سۇراۋ سالۋ ناتيجەلەرى جاريالاندى

«دەموكراتيا ينستيتۋتى» عىلىمي-زەرتتەۋ اسسوتسياتسياسى ەxit-poll تەحنولوگياسى بويىنشا سايلاۋ ۋچاسكەلەرىنەن شىققان ساتتە سايلاۋشىلار اراسىندا رەسپۋبليكالىق ساۋال­داما جۇرگiزدi. ەxit-poll-دىڭ قورىتىندىلارى مىناداي: «نۇر وتان» پارتياسى – 82%, «قازاق­ستان­نىڭ كوممۋنيستىك حالىق پارتياسى» – 7,17%, «اق ­جول» پارتياسى – 7,22%, «بىرلىك» پارتياسى – 0,35% , جالپىۇلتتىق سوتسياليستىك-دەمو­كرا­تيالىق پارتيا – 1,21%, «اۋىل» پارتياسى – 2,05%. زەرتتەۋ ەلىمىزدىڭ بارلىق 14 وبلىسىندا جانە استانا مەن الماتى قالالارىندا ءجۇر­گى­زىلىپ, وعان 75 مىڭ سايلاۋشى قاتىستى. ساۋال­دا­مامەن جالپى 750 سايلاۋ ۋچاسكەلەرى, ونىڭ ىشىندە 513 قالالىق, 237 اۋىلدىق ساي­لاۋ ۋچاس­كەلەرى قامتىلدى. زەرتتەۋ كتك تەلەارناسىنىڭ تاپسىرىسى بويىنشا جۇرگىزىلدى. * * * پارلامەنت ءماجىلىسىنىڭ دەپۋتاتتارىن سايلاۋ كۇنى «قوعامدىق پىكىر» زەرتتەۋ ينس­تيتۋتى زاكون.كز اقپاراتتىق پورتالىنىڭ تاپسىرماسىمەن Exit-polle-ستاندارتتى ادىستەمەسى بويىنشا داۋىس بەرىپ, سايلاۋ ۋچاسكەسىنەن شىققان سايلاۋشىلار اراسىندا ساۋالداما جۇرگىزدى. سايلاۋ ۋچاسكەلەرىنە كەلۋشىلەرگە «ءسىز قاي پارتياعا داۋىس بەردىڭىز؟» دەگەن سۇراق قويىلعان. ساۋالداما ەلىمىز بو­يىنشا 110 سايلاۋ ۋچاسكەسىندە جۇرگىزىلگەن. سايلاۋ ۋچاس­كەسىنەن شىققان ءاربىر بەسىنشى سايلاۋشىدان جاۋاپ الىنعان. اتالعان ساۋالداماعا بارلىعى 30 مىڭ ادام قاتىسىپتى. ىرىكتەمە قاتەلىگى +/- 0,8%. ساۋالداماعا ەلىمىزدىڭ بارلىق ايماقتارىنان 200-گە جۋىق رەسپوندەنت تارتىلعان. «نۇر وتان» پارتياسىنىڭ كور­سەتكىشى – 82,15%, قازاقستاننىڭ كوم­مۋ­نيستىك حا­لىق پارتياسىنىكى – 7,15%, «اق جول» دەمو­كرا­تيا­لىق پارتياسىنىكى – 7,17%, «ءبىر­لىك» پار­تياسىنىكى – 0,31%, جالپى­ۇلتتىق سوتسيال-دە­موكراتيالىق پارتياسىنىكى – 1,19% جانە «اۋىل» پارتياسىنىكى – 2,03%. قاي پارتيانىڭ اتى وزادى دەپ كەلگەن ساي­لاۋ ناۋقانى دا كەشە ءوز مارەسىنە جەتتى. وسى­عان وراي كەشە قازاقستان رەسپۋبليكاسى پارلا­مەنتى ءماجىلىسى دەپۋتاتتارىن سايلاۋ كۇنى «مەديا كونسۋل» اگەنتتىگى ەxit-poll ادىستەمەسى بويىنشا الەۋمەتتىك ساۋالداما جۇرگىزدى. اتالعان الەۋمەتتىك ساۋالداما «باس رەداكتورلار كلۋبى» قوعامدىق بىرلەستىگىنىڭ تاپسىرىسى بويىنشا جۇرگىزىلدى. سۇراۋ سالىنعاندار كەزدەيسوق ىرىكتەلىپ, ءاربىر بەسىنشى سايلاۋشى ساۋالداماعا قاتىسقان. زەرتتەۋ ەلىمىزدىڭ بارلىق وڭىرلەرىنىڭ, قالا مەن اۋىل تۇرعىندارىنىڭ سانى تەڭ بولاتىنداي 225 سايلاۋ ۋچاسكەسىندە جۇرگىزىلگەن. ساۋالداما جۇرگىزۋگە 267 سۇحبات الۋشى تارتىلسا, ولاردىڭ جۇمىسىن 16 وڭىرلىك مەنەدجەر ۇيلەستىرىپ وتىرعان. وعان ەلىمىزدىڭ بارلىق وڭىرىنەن 40 050 ادام قاتىسقان. سايلاۋشىلارعا «ءسىز قانداي ساياسي پارتيا ءۇشىن داۋىس بەردىڭىز؟» دەگەن سۇراق قويىلعان. «نۇر وتان» پارتياسىنا سايلاۋشىلاردىڭ 81,95 پايىزى ءوز داۋىستارىن بەرىپتى. ال قازاقستاننىڭ «اق جول» دەموكراتيالىق پارتياسىنا سايلاۋشىلاردىڭ 7,24 پايىزى جانە قازاقستاننىڭ كوممۋنيستىك حالىق پارتياسىنا 7,22 پايىزى ءوز تاڭداۋلارىن جاساپتى. بۇدان كەيىنگى ورىنعا 2 پايىزدىق ناتيجەمەن «اۋىل» حالىقتىق-دەموكراتيالىق پارتياسى جايعاسقان. بۇل جولعى سايلاۋدا جالپى­ۇلتتىق سوتسيال-دەمو­كراتيالىق پارتياسى سايلاۋشىلاردىڭ 1,20 پايىزدىق داۋىسىن يەلەنگەن. جاڭادان قۇرىلىمدالعان «بىرلىك» ساياسي پارتياسى ءۇشىن سايلاۋشىلاردىڭ 0,39 پايىزى عانا ءوز سەنىمدەرىن بىلدىرگەن. ىرىكتەۋدەگى ورتاشا قاتەلىك 0,69 پايىز. –––––––––––– سۋرەتتى تۇسىرگەن ەرلان وماروۆ.