شىمكەنتتە ءبىر ازامات كولىك قۋامىن دەپ ادام سوقتى

شىمكەنت. 24 ناۋرىز. شىمكەنتتەگى ت.رىسقۇلوۆ كوشەسىنىڭ بويىندا جول-كولىك پوليتسەيلەرى «لادا پريورا» كولىگىنە توقتاۋعا بەلگى بەرەدى. وسىنىڭ سوڭى قايعىلى وقيعاعا بارىپ سوقتى. بۇل تۋرالى وڭتۇستىك قازاقستان وبلىستىق ىشكى ىستەر دەپارتامەنتى ءباسپاسوز قىزمەتىنىڭ مالىمدەمەسىنە سىلتەمە جاساعان egemen.kz ءتىلشىسى حابارلادى. وقيعا بىلاي بولعان. پوليتسەيلەرگە باعىنباعان «لادا» ۇلكەن جىلدامدىقپەن قاشىپ كەلە جاتىپ, قازيەۆ كوشەسىندە باعاناعا سوعىلادى. سول جەردەگى ايالدامادان وتكەلى جاتقان جولاۋشى قاشىپ, كوشە ورتاسىنا شىققاندا ونى پوليتسيا قىزمەتكەرلەرى مىنگەن كولىك ۇشىرىپ جىبەرەدى. شىمكەنت قالالىق جەرگىلىكتى پوليتسيا قىزمەتىنىڭ باسشىسى دانيار مەيىرحان: «قاشىپ كەتكەن جۇرگىزۋشى جۇمىس ورنىندا ۇستالدى. ول قۇرىلىس كومپانياسىندا جۇمىس جاسايدى. بەلگىلى بولعانى, ول وزبەكستان ازاماتى ەكەن. ءبىراز جىلدان بەرى شىمكەنتتە تۇرادى. ايتا كەتۋ كەرەك, جەرگىلىكتى پوليتسيا قىزمەتكەرلەرىنىڭ ارەكەتىنە تولىق تەكسەرۋدەن سوڭ باعا بەرىلەدى. ويتكەنى, لادا اۆتوكولىگىنىڭ جۇرگىزۋشىسى جول ەرەجەسىن بۇزىپ, باعىنباي كەتىپ, ءىزىن سۋىتپاق بولادى»6 دەدى. باقتيار تايجان. دەرەك, سۋرەت: egemen.kz