Apple كومپانياسى جاڭا iPhone SE سمارتفونىن شىعاردى

استانا. 22 ناۋرىز. بەلگىلى Apple كومپانياسى 4 ءديۋيمدى جاڭا iPhone SE سمارتفونىن تانىستىردى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. جاڭا قۇرىلعىنىڭ ءبىر ەرەكشەلىگى سىرتقى كەلبەتى 5S فورماسىنا ۇقساعانىمەن, فۋنكتسيالىق جاعىنان 6S ۇلگىسىمەن بىردەي قىزمەت اتقارادى. ءتىپتى, كوپشىلىكتىڭ ءجيى قولداناتىن Live Photos تا بار. نەگىزگى كامەراسى 12 مەگاپيكسەل بولعاندىقتان 4ك ۆيدەو تۇسىرە الادى. پروتسەسسورى ا9 بولسا, قوسىمشا پروتسەسسورى م9. كومپانيا باسشىسى تيم كۋكتىڭ ايتۋىنشا, حالىقتىڭ شاعىن تەلەفونعا دەگەن سۇرانىسى جوعارى بولعاندىقتان, جاڭا قۇرىلعىنىڭ ءتۇر-كەلبەتى بۇرىنعى ايفونعا ۇقساستىرىلىپ شىعارىلعان. سونداي-اق, ول جيىن بارىسىندا iPhone 5S تەلەفونى ەندىگى ساتىلىمعا شىقپايتىنىن مالىمدەدى. گادجەتتىڭ 14 گيگابايت سىيىمدىلىعىنىڭ قۇنى 399 اقش دوللار بولسا, 64 گيگابايتتىسى 499 دوللاردى قۇرايدى. دەۆايستى 31 ناۋرىزدان ساتىپ الۋعا بولادى. ال ەلىمىزگە قاشان كەلەرى ازىرگە بەلگىسىز. الدىن الا بولجام بويىنشا وسى ايدىڭ سوڭىنا تامان نەمەسە كەلەسى ايدىڭ باسىندا شىعۋى مۇمكىن. ايان ءابدۋالي. دەرەك: تاسس. سۋرەت: vk.com.