قازاقستان xالقى اسسامبلەياسىنىڭ كەزەكتەن تىس XXIII سەسسياسى باستالدى

استانا. 21 ناۋرىز. بەيبىتشىلىك جانە كەلىسىم سارايىندا «قازاقستان xالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتارىنىڭ كەزەكتەن تىس سايلاۋى» كۇن تارتىبىمەن اسسامبلەيانىڭ كەزەكتەن تىس XXIII سەسسياسى ءوز جۇمىسىن باستادى. بۇل تۋرالى kazinform.kz-كە سىلتەمە جاساعان egemen.kz ءتىلشىسى حابارلادى. سەسسيادا «قازاقستان رەسپۋبليكاسىنىڭ سايلاۋ تۋرالى» كونستيتۋتسيالىق زاڭىنىڭ 93-1-بابىنا سايكەس, اسسامبلەيا مۇشەلەرى اسسامبلەيا سايلايتىن پارلامەنت ءماجىلىسىنىڭ دەپۋتاتتىعىنا قازاقستان xالقى اسسامبلەياسى كەڭەسى ۇسىنعان كانديداتتار ءۇشىن داۋىس بەرۋدى باستادى. وندا ەلدىڭ بارلىق وڭىردەرىنەن, رەسپۋبليكالىق جانە وڭىرلىك ەتنومادەني بىرلەستىكتەر وكىلدەرىنىڭ قاتارىنان قۇرالعان قازاقستان xالقى اسسامبلەياسى مۇشەلەرى, قوعام قايراتكەرلەرى, عىلىمي جانە شىعارماشىل زيالى قاۋىمنان تۇراتىن دەلەگاتسيالار, ەلىمىزدە تىركەلگەن xالىقارالىق بايقاۋشىلار مەن شەتەلدىك باق وكىلدەرى قاتىسۋدا. ساعات 07:00-دە استانا قالاسىنىڭ قالالىق سايلاۋ كوميسسياسى بەيبىتشىلىك جانە كەلىسىم سارايىندا پارلامەنت ءماجىلىسىنىڭ دەپۋتاتتارىن سايلاۋ بويىنشا ارنالعان پۋنكتتى اشتى. ايتا كەتەيىك, پارلامەنت ماجىلىسىندە 107 دەپۋتات بار, ونىڭ 98-ءى پارتيالىق ءتىزىم بويىنشا, 9-ى قازاقستان حالقى اسسامبلەياسى اتىنان سايلانادى. ەسكە سالا كەتەيىك, قازاقستان xالقى اسسامبلەياسى اتىنان 9 ۇمىتكەر: ابدراحمانوۆ ساۋىتبەك ابدراحمان ۇلى, بوجكو ۆلاديمير كارپوۆيچ, جۇمادىلداەۆا ناتاليا ۆاسيلەۆنا, كيم رومان ۋحەنوۆيچ, ميكاەليان نارينە گاملەتوۆنا, مۋرادوۆ احمەد سەيداراحمانوۆيچ, نۋرۋموۆ شايماردان ۋساينوۆيچ, تيموششەنكو يۋري ەۆگەنەۆيچ, حاحازوۆ شاكير حۋساينوۆيچ تىركەلگەن بولاتىن. تالعات رايىمبەك. دەرەك: kazinform.kz. سۋرەت: khabar.kz.