شىمكەنتتە حالىقارالىق ينۆەستيتسيالىق فورۋم وتەدى

شىمكەنت. 28 ناۋرىز. شىمكەنت قالاسىندا حالىقارالىق ينۆەستيتسيالىق فورۋم وتەدى. بۇل تۋرالى egemen.kz ءتىلشىسى حابارلادى. وڭتۇستىك قازاقستان وبلىسى اكىمىنىڭ ورىنباسارى س.تۇياقباەۆتىڭ ايتۋىنشا, «Ontustik Invest - 2016» فورۋمى وسى جىلدىڭ 28-29 ءساۋىرى كۇندەرى «Rixos Khadisha Shymkent» قوناق ۇيىندە وتەدى.  ول وبلىستى شەتەلگە تانىتۋدى جانە وڭىرگە شەتەل ينۆەستيتسياسىن تارتۋ ماقساتىندا ۇيىمداستىرىلادى. «اۋىل شارۋاشىلىعى, تاماق جانە جەڭىل ونەركاسىپ, فارماتسەۆتيكا سالالارى ءبىزدىڭ ءوڭىر ءۇشىن ماڭىزدى تاقىرىپ. سەبەبى, بۇل سالالار باسقا وڭىرلەرمەن, ەلدەرمەن سالىستىرعاندا ءبىزدىڭ ايماقتا جاقسى دامىعان. سوندىقتان, وڭىرگە شەتەلدىك ينۆەستورلاردىڭ قىزىعۋشىلىق تانىتۋى زاڭدىلىق. ماسەلەن, كورشىلەس قىتاي مەملەكەتىندە بىزدەگى ورگانيكالىق تازا, ساپالى تاعامدار جوعارى سۇرانىسقا يە. ونداعى باعا ۇسىنىسى دا ءبىزدىڭ كاسىپكەرلەردىڭ كوڭىلىنەن شىعادى. بۇگىندە كەلىسسوزدەر جۇرگىزىلۋدە. مىنە, وسىنداي جان-جاقتى جۇمىستاردىڭ ارقاسىندا وبلىس شارۋالارى ونىمدەرىن ەكسپورتتاۋعا مۇمكىندىك الادى. سول سەبەپتى, بۇل فورۋمنىڭ وقو ءۇشىن ماڭىزى زور», دەدى وبلىس اكىمىنىڭ ورىنباسارى. باقتيار تايجان. دەرەك, سۋرەت: egemen.kz