ۇگىت جۇمىستارى زاڭعا سايكەس جۇرگىزىلدى

ۇگىتتى قوسا العاندا, داۋىس بەرىلەتىن كۇننىڭ الدىنداعى بارلىق ءىس-شارالار «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس جۇرگىزىلدى. مەملەكەتتىك ورگاندار تاراپىنان قانداي دا ءبىر زاڭ بۇزۋ­شىلىقتار تىركەلگەن جوق. بۇل تۋرالى كەشە پرە­زيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا باس پروكۋراتۋرانىڭ  رەسمي وكىلى نۇرداۋلەت سۇيىندىكوۆ ءمالىم ەتتى. «كونستيتۋتسياعا جانە مەم­لەكەت باسشىسىنىڭ تاپسىرماسىنا ساي, باس پروكۋراتۋرا اعىم­داعى سايلاۋ پروتسەسىنىڭ زاڭ­دىلىعىن قامتاماسىز ەتۋ بويىنشا بارلىق قاجەتتى شارا­لاردى قابىلدادى. ەلەكتو­رات­­تىق كەزەڭدە ازاماتتاردىڭ كونس­تي­تۋتسيالىق قۇقىقتارىنىڭ ءجا­نە سايلاۋ زاڭناماسىنىڭ ساقتا­لۋ ماسەلەلەرى پروكۋرور­لار ءۇشىن جۇمىستىڭ نەگىز­گى با­سىم­دىلىعى بولىپ بەل­گى­لەندى», دەدى باس پروكۋراتۋرانىڭ رەسمي وكىلى. تەك سايلاۋ الدىنداعى ۇگىتتى جۇرگىزۋ شارتتارىنىڭ جەكەلەگەن بۇزۋشىلىقتارى ورىن العان. ناقتى ايتقاندا, شىعىس قازاقستان وبلىسىنىڭ زىريان اۋدانىندا پروكۋراتۋرا ۋچاسكەلىك سايلاۋ كوميسسياسىنىڭ توراعاسى ا.ۋ.جۇنىسوۆاعا قاتىستى ءماسلي­حات دەپۋتاتتىعىنا كاندي­دات­تاردىڭ ءبىرىن قولداۋمەن سايلاۋ الدىنداعى ۇگىت جۇرگىزگەنى ءۇشىن اكىمشىلىك ءىس قوزعاعان. ءجۇنىسوۆا كوميسسيا توراعاسىنىڭ ءمىن­دەتتەرىن اتقارۋدان بوساتىلىپ, سونداي-اق, ونى سوت 30 اەك ءمول­شەرىندەگى ايىپپۇل تۇرىندە اكىم­شىلىك جاۋاپكەرشىلىككە تارتقان. سونىمەن قاتار, شىمكەنت قالاسىنىڭ قاراتاۋ اۋدانىن­دا قالالىق ءماسليحاتتىڭ دەپۋتات­تىعىنا كانديداتتىڭ ۇگىتتەۋ ماتەريالدارىن بۇلدىرگەنى ءۇشىن قالا تۇرعىنى ج.ك.بۋبەەۆ اكىمشىلىك جاۋاپكەرشىلىككە تارتىلىپتى. سونداي-اق, سايلاۋ الدىنداعى ۇگىتتى جۇرگىزۋ ەرەجەلەرىن بۇزۋ فاكتىلەرى بويىنشا پروكۋراتۋرا ەلوردانىڭ ءۇش تۇرعىنىنا زاڭدى بۇزۋعا جول بەرىلمەيتىنى تۋرالى الدىن الا ەسكەرتۋ جاريالاعان. «پروكۋراتۋرا ورگاندارى سايلاۋ زاڭناماسىنىڭ بۇ­زىلۋ فاكتىلەرى بويىنشا وزگە قاداعالاۋ اكتىلەرىن ەنگىزگەن جوق. داۋىس بەرiلەتiن كۇننىڭ الدىنداعى كەزەڭدە پارلامەنت ماجىلىسىنە سايلاۋ بويىنشا پروكۋراتۋرا ورگاندارىنا ءۇش ءوتىنىش قانا كەلىپ ءتۇستى. مىسالى, ۆالەنتينا بەزرۋكوۆا پارلامەنت ءماجىلىسىنىڭ دەپۋتاتتىعىنا ءوزىن ءوزى ۇسىنعان كانديدات رەتىندە تىركەۋدەن باس تارتقان سايلاۋ كوميسسيالارىنا شاعىمدانعان. وعان كانديداتتاردى ۇسىنۋ ساياسي پارتيالارمەن عانا جۇزە­گە اسىرىلاتىندىعى ءتۇسىن­دى­رىلدى. جالپى, سايلاۋ زاڭناما­سىنىڭ قانداي دا ءبىر ەلەۋلى بۇزۋ­شىلىقتارىنىڭ بولماۋى, ءبىزدىڭ پىكىرىمىزشە, اعىمداعى سايلاۋ پروتسەسىنىڭ بارىنشا اشىق جانە زاڭدى ەكەندىگىن كۋالاندىرادى», دەدى ن.سۇيىندىكوۆ. ول, سونداي-اق, سايلاۋ كۇنى, ياع­ني كەشەگى كۇنگە قاتىستى دا اقپاراتتارمەن ءبولىستى. «قازاق­ستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس, سايلاۋ كۇنى پروكۋراتۋرا ورگاندارى ءۇشىن جۇمىس كۇنى بولىپ تابىلادى جانە سول كۇنى تۇسكەن وتىنىشتەر دەرەۋ شەشىلەتىن بولادى. ورتالىق دەڭ­گەيدە دە, جەرگىلىكتى جەرلەردە دە سايلاۋ كوميسسيالارىمەن جانە مۇددەلى مەملەكەتتىك ورگاندارمەن ءبىزدىڭ ۇزدىكسىز باي­لانىسىمىز ورناتىلعان. ساي­لاۋ ۋچاسكەلەرىندە قوعامدىق قاۋىپ­سىزدىكتى پوليتسيا ورگاندارى قامتا­ماسىز ەتتى. ەلەكتوراتتىق ناۋ­قان سياقتى سايلاۋ كۇنى دە بايسالدى جاعدايدا ءوتتى. ازا­مات­تاردىڭ سايلاۋ قۇقىقتارىنىڭ بۇزىلۋى نەمەسە وزگە ەلەۋلى قۇقىققا قايشى ءىس-ارەكەتتەر ءتىر­كەلگەن جوق», دەپ مالىمدەدى باس پروكۋراتۋرانىڭ رەسمي وكىلى. كەشەگى كۇنگى ساعات 16.00-دەگى جاعداي بويىنشا پروكۋراتۋرا ورگاندارىنا 8 ءوتىنىش ءتۇس­كەن. ماسەلەن, استانادا پروكۋ­را­تۋراعا پارتيالاردىڭ ءبىرىنىڭ وكىلى راحىمجانوۆتان جاشiك­تەردىڭ بايقالۋىنا جاع­داي جاساۋدى قامتاماسىز ەتپە­گەنى ءۇشىن №78 ۋچاسكەنىڭ سايلاۋ كوميس­سياسىنىڭ توراعا­سى­نا شارا قولدانۋ تۋرالى ەكى ۇقساس ءوتىنىش تۇسكەن. ءوڭتۇس­تىك قازاقستان وبلىسىندا سو­زاق اۋدانىنىڭ پروكۋراتۋرا­سىنا گ.جاقايقىزى (اۋداندىق ءماس­ليحاتقا كانديدات ۋ.شۇكەەۆا­نىڭ سەنىم بىلدىرىلگەن ادامى) كان­دي­داتتاردىڭ ءبىرىنىڭ جاقتاس­تارى داۋىس بەرۋ ءۇشىن كەلگەن ادامداردىڭ فوتو/بەينەتۇسىرىلىمىن جۇرگىزگەندىگىنە شاعىمدانعان. اتالعان وتىنىشتەر قۇزىرەتى بويىنشا سايلاۋ كوميسسيالارىنا جولدانعان. ن.سۇيىندىكوۆتىڭ ايتۋىنشا, شىعىس قازاقستان وبلى­سى اياگوز اۋدانىنىڭ پروكۋرا­تۋ­راسىنا اۋداندىق ءماسليحات­قا كانديداتتاردىڭ ءبىرىنىڭ سەنىم بىلدىرىلگەن ادامى ا.ءسۇ­لەي­مەنوۆا باسقا كانديداتتىڭ سەنىم بiلدiرىلگەن ادامى ونىڭ ار-نامىسى مەن قادiر-قاسيەتىن قورلاعانى تۋرالى ارىزبەن جۇگىنگەن. ءوتىنىش قاراۋ ءۇشىن پوليتسياعا جولدانعان. وسى وبلىستا ا.ا.كۋزنەتسوۆ ەمدەۋ مەكەمەلەرىنىڭ ءبىرىنىڭ پاتسيەنت­تەرىن سايلاۋشىلار تىزىمىنە ەنگىزى­لۋىنىڭ نەگىزدىلىگىنە قاتىس­تى پروكۋراتۋراعا ارىزبەن جۇگىنگەن. اتالعان ءوتىنىشتى ارىزدانۋشى دەرەۋ قايتارىپ العان, وسىعان بايلانىستى قاراۋسىز قالدى­رىلىپتى. قالعان ءوتىنىش­تەر بويىنشا ولاردا كورسەتىلگەن بۇزۋشىلىقتاردىڭ بەلگىلەرى تۋرالى اقپاراتتار تەكسەرىلۋدە. دينارا بىتىكوۆا, «ەگەمەن قازاقستان».