بيلىك وكىلدەرى دە بيىكتەن تابىلدى

كەشە ميلليونداعان قازاقستاندىق ازاماتتاردىڭ قاتارىندا ەل بيلىگىنىڭ جوعارعى ساتىسىندا قىزمەت ەتىپ جۇرگەن تۇلعالار دا پارلامەنت ءماجىلىسى مەن ءماسليحاتتار دەپۋتاتتارىنىڭ كەزەكتەن تىس سايلاۋىنا ءبىر كىسىدەي قاتىسىپ, وزدەرىنىڭ داۋىستارىن بەردى. ولار وزدەرى داۋىس بەرۋگە ءتيىستى سايلاۋ ۋچاسكەلەرىنە ەرتە كەلۋشىلەر قاتارىنان تابىلدى. قازاقستان رەس­پۋب­ليكاسىنىڭ پرەمەر-ءمينيسترى كارىم ءماسىموۆ ساعات تاڭعى 9:05-تە استاناداعى م. گوركي اتىنداعى ورىس دراما تەاترى عي­ماراتىندا ورنالاسقان № 99 سايلاۋ ۋچاس­كەسىنە كەلدى. ۇكىمەت باسشىسى مۇندا پارلامەنت ماجىلىسىمەن بىرگە قالالىق ءماسليحات دەپۋتاتتىعىنا كانديداتقا دا ءوزىنىڭ داۋىسىن بەردى. قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ استاناداعى «كونگرەسس-حولل» سارايىنا ورنالاسقان № 100 سايلاۋ ۋچاسكەسىنە كەلدى. ول پارلامەنت ءماجىلىسى مەن قالالىق ءماسليحات دەپۋتاتتىعىنا داۋىس بەرىپ شىققاننان كەيىن بۇقارالىق اقپارات قۇرالدارىنىڭ وكىلدەرىمەن كەزدەستى. «Əلەمدەگى تۇراقسىزدىق جاعدايىندا قازاقستان ءوزىنىڭ سايلاۋىن وتكىزە وتىرىپ, تاعى ءبىر تاريحي وقيعانىڭ كۋəسى بولىپ وتىر, – دەدى سپيكەر ءوزىنىڭ سوزىندە. – ەلىمىزدە ۇس­تان­­عان سارابدال ساياساتتىڭ ارقاسىندا ءبارى­مىز­دە تۇراقتىلىق پەن بولاشاققا دەگەن نىق سەنىم بار. سوندىقتان, مەنىڭ ويىم­شا, وسى سايلاۋ ارقىلى قازاقستان بۇكىل əلەمگە باي­سال­دىلىعىن تانىتادى. ەندەشە, بۇگىنگى سايلاۋ­دىڭ ءəدىل دە اشىق وتەتىنىنە كۇمəن جوق». قازاقستان رەسپۋبليكاسىنىڭ مەم­لە­كەتتىك حاتشىسى گۇلشارا ابدىقالىقوۆا سايلاۋدا داۋىس بەرۋ ءۇشىن استاناداعى №89 سايلاۋ ۋچاسكەسىنە كەلدى. «بۇگىن بىزدە وتە ماڭىزدى ساياسي وقيعا بولىپ جاتىر. ويتكەنى, ەلىمىزدىڭ جوعارعى زاڭ شى­عا­رۋشى ورگانى – پارلامەنت پەن ءماس­ليحات دەپۋتاتتارىنىڭ سايلاۋى جۇرۋدە. سونىمەن قاتار, الدىمىزدا جاڭارۋ مە­رەكەسى – ناۋرىز مەيرامى كەلەدى. سوندىق­تان دا كوڭىل-كۇيىمىز كەرەمەت. ءبىز سايلاۋدا داۋىس بەرۋ ارقىلى, تۇپتەپ كەلگەندە, ءوز بولاشاعىمىز بەن تۇراقتىلىعىمىز ءۇشىن داۋىس بەرىپ وتىرمىز», – دەدى گ.ءابدى­قالىقوۆا. پارلامەنت ءماجىلىسى مەن بارلىق دەڭ­گەي­دەگى ماسليحاتقا سايلاۋ كوپشىلىك وبلىس­تا استانا ۋاقىتى بويىنشا ساعات 07:00-دە باستالدى. باتىستاعى اقتوبە, اتى­راۋ, ماڭعىستاۋ جانە باتىس قازاقستان وبلىس­تارى بولەك ساعاتتىق بەلدەۋلەردە ورنا­لاس­قان­دىقتان, مۇنداعى سايلاۋ ۋچاسكەلەرى باسقا وب­لىستاردان ءبىر ساعات كەيىنگە, اس­تانا ۋا­قىتىمەن ساعات 08:00-دە سورەدەن شىقتى. پارلامەنت سايلاۋىنا 10 ميلليونعا جۋىق, ءماسليحات سايلاۋىنا 18 ميلليوننان استام بيۋللەتەن تاراتىلعان. سايلاۋشىلار سانى 9,7 ميلليون ادامنان اسىپ وتىر.  «ەگەمەن-اقپارات».