ەل بىرلىگىنىڭ ۇلگىسىن كورسەتتى

كەز كەلگەن سايلاۋدىڭ ەلدىڭ بولاشاعى ءۇشىن ماڭىزى زور. سول سەبەپتى دە, ونىڭ ءوتۋ بارىسىنا ەرەكشە ءمان بەرىلەدى. وسى رەتتە قازاقستان ازاماتى سايلاۋشى رەتىندە ەلىمىزدە وتكەن پارلامەنت ءماجىلىسى مەن بارلىق دەڭگەيدەگى ءماسليحات دەپۋتاتتارىن سايلاۋ ناۋقانى لايىقتى دەڭگەيدە وتكەنىن ايتقىم كەلەدى. مۇنى حالىقارالىق بايقاۋشىلار دا قاپەرلەرىنە الىپ, جوعارى باعالارىن بەرۋدە. ەندەشە, كەزەكتى رەت سايلاۋدى ءادىل ءارى اشىق وتكىزگەن قازاقستاندى تاعى ءبىر ساياسي بەلەستى باعىندىردى دەۋگە تولىق نەگىز بار. وسى ساياسي دودادا بۇكىلحالىقتىق قولداۋعا يە بولىپ, سايلاۋشىلار داۋى­سىنىڭ 82,20 پايىزىن العان «نۇر وتان» پارتياسىن جارقىن جەڭىسىمەن قۇت­تىقتايمىن. بۇل – ەلباسىنىڭ ەلدىڭ ەرتەڭى ءۇشىن قولعا العان يگى باستامالارىنىڭ اياسىنا توپتاسقان بار­شا حالىقتىڭ جە­ڭىسى. سايلاۋعا ءبىر كىسى­د­ەي قاتىسىپ, ءوز تاڭ­داۋىن جا­سا­عان قا­­زاقستاندىق­­تار ەل­­­د­ەگى تۇراقتىلىق پەن تاتۋ­لىقتى, ىن­­­ت­ى­­ماق پەن كەلى­سىم­دى, بەيبىتشىلىك پەن بىرلىكتى بۇكىل الەمگە پاش ەتىپ, ءبىزدىڭ دۇرىس جولدى تاڭ­دا­عانىمىزدى تاعى ءبىر ايعاقتاپ بەردى. سايلاۋعا داۋىس بەرۋشىلەردىڭ 77,12 پايىزىنىڭ قاتىسۋى حالىقتىڭ ءوز بولاشاعىنا بەيجاي قارامايتىنىن بىلدىرەدى. بۇرىن-سوڭدى پارلامەنت ءماجىلىسى سايلاۋىندا مۇنداي بەلسەن­دىلىك­تىڭ بولماعانىن ەسكەرسەك, ءبۇ­گىن­دە قازاقستان حالقىنىڭ ساياسي ساۋا­تى ارتقان, ازاماتتىق ءمىن­دەتتىڭ جاۋاپ­كەرشىلىگىن سەزىنەتىن, ەلدىڭ ەرتەڭى ءۇشىن الاڭدايتىن دەڭگەيگە جەتكەنىن اڭعارامىز. اتالعان سايلاۋعا ت.جۇرگەنوۆ اتىنداعى قازاق ۇلتتىق ونەر اكادە­مياسىنىڭ ۇجىمى دا ءبىر كىسىدەي اتسالىسىپ, ءوز تاڭداۋلارىن جاسادى. ەلدەگى مادەنيەت پەن ونەردىڭ دامۋىنا وزىندىك ۇلەسىن قوسىپ كەلە جاتقان اكادەميا قىزمەتكەرلەرى قازاقستاننىڭ بولاشاعى جارقىن بولارىنا سەنىممەن قارايدى. مەڭىنشە, «نۇر وتان» پار­تياسىنىڭ تالاسسىز جەڭىسى – زاڭدىلىق. سەبەبى, وسىعان دەيىن دە ەلىمىزدە ايتارلىقتاي ءىس تىندىرىپ, حالىقتىڭ قولداۋىنا يە بولعان پارتيانىڭ بۇل جولعى سايلاۋ­ال­دى باعدارلاماسى بۇگىنگى ساياسي جانە ەكونوميكالىق تالاپ­تاردىڭ ۇدەسىنەن تولىق شىعادى. وندا داعدارىستى ەڭسەرۋ ءۇشىن ەلباسى كورسەتىپ بەرگەن ستراتەگيالىق رەفورمالاردى ىسكە اسىرۋدىڭ باسىم باعىتتارى, حالىقتىڭ الەۋمەتتىك جاعدايىن جاقسارتۋدىڭ نەگىزگى تەتىكتەرى جانە ەلدىڭ دامۋىنا تىڭ سەرپىن بەرەتىن جاڭا جوبالار كورىنىس تاپقان. سونداي-اق, حالىقتىڭ مادەنيەتى مەن رۋحاني ءومىرى دە نازاردان تىس قالماعان. سول سەبەپتى, حالىق ءوزىن سوزبەن ەمەس, ىسپەن دالەلدەگەن پارتيانى تاڭدادى. ەندى ءماجىلىس قابىرعاسىنا ىسكەر, ءوز ءىسىنىڭ ناعىز مامانى, پاتريوت ازاماتتار كەلەدى دەپ ۇمىتتەنەمىن. ولارعا الداعى جۇمىستارىنا ساتتىلىك جانە جەمىستى ەڭبەك تىلەيمىن. بيبىگۇل ءنۇسىپجانوۆا, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى.