۋگە بولادى. ويتكەنى, ول وڭىردە وبلىس اكىمىنىڭ ورىن­باسارى, ورال قالاسىنىڭ اكىمى قىز­مەتتەرىن ادامدارمەن ور­تاق ءتىل تابىسا وتىرىپ اتقارعان. سو­نىڭ قاي-قايسىسىندا دا ول وزىنە تاپ­سىرىلعان ىسكە جاۋاپكەر­شى­لىكپەن قاراي بىلگەنىنە ەل-جۇرت كۋا. وبلىس اكتيۆى الدىندا ءسوز العان ا.س.كولگىنوۆ بۇل ەلباسى مەن ەل تاراپىنان وزىنە كورسەتىلگەن ۇلكەن سەنىم مەن جوعارى جاۋاپ­كەر­شىلىك ەكەنىن ايتا كەلىپ, وسى ەكى بىرلىكتىڭ ۇدەسىنەن شىعۋعا, ءوزىنىڭ جاستىق جىگەرىن وبلىس ەكونومي­كاسىن ودان ءارى كوتەرۋگە جۇمساي­تىنىن جەتكىزدى. ءارى الدا تۇرعان كۇر­دەلى مىندەتتەردى وبلىس جۇرتشى­لىعىمەن جانە جاڭادان سايلانعان ءماسليحات دەپۋتاتتارى كورپۋسىمەن بىرلەسە وتىرىپ اتقارۋ ءوزى ءۇشىن ۇلكەن مەرەي ەكەنىن ايتتى. سونداي-اق, اكتيۆتە ۇكىمەت باسشىسى ك.ءما­­سى­موۆ ەجەلگى وركەنيەت ءوڭىرى اتانعان اقجايىق ايماعىن ءتورت جىل­دان استام ۋاقىت باسقارعان نۇر­لان نوعاەۆتىڭ اتىنا وڭ پىكىر ءبىلدىردى. سونىڭ ىشىندە پرەمەر-مي­نيستر ونىڭ وبلىسقا قاجەتتى ين­ۆەس­تيتسيالىق قاراجات تارتا ءبىلۋ­دەگى ەرەكشە ەڭبەگىنە ەكپىن ءتۇسىر­دى. الەمدە قالىپتاسىپ وتىر­عان ءبۇ­گىنگى كۇردەلى قارجى-ەكونو­مي­كالىق جاعدايلار مەن ەلىمىزدە ءون­دىرىلەتىن شيكىزاتتىق سەكتور باعاسىنىڭ دۇنيەجۇزىلىك رىنوكتا تومەندەپ كەتۋى جاعدايىندا بۇل – اتاپ ايتۋعا تۇرارلىقتاي جاقسى قاسيەت. ينۆەستيتسيالىق تار­تىم­دى­لىق قاي كەزدە دە قاجەت, دەپ ءتۇيىن­­دەدى ءوز ءسوزىن كارىم قاجىم­قان ۇلى. ءوز كەزەگىندە نۇرلان نوعاەۆ ورال وڭىرىندە باتىس­قازاق­ستان­دىق­تارمەن قويان-قولتىق, تىزە قو­سىپ ەڭبەك ەتكەن كەزەڭى جادىندا عۇ­مىر بويى ساقتالاتىنىن ايتىپ, بىرلەسە اتقارعان ناتيجەلى ءىس ءۇشىن اكتيۆكە قاتىسۋشىلارعا ريزا­شىلىعىن جەتكىزدى. تەمىر قۇسايىن, «ەگەمەن قازاقستان». ورال.